A A A A A
Facebook Instagram Twitter
Ewe Bible 1913

5 Mose 18



1
Lewi-to blibo la, si nye nunɔlawo la, maxɔ gome alo domenyinua ɖeke akpe ɖe Israel ŋu o, ke boŋ woatsɔ Yehowa ƒe dzovɔsa, si nye woƒe domenyinu la, anyro wo ɖokui.
2
Womaxɔ domenyinua ɖeke ɖe wo nɔviwo dome o, elabena Yehowa ŋutɔe nye woƒe domenyinu, abe alesi wòdo ŋugbe na wo ene.
3
Nunɔlawo ƒe adzɔ enye si: Ne dukɔ la tsɔ nyi alo alẽ sa akpedavɔ la, ekema woatsɔ abɔ kple glã kpakple dɔgbo na nunɔlawo.
4
Natsɔ wò agblemenu, wò wein kple wò ami ŋgɔgbeawo kpakple wò alẽfu, si nètre koko la, ana wo.
5
Elabena Yehowa, wò Mawu, da wo tso wò toawo katã me, bena woawo kple wo viwo nasubɔ le Yehowa ƒe ŋkɔ me ɣesiaɣi.
6
Ne Lewitɔa ɖe tso Israel blibo la ƒe dua ɖe me, afisi wònye amedzro le, va la, ekpɔ mɔ ayi teƒe, si Yehowa atia la faa, abe alesi wòdi ene,
7
eye wòasubɔ le Yehowa, eƒe Mawu, ƒe ŋkɔ me abe nɔvia Lewitɔ bubuawo katã, amesiwo le Yehowa ŋku me afima la ene.
8
Eya hã naxɔ adzɔ ma kpli wo, negbe ƒomenu, si amea ɖe dzra la, koe mele eme o.
9
Ne èyi anyigba, si Yehowa, wò Mawu, le na wò ge dzi la, ekema megasrɔ̃ dukɔ mawo ƒe ŋunyɔnuwo nawɔ o.
10
Amea ɖeke megana dowòme, si ana woatɔ dzo viaŋutsu alo vianyɔnu o, eye bokɔnɔ, goloɖola, zidoedola kple dzotɔ,
11
busudoamela, adzetɔ, nukata kple ŋɔliyɔlaa ɖeke meganɔ dowòme o
12
Amesiame, si le nusia wɔm la, ŋunyɔnu wònye na Yehowa, elabena ŋunyɔnu siawo la Yehowa, wò Mawu, le wo nyã ge le ŋgɔwò ɖo.
13
Ku ɖe Yehowa, wò Mawu la ŋu blibo.
14
Elabena dukɔ, siwo nyã ge nala la, ɖoa to goloɖolawo kple bokɔnɔwo, ke wo la, Yehowa, wò Mawu, meɖe esia ƒe mɔ nɔ wò o.
15
Yehowa, wò Mawu, le nyagblɔɖila ɖe ɖo ge na wò tso nɔviwòwo dome abe nye ene, ame sia miaɖe toe!
16
Esi neɖe kuku na Yehowa, wò Mawu, le Xoreb gbɔ le takpegbe la gblɔ bena; nyemate ŋu agase Yehowa, nye Mawu, ƒe gbe o, eye nyemate ŋu agakpɔ dzo gã sia, ne maku o la.
17
Yehowa gblɔ nam be. Wògblɔe ɖe eteƒe.
18
Mele nyagblɔɖila ɖe ɖo ge na wo tso wo nɔviwo dome abe wò ene, eye wòagblɔ gbe, siwo katã meɖe asi nɛ la, na wo.
19
Amesi ke meɖo to nya, siwo wòagblɔ le nye ŋkɔ dzi o la, mabia tso ame la si.
20
Ke ne nyagblɔɖilaa ɖe ɖo eɖokui ɖe dzi, eye wògblɔ nya, siwo nyemegblɔ nɛ o la, le nye ŋkɔ dzi, alo wògblɔ nya le mawu bubuwo ƒe ŋkɔ dzi la, woawu nyagblɔɖila ma.
21
Ne abu le wò dzi me bena: Aleke miate ŋu adze si nya, si Yehowa megblɔ o la?
22
Ne nyagblɔɖilaa ɖe gblɔ nya le Yehowa ƒe ŋkɔ dzi, gake nya la meva me o, eye medze edzi o la, ekema menye Yehowae gblɔ nya la o, ke boŋ nyagblɔɖila la ŋutɔe do eɖokui ɖe dzi hegblɔe; eyata megavɔ̃e o.











5 Mose 18:1
5 Mose 18:2
5 Mose 18:3
5 Mose 18:4
5 Mose 18:5
5 Mose 18:6
5 Mose 18:7
5 Mose 18:8
5 Mose 18:9
5 Mose 18:10
5 Mose 18:11
5 Mose 18:12
5 Mose 18:13
5 Mose 18:14
5 Mose 18:15
5 Mose 18:16
5 Mose 18:17
5 Mose 18:18
5 Mose 18:19
5 Mose 18:20
5 Mose 18:21
5 Mose 18:22






5 Mose 1 / 5Mo 1
5 Mose 2 / 5Mo 2
5 Mose 3 / 5Mo 3
5 Mose 4 / 5Mo 4
5 Mose 5 / 5Mo 5
5 Mose 6 / 5Mo 6
5 Mose 7 / 5Mo 7
5 Mose 8 / 5Mo 8
5 Mose 9 / 5Mo 9
5 Mose 10 / 5Mo 10
5 Mose 11 / 5Mo 11
5 Mose 12 / 5Mo 12
5 Mose 13 / 5Mo 13
5 Mose 14 / 5Mo 14
5 Mose 15 / 5Mo 15
5 Mose 16 / 5Mo 16
5 Mose 17 / 5Mo 17
5 Mose 18 / 5Mo 18
5 Mose 19 / 5Mo 19
5 Mose 20 / 5Mo 20
5 Mose 21 / 5Mo 21
5 Mose 22 / 5Mo 22
5 Mose 23 / 5Mo 23
5 Mose 24 / 5Mo 24
5 Mose 25 / 5Mo 25
5 Mose 26 / 5Mo 26
5 Mose 27 / 5Mo 27
5 Mose 28 / 5Mo 28
5 Mose 29 / 5Mo 29
5 Mose 30 / 5Mo 30
5 Mose 31 / 5Mo 31
5 Mose 32 / 5Mo 32
5 Mose 33 / 5Mo 33
5 Mose 34 / 5Mo 34