A A A A A
Facebook Instagram Twitter
Ewe Bible 1913

1 Tesalonikatɔwo 5



1
Ke le ɣeyiɣiwo kple azãgbewo ŋuti la, nɔviwo, mehiã mi be, míaŋlɔe aɖo ɖe mi o;
2
elabena mia ŋutɔwo mienyae kɔte bena, Aƒetɔ ƒe ŋkeke la gbɔna, abe alesi fiafitɔ vana le zã me ene.
3
Elabena ne wole gbɔgblɔm be, ŋutifafa kple anyinɔnɔ dedie li la, tete gbegblẽ ava lili wo, abe alesi fuɖuame va lilia funɔ ene, eye womate ŋu asi le enu kulẽ o.
4
Ke miawo, nɔviwo, miele viviti me, bena ŋkeke la naɖi ɖe mi abe fiafitɔ ene o;
5
elabena mi katã míenye kekeli viwo kple ŋkeke viwo; míenye zã alo viviti ta o.
6
Eyata azɔ migana míanɔ alɔ̃ dɔm abe ame bubuwo ene o, ke boŋ mina míanɔ ŋudzɔ, eye míanɔ mo xexi.
7
Elabena amesiwo dɔa alɔ̃ la, zãe wodɔa alɔ̃, eye amesiwo mua aha la, zãe womua aha;
8
ke mí amesiwo nye ŋkeke tɔwo la, mina mianɔ mo xexi, eye míado xɔse kple lɔlɔ̃ ƒe akɔtakpoxɔnu, eye míaɖɔ xaxa ƒe mɔkpɔkpɔ ƒe gakuku la.
9
Elabena Mawu meɖo mí na dziku o, ke boŋ, bena xɔxɔ nasu mía si to mía Aƒetɔ Yesu Kristo dzi,
10
amesi ku ɖe mía ta, bena ne míele ŋu alo míele alɔ̃ me la, míanɔ agbe kpakplii,
11
Eyata mifa akɔ na mia nɔewo, eye mido ŋusẽ mia nɔewo, abe alesi miewɔna hã ene.
12
Ke míele kuku ɖem na mi, nɔviwo: Midze si amesiwo wɔa dɔ vevi le mia dome, eye wonɔ mia nu le Aƒetɔ la me, eye woglɔ̃a nu mi la,
13
eye bena míabu wo geɖe ŋutɔ le lɔlɔ̃ me le woƒe dɔwɔwɔ la ta. Minɔ anyi le ŋutifafa me le mia nɔewo dome.
14
Ke míele nu xlɔ̃m mi, nɔviwo: Migbe nya na nu baɖa wɔlawo, mifa akɔ na dzikatsoƒoetɔwo, mixɔ na gbɔdzɔgbɔdzɔtɔwo, migbɔ dzi ɖi na amewo katã.
15
Mikpɔ nyuie bena, amea ɖeke nagaɖo vɔ̃ vɔ̃ teƒe o, ke boŋ miti nyuididi na mia nɔewo kple amewo katã yome ɖaasi.
16
Dzi nadzɔ mi ɖaa!
17
Minɔ gbedodoɖa dzi madzudzɔmadzudzɔe!
18
Mida akpe le nusianu ŋuti; elabena esiae nye Mawu ƒe lɔlɔ̃nu le Kristo Yesu me hena mi.
19
Migatsi Gbɔgbɔ la nu o!
20
Migado vlo nyagbɔgblɔɖiwo o!
21
Ke mido nuwo katã kpɔ, eye milé nu nyui la me ɖe asi.
22
Miɖe mia ɖokui ɖa tso vɔ̃ sia vɔ̃ ƒomevi me!
23
Ke ŋutifafa Mawu la ŋutɔ nakɔ mia ŋuti keŋkeŋ, eye wòadzra miaƒe gbɔgbɔ kple luʋɔ kpakple ŋutilã blibo la katã ɖo mokaka manɔŋui halase mía Aƒetɔ Yesu Kristo ƒe vavagbe la!
24
Nuteƒewɔla enye amesi yɔ mi ve, amesi lawɔe hã.
25
Nɔviwo, mido gbe ɖa ɖe mía ta!
26
Mitsɔ nugbugbɔ kɔkɔe ɖuɖɔ nɔviwo katã nam ƒã.
27
Metà Aƒetɔ la na mi bena, miaxlẽ agbalẽ sia na nɔvi kɔkɔeawo katã.
28
Mía Aƒetɔ Yesu Kristo ƒe amenuveve nanɔ anyi kpli mi! Amen.











1 Tesalonikatɔwo 5:1
1 Tesalonikatɔwo 5:2
1 Tesalonikatɔwo 5:3
1 Tesalonikatɔwo 5:4
1 Tesalonikatɔwo 5:5
1 Tesalonikatɔwo 5:6
1 Tesalonikatɔwo 5:7
1 Tesalonikatɔwo 5:8
1 Tesalonikatɔwo 5:9
1 Tesalonikatɔwo 5:10
1 Tesalonikatɔwo 5:11
1 Tesalonikatɔwo 5:12
1 Tesalonikatɔwo 5:13
1 Tesalonikatɔwo 5:14
1 Tesalonikatɔwo 5:15
1 Tesalonikatɔwo 5:16
1 Tesalonikatɔwo 5:17
1 Tesalonikatɔwo 5:18
1 Tesalonikatɔwo 5:19
1 Tesalonikatɔwo 5:20
1 Tesalonikatɔwo 5:21
1 Tesalonikatɔwo 5:22
1 Tesalonikatɔwo 5:23
1 Tesalonikatɔwo 5:24
1 Tesalonikatɔwo 5:25
1 Tesalonikatɔwo 5:26
1 Tesalonikatɔwo 5:27
1 Tesalonikatɔwo 5:28






1 Tesalonikatɔwo 1 / 1Te 1
1 Tesalonikatɔwo 2 / 1Te 2
1 Tesalonikatɔwo 3 / 1Te 3
1 Tesalonikatɔwo 4 / 1Te 4
1 Tesalonikatɔwo 5 / 1Te 5