A A A A A
Facebook Instagram Twitter
Ewe Bible 1913

1 Tesalonikatɔwo 4



1
Azɔ mlɔeba la, nɔviwo, miele kuku ɖem, eye míele nu xlɔ̃m mi le Aƒetɔ Yesu me, bene abe alesi miexɔe tso mia gbɔ, alesi dze be, miazɔ, eye miadze Mawu ŋu, eye abe alesi miezɔna hã ene la, miayi dzi geɖe wu;
2
elabena mienya se, siwo miede na mi to Aƒetɔ Yesu dzi.
3
Elabena esiae nye Mawu ƒe lɔlɔ̃nu, be miawo mia ɖokui kɔkɔe, eye miade mia ɖokui ɖa atso ahasiwɔwɔ me,
4
eye mia dome amesiame nanya, alesi woade ye ŋutɔ srɔ̃a le kɔkɔenyenye kple bubu me;
5
menye le nudzodzro ƒe fiẽŋufiẽŋui vevie me, abe alesi trɔ̃subɔla, siwo menya Mawu o la wɔna la ene o;
6
eye amea ɖeke nagaba nɔvia, eye wòatafae le dɔwɔwɔ me o; elabena Aƒetɔ lae nye nusiawo katã ƒe hlɔ̃biala, abe alesi miegblɔ tsã, eye míeɖi ɖase na mi la ene.
7
Elabena Mawu meyɔ mí na makɔmakɔnyenye o, ke boŋ na kɔkɔewɔwɔ.
8
Eyaŋuti amesi ke doa vlo esia la, menye amee wòdoa vloe o, ke boŋ Mawu, amesi na eƒe Gbɔgbɔ kɔkɔe mí lae wòdoa vloe.
9
Ke le nɔvilɔlɔ̃ ŋuti la mehiã mi bena, míaŋlɔe aɖo ɖe mi o; elabena Mawu fia mia ŋutɔwo be, mialɔ̃ mia nɔewo;
10
elabena miewɔ esia ke na nɔvi, siwo katã le Makedonia blibo la katã. Ke míele nu xlɔ̃m mi, nɔviwo, bena miayi dzi geɖe wu,
11
eye miabui nudzeamee be, miano anyi kpoo, eye miawɔ mia ŋutɔwo miaƒe dɔ, eye miatsɔ miaƒe asiwo awɔ dɔ, abe alesi miede se na mi la ene,
12
bene miazɔ nyuie de amesiwo le egodo la ŋuti, bene naneke nagahiã mi o.
13
Ke, nɔviwo, míele didim bena, mianɔ numanyamanya me le amesiwo dɔ alɔ̃ la ŋuti o, bene miagaxa nu, abe ame bubu, siwo mɔkpɔkpɔ meli na o la ene o.
14
Elabena ne miexɔnɛ sena bena, Kristo ku, eye wògafɔ ɖe tsitre la, nenema ke Mawu ato Yesu Kristo dzi akplɔ amesiwo dɔ alɔ̃ la hã ayi kpakplii.
15
Elabena míele esia gblɔm na mi le Aƒetɔ la ƒe nyaa de me bena, mí amesiwo susɔ le agbe yiɖase ɖe Aƒetɔ la ƒe vavagbe la, miadze ŋgɔ na amesiwo dɔ alɔ̃ la o.
16
Elabena Aƒetɔ la ŋutɔ atsɔ aʋafia gã ƒe gbeɖeɖe kple mawudɔla gatɔ ƒe gbe kple Mawu ƒe kpẽɖiɖi aɖi tso dziƒo, eye amesiwo ku le Kristo me la, woatsi tre gbã;
17
emegbe la mi amesiwo susɔ le agbe la, woahe mí kpakpli wo siaa le alilikpowo me aɖakpe Aƒetɔ la le ya me, eye ale míanɔ anyi kple Aƒetɔ la ɖaasi.
18
Eyata mitsɔ nya siawo fa akɔ na mia nɔewo.











1 Tesalonikatɔwo 4:1
1 Tesalonikatɔwo 4:2
1 Tesalonikatɔwo 4:3
1 Tesalonikatɔwo 4:4
1 Tesalonikatɔwo 4:5
1 Tesalonikatɔwo 4:6
1 Tesalonikatɔwo 4:7
1 Tesalonikatɔwo 4:8
1 Tesalonikatɔwo 4:9
1 Tesalonikatɔwo 4:10
1 Tesalonikatɔwo 4:11
1 Tesalonikatɔwo 4:12
1 Tesalonikatɔwo 4:13
1 Tesalonikatɔwo 4:14
1 Tesalonikatɔwo 4:15
1 Tesalonikatɔwo 4:16
1 Tesalonikatɔwo 4:17
1 Tesalonikatɔwo 4:18






1 Tesalonikatɔwo 1 / 1Te 1
1 Tesalonikatɔwo 2 / 1Te 2
1 Tesalonikatɔwo 3 / 1Te 3
1 Tesalonikatɔwo 4 / 1Te 4
1 Tesalonikatɔwo 5 / 1Te 5