A A A A A
Facebook Instagram Twitter
Ewe Bible 1913

Hebritɔwo 13



1
Nɔvilɔlɔ̃ nenɔ anyi!
2
Migaŋlɔ amedzroxɔxɔ be o; elabena le esia wɔwɔ me la amea ɖewo xa dziƒodɔlawo dze wo gbã, gake womenyae o.
3
Miɖo ŋku amesiwo wobla la dzi, abe ɖe wobla mi hekpe ɖe wo ŋu ene, kple amesiwo kpe fu la dzi, abe amesiwo hã le ŋutilã me ene.
4
Bubu nanɔ srɔ̃ɖeɖe me le amewo katã dome, eye womagaƒo ɖi srɔ̃ɖeba la o; elabena ahasiwɔlawo kple matrewɔlawo la, Mawu adrɔ̃ ʋɔnu wo.
5
Mina miaƒe susu navo tso galɔlɔ̃ me, eye nusiwo le mia si la, nadze mia ŋu; elabena eya ŋutɔ gblɔ be: „Nyemele asi ɖe ge le mia ŋu o, eye nyemele mia gblẽ ge ɖi akpa o.“
6
Ale bena míatsɔ dzideƒo agble be; „Yehowa ye nye nye kpeɖeŋutɔ, nyemavɔ̃ o; nuka amegbetɔ awɔm ma?“
7
Miɖo ŋku mia nunɔlawo, amesiwo gblɔ mawunya na mi la dzi, eye mikpɔ woƒe agbenɔnɔ ƒe nuwuwu la ɖa, ne miasrɔ̃ woƒe xɔse.
8
Yesu Kristo nye eyama ke etsɔ kple egbe, yi ɖe mavɔmavɔ me.
9
Migana nufiafia bubu ƒomeviwo kple dzrotɔwo nahe mi ayii o; elabena enyo be, woatso amenuveve ali ke dzi la, eye menye nuɖuɖu, siwo menye viɖea ɖeke na amesiwo wɔ eŋuti ɖa o la, woatsa o.
10
Vɔsamlekpui le mía si, esi ŋuti amesiwo subɔna le agbadɔ me la, womekpɔ mɔ be, woaɖu nu le o.
11
Elabena lã, siwo ƒe ʋu nunɔlagã tso yi ɖe kɔkɔeƒe me le nuvɔ̃wo ŋuti la, wotɔ dzo woƒe lã blibo la le asaɖa godo.
12
Eyata Yesu hã kpe fu le agbo la godo, bene wòatsɔ ye ŋutɔ ƒe ʋu akɔ eƒe dukɔ la ŋuti.
13
Azɔ la, minɛ míado go ayi ɖe egbɔ le asaɖa godo atso eƒe ŋukpe aɖo mía ɖokui dzi.
14
Elabena ɖu, si nɔa anyi la, mele mia si le afisia o, ke boŋ miele ɖu, si gbɔna la dim.
15
Eyata mina miato eyama dzi atsɔ kafukafuvɔsa anɔ Mawu nam; esia nye nuyi, siwo ʋua eŋkɔ me la, ƒe kutsetse.
16
Ke migaŋlɔ dɔmenyowɔwɔ kple hamenunana be o; elabena nenem vɔsa siawo dzea Mawu ŋu.
17
Miɖo to mia nunɔlawo, eye midze wo yome; elabena wole mia luʋɔwo ŋu dzɔm, abe amesiwo lana akɔnta le wo ŋuti ene, bene woawo esia kple dzidzɔ, eye menye kple tseɖuɖu o; elabena esia menye viɖea ɖeke na mi o.
18
Mido gbe ɖa ɖe mia ta; elabena míenya le mía ɖokui me bena, dzitsinya nyui le mia si, le esi míelɔ̃ be, míanɔ agbe nyuie le nusianu me la ŋuti.
19
Ke mele nu xlɔ̃m mi geɖe wu bena, miawo esia, bene woagatsom ana mi kaba.
20
Ke ŋutifafa Mawu, si kplɔ mía Aƒetɔ Yesu, amesi nye alẽwo ƒe kplɔla gã la, ɖo go tso ame kukuwo dome le nubabla mavɔ ƒe ʋu la me la,
21
nadzra mi ɖo blibo le dɔ nyui sia dɔ nyui wɔwɔ me, bena miawɔ eƒe lɔlɔ̃nu; eye wòawɔ nusi dze eŋu la, le mía me to Yesu Kristo dzi, amesi tɔ lanye ŋutikɔkɔe tso mavɔ me yi ɖe mavɔ me! Amen.
22
Ke mele nu xlɔ̃m mi, nɔviwo, bena miaxɔ nuxlɔ̃menya la; elabena nya via ɖewo koe meŋlɔ ɖo ɖe mi.
23
Minyae bena, woɖe asi le mía nɔvi Timoteo ŋu; ne eva kaba la, mia kplii míakpɔ mi.
24
Miɖuɖɔ mia nunɔlawo katã kple ame kɔkɔewo katã nam ƒã. Amesiwo tso Italia la, ɖuɖɔ mi ƒã.
25
Amenuveve nanɔ anyi kpli mi katã! Amen.











Hebritɔwo 13:1
Hebritɔwo 13:2
Hebritɔwo 13:3
Hebritɔwo 13:4
Hebritɔwo 13:5
Hebritɔwo 13:6
Hebritɔwo 13:7
Hebritɔwo 13:8
Hebritɔwo 13:9
Hebritɔwo 13:10
Hebritɔwo 13:11
Hebritɔwo 13:12
Hebritɔwo 13:13
Hebritɔwo 13:14
Hebritɔwo 13:15
Hebritɔwo 13:16
Hebritɔwo 13:17
Hebritɔwo 13:18
Hebritɔwo 13:19
Hebritɔwo 13:20
Hebritɔwo 13:21
Hebritɔwo 13:22
Hebritɔwo 13:23
Hebritɔwo 13:24
Hebritɔwo 13:25






Hebritɔwo 1 / Heb 1
Hebritɔwo 2 / Heb 2
Hebritɔwo 3 / Heb 3
Hebritɔwo 4 / Heb 4
Hebritɔwo 5 / Heb 5
Hebritɔwo 6 / Heb 6
Hebritɔwo 7 / Heb 7
Hebritɔwo 8 / Heb 8
Hebritɔwo 9 / Heb 9
Hebritɔwo 10 / Heb 10
Hebritɔwo 11 / Heb 11
Hebritɔwo 12 / Heb 12
Hebritɔwo 13 / Heb 13