A A A A A
Facebook Instagram Twitter
Ewe Bible 1913

Yosua 10



1
Esi Yerusalem-fia Adonizedek se bena, Yosua xɔ Ai, eye wòtsrɔ̃e gbidigbidi, ewɔ Ai kple eme fia, abe alesi wòwɔ Yerixo kple eme fia ene, eye Gibeontɔwo wɔ xɔlɔ̃ kple Israel, eye wole wo dome la,
2
wova ŋutɔ; elabena Gibeon-du la lolo abe fiaduwo dometɔ ɖeka ene, elolo wu Ai, eye eme ŋutsuwo katã nye kalẽtɔwo.
3
Tete Yerusalem-fia Adonizedek dɔ ame ɖo ɖe Xebron-fia Hoham, Yarmut-fia Piram, Laxis-fia Yafia kpakple Eglon-fia Debir gbɔ gblɔ bena:
4
Miho va kpe ɖe ŋunye, ne miasi Gibeon, elabena ewɔ xɔlɔ̃ kple Yosua kpakple Israel-viwo.
5
Eye Amoritɔwo ƒe fia atɔ̃awo, siwo nye Yerusalem-fia, Xebron-fia, Yarmut-fia, Laxis-fia kple Eglon-fia kpakple woƒe aʋakɔwo katã kpe ta, eye woho va ɖe to ɖe Gibeon ŋu hewɔ ana kplii.
6
Tete Gibeontɔwo ɖo ame ɖo ɖe Yosua le Gilgal le asaɖa me gblɔ bena: Megaɖe asi le wò dɔlawo ŋu o, va mía gbɔ kaba naxɔ na mi, eye nakpe ɖe mía ŋu, elabena Amoritɔwo ƒe fia, siwo katã le towo dzi la, ƒo ta kpli ɖe mía ŋu.
7
Enumake Yosua kple eƒe aʋakɔ la katã kpakple kalẽtɔwo katã ho tso Gilgal.
8
Eye Yehowa gblɔ na Yosua bena. Megavɔ̃ o, elabena matsɔ wo ade asi na wò, eye wo dometɔa ɖeke manɔ te ɖe ŋuwò o.
9
Tete Yosua va ƒo ɖe wo dzi kpoyi, elabena ezɔ zã blibo la tso Gilgal.
10
Eye Yehowa na wolulu le Israel ŋku me, eye wòsi wo le Gibeon gbɔ tɔtɔtɔ, eye woli wo yome vaseɖe Bet-Xoron-mɔ dzi, eye wòsi wo vaseɖe Aseka kple Makeda ke.
11
Esi wosi le Israel nu hele Bet-Xoron-to ƒe abu ɖim la, Yehowa hlẽ kpe gãwo ɖe wo dzi tso dziƒo vaseɖe Aseka, eye woku; amesiwo kpetsiawo wu la sɔ gbɔ wu esiwo Israel-viwo wu kple yi.
12
Eye Yosua ƒo nu kple Yehowa le Israel-viwo ŋku me, le gbesigbe Yehowa tsɔ Amoritɔwo de asi la, eye wògblɔ le Israel ŋku me bena: Ye, tɔ ɖe Gibeon, eye ɣleti, tsi Ayalon-ʋe la me!
13
Tete ɣe kple ɣleti wotɔ, vaseɖe esime dukɔ la bia hlɔ̃ woƒe futɔwo. Ɖe womeŋlɔ esia ɖe ame dzɔdzɔewo ƒe agbalẽ me oa? Eye ɣe tɔ le ɣeɖota me, eye meɖe abla ɖaɖo to o anɔ ŋkeke blibo ɖeka.
14
Eye ŋkekea ɖeke meɖo ŋgɔ nɛ alo va le emegbe de esia nu, esi Yehowa ɖo to amegbetɔ ƒe gbe o; elabena Yehowa wɔ aʋa na Israel.
15
Eye Yosua kple Israel blibo la gbugbɔ va asaɖa la me le Gilgal.
16
Ke fia atɔ mawo si yi ɖaɣla ɖe do me le Makeda.
17
Eye wova gblɔ na Yosua bena, wokpɔ fia atɔ̃awo woɣla ɖe do me le Makeda.
18
Yosua ɖo ŋu be: Mimli kpe gãwo tu do la nu, eye miɖe ŋutsuwo ɖo enu, bena woadzɔ wo ŋu.
19
Ke miawo migatɔ o, hafi boŋ miti miaƒe futɔwo yome, mitsrɔ woƒe megbexeawo, eye migana woage ɖe woƒe duwo me o, elabena Yehowa, mia Mawu, tsɔ wo ɖe asi na mi.
20
Eye esi Yosua kple Israel-viwo si wo vɔ hetsrɔ̃ wo, eye ame mlɔeawo si yi ɖe ɖu sesẽwo me la,
21
dukɔ blibo la gbugbɔ va Yosua gbɔ le Makeda le asaɖa me dedie, eye amea ɖeke medo dzi ke fi ɖe Israel-viwo ŋu o.
22
Eye Yosua gblɔ bena: Miɖe nu le doa nu, eye mikplɔ fia atɔ̃awo tso doa me va gbɔnye!
23
Tete wowɔ nenema, eye wokplɔ fia atɔ̃awo tso ɖoa me va egbɔe; woawo nye: Yerusalem-fia, Xebron-fia, Yarmut-fia, Laxis-fia kple Eglon-fia.
24
Esi wokplɔ fia atɔ̃ siawo va Yosua gbɔ la, Yosua yɔ Israel-ŋutsuwo katã, eye wògblɔ na aʋakɔ la kplɔlawo, amesiwo ɖe aʋa la kplii bena: Mile va, eye miɖo afɔ ve dzi na fia siawo! Tete wote va, eye woɖo afɔ ve dzi na wo.
25
Eye Yosua gblɔ na wo bena: Migavɔ̃ o, eye dzika megatso mia ƒo o, milé dzi ɖe ƒo, eye mise ŋu! Elabena alea Yehowa awɔ miaƒe futɔ, siwo katã mia kple wo miele aʋa wo ge lae.
26
Emegbe Yosua wu wo, eye wòde ka ve na wo ɖe ati alɔ̃ ŋu; eye wotsi atiawo ŋu vaseɖe fiẽ.
27
Eye esi ɣe yina to ɖo ge la, Yosua ɖe se bena, woaɖe wo le atiawo ŋu atsɔ aƒu gbe ɖe do, si me woyia ɖo la me, eye wòfɔ kpe gãwo ɖo do la nu wotsi anyi vaseɖe egbe.
28
Eye Yosua xɔ Makeda le ŋkeke ma ke dzi; ewu wo kple yi, eye wotsrɔ̃ eme fia kple amesiwo katã le eme la gbidigbidi, eye mena amea ɖeke si o, eye wòwɔ Makeda-fia, abe alesi wòwɔ Yerixo-fia ene.
29
Eye Yosua, kple Israel blibo la ho tso Makeda heyi Libna, eye wòwɔ aʋa kple Libna.
30
Eye Yehowa tsɔ eya hã kple eme fia ɖe asi na Israel, eye wotsrɔ̃e kple eme nɔlawo katã kple yi; womèna amea ɖeke si o, eye wowɔ eme fia, abe alesi wowɔ Yerixo-fia ene.
31
Eyome Yosua kple Israel blibo la ho tso Libna yi Laxis, eye woɖe to ɖee hewɔ aʋa kplii.
32
Eye Yehowa tso Laxis de asi na Israel, eye woxɔe le ŋkeke eveagbe, eye wotsrɔ̃e kple eme nɔlawo kple yi, abe alesi wowɔ Libna ke ene.
33
Ɣemaɣi Horam, Gezer-fia ho, be yeava xɔ na Laxis, ke Yosua si eya hã kple eƒe dukɔ la, vaseɖe esime amea ɖeke mekpɔtɔ o.
34
Emegbe Yosua kple Israel blibo la ho tso Laxis yi Eglon, eye woɖe to ɖee hewɔ aʋa kplii,
35
eye woxɔe le ŋkeke ma dzi hetsrɔ̃e kple yi, eye wotsrɔ̃ amesiwo katã le eme la gbemagbe gbidigbidi, abe alesi wowɔ Laxis ke ene.
36
Tete Yosua kple Israel blibo la ho tso Eglon heyi Xebron, eye wowɔ aʋa kplii,
37
eye woxɔe hetsrɔ̃e kple eme fia, eƒe duwo katã kple wo me nɔlawo kple yi; mena amea ɖeke si o, abe alesi wowɔ Eglon ene, eye wotsɔe kple eme nɔlawo gbidigbidi.
38
Eyome Yosua kple Israel blibo la trɔ yi Debir ɖawɔ aʋa kplii,
39
eye woɖu eya hã kple eme fia kpakple eƒe duwo katã dzi, eye wowu wo kple yi hetsrɔ̃ amesiwo katã le eme lã gbidigbidi, eye mena amea ɖeke si o, alesi wowɔ Xebron la, nenema wowɔ Debir kple eme fia hãe, abe alesi wowɔ Libna kple eme fia ene.
40
Ale Yosua du anyigba blibo la kple fia, siwo katã le towo dzi, dziehe, gbadzaƒe kple towo ŋu la dzi; mena amea ɖeke si o, eye wòtsrɔ̃ nu gbagbewo katã gbidigbidi, abe alesi Yehowa, Israel ƒe Mawu la, de se ene.
41
Eye Yosua ɖu wo dzi tso Kades-Barnea vaseɖe Gaza, tso Gosen-nyigba blibo la dzi vaseɖe Gibeon.
42
Eye Yosua ɖu fia siawo katã kple woƒe anyigbawo dzi zi ɖeka, elabena Yehowa, Israel ƒe Mawu lae wɔ aʋa na Israel.
43
Emegbe Yosua kple Israel blibo la gbugbɔ va asaɖa me le Gilgal.











Yosua 10:1
Yosua 10:2
Yosua 10:3
Yosua 10:4
Yosua 10:5
Yosua 10:6
Yosua 10:7
Yosua 10:8
Yosua 10:9
Yosua 10:10
Yosua 10:11
Yosua 10:12
Yosua 10:13
Yosua 10:14
Yosua 10:15
Yosua 10:16
Yosua 10:17
Yosua 10:18
Yosua 10:19
Yosua 10:20
Yosua 10:21
Yosua 10:22
Yosua 10:23
Yosua 10:24
Yosua 10:25
Yosua 10:26
Yosua 10:27
Yosua 10:28
Yosua 10:29
Yosua 10:30
Yosua 10:31
Yosua 10:32
Yosua 10:33
Yosua 10:34
Yosua 10:35
Yosua 10:36
Yosua 10:37
Yosua 10:38
Yosua 10:39
Yosua 10:40
Yosua 10:41
Yosua 10:42
Yosua 10:43






Yosua 1 / Yos 1
Yosua 2 / Yos 2
Yosua 3 / Yos 3
Yosua 4 / Yos 4
Yosua 5 / Yos 5
Yosua 6 / Yos 6
Yosua 7 / Yos 7
Yosua 8 / Yos 8
Yosua 9 / Yos 9
Yosua 10 / Yos 10
Yosua 11 / Yos 11
Yosua 12 / Yos 12
Yosua 13 / Yos 13
Yosua 14 / Yos 14
Yosua 15 / Yos 15
Yosua 16 / Yos 16
Yosua 17 / Yos 17
Yosua 18 / Yos 18
Yosua 19 / Yos 19
Yosua 20 / Yos 20
Yosua 21 / Yos 21
Yosua 22 / Yos 22
Yosua 23 / Yos 23
Yosua 24 / Yos 24