A A A A A
Facebook Instagram Twitter
Ewe Bible 1913

Kolosetɔwo 4



1
Mi aƒetɔwo la, miwɔ nusi dzɔ, eye wòsɔ la, na miaƒe dɔlawo, esi mienyae bena, Aƒetɔ li na miawo hã le dziƒo la ta.
2
Minɔ gbedodoɖa dzi ɖaa, eye minɔ ŋudzɔ le eme kple akpedada,
3
eye mido gbe ɖa ɖe miawo hã mía ta, bene Mawu naʋu nya la ƒe ʋɔtru na mí, ne míagblɔ Kristo ƒe nya ɣaɣla, si ŋuti woblam ɖo hã,
4
bene maɖe esia ɖe go afia, abe alesi wòdzem be, maƒo nu la ene.
5
Mizɔ le nunya me le amesiwo le egodo la ŋku me, eye miwo ɣeyiɣi la ŋuti dɔ blibo.
6
Mina amenuveve kple dze nanɔ miaƒe nya me ɖaasi, bena mianya alesi wòdze be, miaɖo nya ŋuti na amesiame.
7
Nusiwo katã va dzo ɖe dzinye la, Tixiko, nɔvi lɔlɔ̃tɔ kple subɔla nuteƒewɔla kpakple hadɔwɔla le Aƒetɔ me la, ana mianyae,
8
amesi meda ɖo ɖe mia gbɔ le esia ta, bene mianya alesi míele, eye wòafa aka na miaƒe dziwo;
9
eye metso Onesimo, nɔvi nuteƒewɔla lɔlɔ̃tɔ, si tso mia dome la, hã kpe ɖe eŋuti; eye wòana mianya nusiwo katã le afisia.
10
Aristarxo, hanyegatɔ, kple Marko, Barnaba srɔ̃nyi, si ŋuti miexɔ ɖu le la — ne eva mia gbɔ la, mixɔe —
11
kple Yesu, si woyɔna be Yusto, amesiwo tso aʋatsotsoa me la, ɖuɖɔ mi ƒã; amesiawo ɖeɖekoe nye hanyedɔwɔlawo na Mawu ƒe fiaɖuƒe la, nenem me siawo zu akɔfafa nam.
12
Epafra, amesi tso mia dome, si nye Kristo ƒe dɔla la, ɖuɖɔ mi ƒã; eyae nye amesi nɔa mia ta ʋlim le gbedodoɖa me ɖaasi, bene mianɔ tsitre abe amesiwo le blibo, eye wokpɔ kakaɖedzi blibo le Mawu ƒe lɔlɔ̃nu katã ŋuti ene.
13
Elabena mele ɖase ɖim le eŋuti bena, ekpɔ agbagbadzedze geɖe le mia kple amesiwo le Laodikea kpakple amesiwo le Hierapoli la ta.
14
Luka, atikewɔla lɔlɔ̃tɔ la, kple Dema woɖuɖɔ mi ƒã.
15
Míeɖuɖɔ nɔvi, siwo le Laodikea la ƒã hekpe ɖe Nimfa kpakple hame, si le eƒe me la ŋu.
16
Eye ne miexlẽ agbalẽ la vɔ la, miwɔe be, woaxlẽe le Laodikea hame hã, eye ne miawo hã miaxlẽ Laodikeatɔwo tɔ.
17
Eye migblɔ na Arxipo bena: Kpɔ subɔsubɔdɔ, si su asiwò le Aƒetɔ me la dzi, be nawu enu!
18
Ɖuɖɔ, si nye Paulo metsɔ nye asi ŋlɔe la, enye si. Miɖo ŋu nye kɔsɔkɔsɔwo! Amenuveve nanɔ anyi kpli mi!











Kolosetɔwo 4:1
Kolosetɔwo 4:2
Kolosetɔwo 4:3
Kolosetɔwo 4:4
Kolosetɔwo 4:5
Kolosetɔwo 4:6
Kolosetɔwo 4:7
Kolosetɔwo 4:8
Kolosetɔwo 4:9
Kolosetɔwo 4:10
Kolosetɔwo 4:11
Kolosetɔwo 4:12
Kolosetɔwo 4:13
Kolosetɔwo 4:14
Kolosetɔwo 4:15
Kolosetɔwo 4:16
Kolosetɔwo 4:17
Kolosetɔwo 4:18






Kolosetɔwo 1 / Kol 1
Kolosetɔwo 2 / Kol 2
Kolosetɔwo 3 / Kol 3
Kolosetɔwo 4 / Kol 4