A A A A A
Facebook Instagram Twitter
Ewe Bible 1913

Hebritɔwo 5



1
Elabena nunɔlagã sia nunɔlagã, si wotsɔ tso amewo dome la, woɖoe anyi le amewo ta le Mawu ƒe dɔwo gome, bene wòatsɔ nunanawo kple numemewo ana le nuvɔ̃wo ta,
2
amesi ate ŋu ave ame manyanuwo kple mɔtrelawo nu, esi gbɔdzɔgbɔdzɔ le eya ŋutɔ hã ŋuti la ta,
3
eye esia ta wòle nɛ bena, abe alesi wòsa vɔ ɖe dukɔ ta ene la, nenema ke wòasa vɔ ɖe ye ŋutɔ ɖokui hã ta le nuvɔ̃wo ŋuti.
4
Eye amea ɖeke metsɔ bubu sia na eɖokui o, ke boŋ Mawu yɔnɛ abe Aron ene.
5
Nenema ke Kristo hã metsɔ ŋutikɔkɔe na eɖokui, bene wòanye nunɔlagã o: ke boŋ amesi gblɔ ne bena: „Vinye nènye, egbea medzi wò“ lae:
6
abe alesi wogblɔ le afi bubua ɖe hã ene bena: „Wòe nye nunɔla yi ɖe mavɔmavɔ me le Melxizedek ƒe ɖoɖo la nu.“
7
Amesi tso gbedodoɖawo kple kukuɖeɖewo le eƒe ŋutilã me nono ƒe ŋkekewo me hekpe ɖe ɣlidodo sesĩ kple aɖatsiwo ŋu va amesi te ŋu xɔe tso ku me la gbɔ, eye wòɖo toe le esi wòvɔ̃a Mawu la ŋuti;
8
eye wònye Vi wònye hafi, gake wòsrɔ̃ toɖoɖo le fu, siwo wokpe la me;
9
eye esi wowɔe blibo la, ezu agbexɔxɔ mava ƒe gɔmeɖola na amesiwo katã ɖoa toe,
10
amesi Mawu yɔ be nunɔlagã le Melxizedek ƒe ɖoɖo la nu.
11
Nusiawo ŋutie nya geɖe le mía si be, míagblɔ, eye wo gɔmeɖeɖefia nye do, le esi míenye kuviatɔwo le nyasese me la ŋuti.
12
Elabena ele na mi be, mianye nufialawo le ɣeyiɣi la ƒe didi nu; gake egahiã mí be, woagafia nusiwo nye Mawu ƒe nyawo ƒe gɔmedzenuwo mi, eye míezu abe amesiwo gahiã notsi ko, eye menye nuɖuɖu sesẽ o la ene.
13
Elabena amesiame, si nɔa notsi nom la, menya naneke le dzɔdzɔenyenye ƒe nya ŋuti o; elabena vidzie ko wònye.
14
Ke nuɖuɖu sesẽ li na amesiwo tsi zu blibo to ŋudɔwɔwɔ me kpɔ sidzenu, siwo nu ma wo, be wòabu nyui kple vɔ̃ me kpo la.











Hebritɔwo 5:1
Hebritɔwo 5:2
Hebritɔwo 5:3
Hebritɔwo 5:4
Hebritɔwo 5:5
Hebritɔwo 5:6
Hebritɔwo 5:7
Hebritɔwo 5:8
Hebritɔwo 5:9
Hebritɔwo 5:10
Hebritɔwo 5:11
Hebritɔwo 5:12
Hebritɔwo 5:13
Hebritɔwo 5:14






Hebritɔwo 1 / Heb 1
Hebritɔwo 2 / Heb 2
Hebritɔwo 3 / Heb 3
Hebritɔwo 4 / Heb 4
Hebritɔwo 5 / Heb 5
Hebritɔwo 6 / Heb 6
Hebritɔwo 7 / Heb 7
Hebritɔwo 8 / Heb 8
Hebritɔwo 9 / Heb 9
Hebritɔwo 10 / Heb 10
Hebritɔwo 11 / Heb 11
Hebritɔwo 12 / Heb 12
Hebritɔwo 13 / Heb 13