A A A A A
Facebook Instagram Twitter
Ewe Bible 1913

Yosua 6



1
Ke wodo Yerixo ƒe agbowo hexe mɔ na Israel-viwo, eye amea ɖeke mete ŋu do alo va me o.
2
Eye Yehowa gblɔ na Yosua bena: Kpɔ ɖa, metsɔ Yerixo kple eme fia kpakple kalẽtɔwo ɖe asi na wò.
3
Eyata aʋawɔlawo katã nazɔ aƒo xlã du la akpe ɖo zi ɖeka; alea woawɔ ŋkeke ade sɔŋ.
4
Eye nunɔla adre natsɔ akɔfɛ adre adze aɖaka la ŋgɔ. Ke le ŋkeke adreagbe la woazɔ aƒo xlã du la akpe ɖo zi adre, eye nunɔlawo naku akɔfɛawo.
5
Ne wonyã ku lãdzoawo tsiã ɖe nu miese ko la, dukɔ blibo la natso aseye hoo, ekema du la ƒe gliwo aŋe adze eme, eye dukɔ la nakpɔ ŋgɔ tẽ age ɖe me.
6
Tete Yosua, Nun vi, yɔ nunɔlawo gblɔ na wo bena: Mitsɔ nubablaɖaka la, eye nunɔla adre natsɔ akɔfɛ adre adze Yehowa ƒe aɖaka la ŋgɔ.
7
Eye wògblɔ na dukɔ la bena: Mizɔ yi ɖaƒo xlã du la, eye amesiwo bia akpa la, nadze Yehowa ƒe aɖaka la ŋgɔ.
8
Esi Yosua gblɔ nya sia na dukɔa la, tete nunɔla adreawo tsɔ akɔfɛ adre dze Yehowa ŋgɔ heyi, eye woku akɔfɛawo, eye Yehowa ƒe nubablaɖaka la dze wo yome;
9
amesiwo bia akpa la, dze nunɔla, siwo le akɔfɛawo kum la ŋgɔ, eye ame mlɔeawo dze aɖaka la yome, eye wole akɔfɛawo kum atraɖii.
10
Ke Yosua de se na dukɔ la bena: Migatso aseye o, migaɖo zi o, eye migaƒo nua ɖeke o, vaseɖe gbesigbe magblɔ na mi be, mitso aseye, hafi miatso aseye!
11
Eye Yehowa ƒe aɖaka la ƒo xlã du la va kpe zi ɖeka, emegbe wogbugbɔ vɔ asaɖa la me hetsi afima ɖɔ.
12
Ke Yosua fɔ ŋdi kanya, eye nunɔlawo tsɔ Yehowa ƒe aɖaka la;
13
nunɔla adreawo tsɔ akɔfɛ adre dze Yehowa ƒe aɖaka la ŋgɔ, eye wole akɔfɛawo kum, ke amesiwo bla akpa la, dze wo ŋgɔ, eye ame mlɔeawo dze Yehowa ƒe aɖaka la yome, eye wole akɔfɛawo kum atraɖii.
14
Eye wozɔ ƒo xlã ɖu la zi ɖeka va kpe le ŋkeke eveagbe, emegbe wogbugbɔ va asaɖa la me; alea wowɔ ŋkeke aɖe sɔŋ.
15
Ke wòfɔ le ŋkeke adreagbe kaba, esime dzite tso, eye wozɔ ƒo xlã du la alea zi adre; le ŋkeke adrelia dzi ko woƒo xlã du la zi adre.
16
Zi adrelia la nunɔlawo ku akɔfɛawo, eye Yosua gblɔ na dukɔ la bena: Mitso aseye, elabena Yehowa tsɔ du la de asi na mi!
17
Mitsrɔ̃ du la kple nusiwo katã le eme gbidigbidi na Yehowa; negbe Raxab, gbolo la, kple amesiwo katã le eƒe me ko miaxɔ de agbe, elabena eyae tsɔ amesiwo míedɔ la ɣla.
18
Ke mikpɔ nyuie le busunuawo ŋu, ne miagatsɔ wo dometɔa ɖeke aɖo busu mia ɖokui ahakplɔ busu aƒu Israel-saɖa la, eye woage ɖe dzɔgbevɔ̃e me o.
19
Ke klosalo kple sika, akɔblinuwo kple gayibɔnuwo katã ŋu kɔ na Yehowa, eye woatsɔ wo ava Yehowa ƒe nudzraɖoƒe la.
20
Tete dukɔ la tso aseye, eye woku akɔfɛawo. Esi dukɔ la se akɔfɛawo ƒe ɖiɖi la, wotso aseye hoo, tete ɖu la ƒe gliwo mu ɖo baba, eye dukɔ la ge ɖe dua me, amesiame kpɔ ŋgɔ tẽ, eye woxɔ du la.
21
Eye wotsɔ yi tsrɔ̃ ŋutsuwo kple nyɔnuwo, ɖeviwo kple ame tsitsiwo, nyiwo kple alẽwo kpakple tedziwo keŋkeŋ.
22
Ke Yosua gblɔ na ŋutsu eve, siwo va tsa ŋku anyigba dzi la bena: Miyi ɖe gbolo la ƒe me, ne makplɔ nyɔnu la kple eƒe ƒometɔwo katã do goe, abe alesi mieke atam nɛ ene.
23
Tete ɖekakpui, siwo nye ŋkutsalawo la, yi ɖakplɔ Raxab kple fofoa kpakple ɖada, nɔviaŋutsuwo kple eƒe ƒometɔwo katã kpakple nusianu, si le esi la, va Israel ƒe asaɖa godo.
24
Eye wòtɔ dzo du la kple nusiwo katã le eme, negbe klosalo kple sika, akɔblinuwo kple gayibɔnuwo ko wotsɔ va nudzraɖoƒe le Yehowa ƒe me.
25
Eye Yosua na Raxab, gbolo la fofoa ƒe me tɔwo kple eƒometɔwo katã tsi agbe, eye wotsi Israel dome vaseɖe egbe, elabena eyae ɣla amesiwo Yosua dɔ, be woaɖatsa ŋku le Yerixo.
26
Le ɣemaɣi Yosua ka atam bena: Ŋutsu, si atso, be yeagbugbɔ Yerixo-du sia atso la, aɖi eŋu le Yehowa ŋku me. Via ŋgɔgbea ƒe ku wòatsɔ aɖo egɔme anyi, eye eƒe dɔmlɔea ƒe ku wòatsɔ aɖe agbo enu!
27
Eye Yehowa nɔ kple Yosua, ale be eƒe ŋkɔ kaka ɖe anyigba la katã dzi.











Yosua 6:1
Yosua 6:2
Yosua 6:3
Yosua 6:4
Yosua 6:5
Yosua 6:6
Yosua 6:7
Yosua 6:8
Yosua 6:9
Yosua 6:10
Yosua 6:11
Yosua 6:12
Yosua 6:13
Yosua 6:14
Yosua 6:15
Yosua 6:16
Yosua 6:17
Yosua 6:18
Yosua 6:19
Yosua 6:20
Yosua 6:21
Yosua 6:22
Yosua 6:23
Yosua 6:24
Yosua 6:25
Yosua 6:26
Yosua 6:27






Yosua 1 / Yos 1
Yosua 2 / Yos 2
Yosua 3 / Yos 3
Yosua 4 / Yos 4
Yosua 5 / Yos 5
Yosua 6 / Yos 6
Yosua 7 / Yos 7
Yosua 8 / Yos 8
Yosua 9 / Yos 9
Yosua 10 / Yos 10
Yosua 11 / Yos 11
Yosua 12 / Yos 12
Yosua 13 / Yos 13
Yosua 14 / Yos 14
Yosua 15 / Yos 15
Yosua 16 / Yos 16
Yosua 17 / Yos 17
Yosua 18 / Yos 18
Yosua 19 / Yos 19
Yosua 20 / Yos 20
Yosua 21 / Yos 21
Yosua 22 / Yos 22
Yosua 23 / Yos 23
Yosua 24 / Yos 24