A A A A A
Facebook Instagram Twitter
Ewe Bible 1913

1 Timoteo 3



1
Nyateƒenya wònye: Ne amea ɖe le dzikpɔladɔ dim la, ele dɔwɔwɔ nyui dim.
2
Azɔ la ele na dzikpɔla bena, mokaka naganɔ eŋu o: Wòanye nyɔnu ɖeka srɔ̃, ɖokuidziɖula, ame ɖɔŋuɖo, nudzeamewɔla, amedzrowɔla, amesi nya nufiafia;
3
menye ahatsunola o, menye ameƒola o, ke ame fatu; menye gedila o, menye galɔ̃la o,
4
amesi kpɔa ye ŋutɔ ƒe aƒe dzi nyuie, amesi si vi ɖotowo le, eye wòléa eɖokui nyuie; —
5
ke ne amea ɖe menya alesi wòa kpɔ ye ŋutɔ ƒe aƒe dzi o la, aleke wòakpɔ Mawu ƒe hame la dzi mahã? —
6
Menye amesi ƒe dzimetɔtrɔ teƒe medidi o, bene wòagado eɖokui ɖe dzi, eye wòadze Abosam ƒe ʋɔnudɔdrɔ̃ la me o.
7
Ke ele ne be, wòakpɔ ɖaseɖiɖi nyui atso amesiwo le egodo la hã gbɔ, bene wòagadze dzudzu kple Abosam ƒe mɔ̃tetre me o.
8
Nenema ke subɔlawo hã nalé wo ɖokui nyuie: Wòaganye aɖeveetɔwo o, wòaganye aha geɖe nolawo o, wòagaɖi viɖe ƒoɖi o,
9
woalé xɔse ƒe nya ɣaɣla la ɖe asi le dzitsinya dzadzɛ me.
10
Ke woado amesiawo hã akpɔ gbã, eye ne mokaka mele wo ŋu o la, ekema mina woasubɔ.
11
Nenema ke nyɔnuwo hã nalé wo ɖokui nyuie: Woaganye ameŋuzɔlawo o, woanye amè ɖɔŋuɖowo, nuteƒewɔlawo le nusianu me.
12
Subɔlawo nanye nyɔnu ɖeka srɔ̃, eye woakpɔ wo viwo kple woa ŋutɔwo ƒe aƒewo dzi nyuie.
13
Elabena amesiwo subɔna nyuie la, wowɔa nɔƒe nyui na wo ɖokui, eye wokpɔa dzideƒo geɖe le xɔse, si le Kristo Yesu me la me.
14
Mele nusiawo ŋlɔm na wò hele mɔ kpɔm be, mava gbɔwò kpuie;
15
ke ne metsi anyi la, ne nanya alesi dze wò be, nazɔ le Mawu ƒe aƒe, si nye Mawu gbagbe ƒe hame kple nyateƒe ƒe sɔti kple gɔmeɖoɖoanyi sesĩ la me.
16
Eye edze ƒã bena, gã enye mawusosroɖa ƒe nya ɣaɣla la: Mawu ɖe eɖokui fia le ŋutilã me, wotso afia nɛ le Gbɔgbɔ me, eɖe eɖokui fia mawudɔlawo, woɖe gbe ƒãe le trɔ̃subɔlawo dome, woxɔ edzi se le xexeame, woxɔe yi dzi le ŋutikɔkɔe me.











1 Timoteo 3:1
1 Timoteo 3:2
1 Timoteo 3:3
1 Timoteo 3:4
1 Timoteo 3:5
1 Timoteo 3:6
1 Timoteo 3:7
1 Timoteo 3:8
1 Timoteo 3:9
1 Timoteo 3:10
1 Timoteo 3:11
1 Timoteo 3:12
1 Timoteo 3:13
1 Timoteo 3:14
1 Timoteo 3:15
1 Timoteo 3:16






1 Timoteo 1 / 1Ti 1
1 Timoteo 2 / 1Ti 2
1 Timoteo 3 / 1Ti 3
1 Timoteo 4 / 1Ti 4
1 Timoteo 5 / 1Ti 5
1 Timoteo 6 / 1Ti 6