A A A A A
Facebook Instagram Twitter
Ewe Bible 1913

Efesotɔwo 5



1
Azɔ la mizu mawusrɔ̃lawo abe lɔlɔ̃viwo ene,
2
eye mizɔ le lɔlɔ̃ me, abe alesi Kristo hã lɔ̃ mi, eye wòtso eɖokui hena ɖe mia ta, bene wòanye nunana kple vɔsa na Mawu, bene wòanye ʋeʋẽ lilili nyui la ene.
3
Ke ahasiwɔwɔ kple makɔmakɔnyenye katã alo ŋukeklẽ la womagayɔ eŋkɔ gɔ̃ hã le mia dome o, abe alesi wòdze ame kɔkɔewo ene,
4
kple ŋukpeanu kple yakanyagbɔgblɔwo kple atsaƒoƒo, siwo medze o, negbe akpedada boŋ.
5
Elabena mi amesiwo nye sidzelawo, mienyae bena, ahasiwɔla alo ame makɔmakɔ alo ŋuklẽla, si so kple trɔ̃subɔla la, domenyinyia ɖeke meli na wo dometɔa ɖeke le Kristo kple Mawu ƒe fiaɖuƒe la me o.
6
Migana amea ɖeke natsɔ nya ƒuƒlu able mi o; elabena nusia ŋuti Mawu ƒe dziku la va vi sẽtowo dzi ɖo.
7
Eyata migazu woƒe hadelawo o;
8
elabena tsã la mienye viviti, ke azɔ la míezu kekeli le Aƒetɔ la me.
9
Mizɔ abe kekeliviwo ene! Elabena kekeli ƒe kutsetse la le dɔmenyonyo kple dzɔdzɔenyenye kple nyateƒe katã me.
10
Mido nusi nyoa Aƒetɔ la ŋu la kpɔ,
11
eye migade ha kple viviti me dɔwɔwɔ, siwo metsea ku o la o, ke mihe nya ɖe wo ŋu boŋ.
12
Elabena nusiwo wowɔ le ɣaɣlaƒe la, enye ŋukpe be woaƒo nu le wo ŋuti gɔ̃ hã.
13
Ke nusiwo katã ŋu kekeli hea nya ɖo la, woɖe wo ɖe go keŋ; elabena nusianu, si woɖe ɖe go la, enye kekeli.
14
Eyaŋuti la wogblɔ be: Nyɔ, wò amesi le alɔ̃ dɔm la, ne natsi tre tso ame kukuwo dome, eye Kristo ahlẽ ɖe dziwò!
15
Eyaŋuti la mikpɔ nyuie be, miazɔ pɛpɛpɛ; menye abe numanyamanyatɔwo ene o, ke boŋ abe nunyalawo ene,
16
amesiwo wɔa ɣeyiɣi la ŋuti da blibo, elabena ŋkekeawo nye vɔ̃.
17
Eyaŋuti la migazu bometsilawo o, ke boŋ midze si nusi nye Aƒetɔ la ƒe lɔlɔ̃nu.
18
Eye migamu aha, esi me nu baɖabaɖa wɔwɔ le la o; ke boŋ Gbɔgbɔ la nayɔ mi fũ,
19
eye mitso Psalmowo kple kafukafuhawo kpakple gbɔgbɔ me hawo ƒo nu kple mia nɔewo: Midzi ha, eye miƒo ha na Aƒetɔ la le miaƒe dzi me,
20
eye mida akpe na Mawu, Fofo la, ɖaahe le nuwo katã ŋuti le mía Aƒetɔ Yesu Kristo ƒe ŋkɔ la me,
21
eye mibɔbɔ mia ɖokui na mia nɔewo le Kristo vovɔ̃ me.
22
Mi nyɔnuwo la, mibɔbɔ mia ɖokui na mia ŋutɔwo mia srɔ̃wo abe Aƒetɔ la ene;
23
elabena ŋutsue nye ta na nyɔnu, abe alesi Kristo hã nye ta na hame la ene, eye eyae nye ŋutilã la ƒe xɔla.
24
Gake la alesi hame la bɔbɔa eɖokui na Kristo la, nenema ke nyɔnuwo hã nawɔ na woawo ŋutɔ wo srɔ̃wo le nuwo katã me.
25
Mi ŋutsuwo la, milɔ̃ mia ŋutɔwo mia srɔ̃wo, abe alesi Kristo hã lɔ̃ hame la, eye wòtso ye ŋutɔ ɖokui hena ɖe eta la ene,
26
bene yeakɔ eŋu, esime wòklɔ eŋuti to tsilele me le nya la me megbe la,
27
bene ye ŋuta natsɔe aɖo tsitre na eɖokui wòanye ŋutikɔkɔehame, si ŋuti ɖiƒoƒoa ɖeke alo ayilélea ɖeke alo nusiawo ƒe ɖeke naganɔ o, ke boŋ la, bene wòana kokoe, eye mokakaa ɖeke naganɔ eŋuti o;
28
Nenema ke wòle na ŋutsuwo be, woalɔ̃ woa ŋutɔwo wo srɔ̃wo abe woa ŋutɔwo ƒe ŋutilãwo ene. Amesi lɔ̃a ye ŋutɔ srɔ̃ la, elɔ̃a eɖokui;
29
elabena amea ɖeke melé fu ye ŋutɔ ƒe ŋutilã kpɔ o, ke boŋ enyinɛ, eye wòkpɔa edzi, abe alesi Aƒetɔ la wona na hame la ene;
30
elabena eƒe ŋutilã ƒe ŋutinuwo míenye, fefe ŋutilã kple eƒe ƒuawo me mietso.
31
„Eyata ŋutsu agblẽ fofoa kple dadaa ɖi, eye wòalé ɖe srɔ̃a ŋuti, eye wo kpakple eve la katã woanye ŋutilã ɖeka.
32
Nya ɣaɣla sia lolo, ke nye la mele egblɔm le Kristo kple hame la ŋuti.
33
Ke miawo hã mia dome ɖesiaɖe nalɔ̃ ye ŋutɔ srɔ̃anyɔnu nenema ke, abe ye ŋutɔ ɖokui ene; ke nyanu la nasi srɔ̃a ɖa.











Efesotɔwo 5:1
Efesotɔwo 5:2
Efesotɔwo 5:3
Efesotɔwo 5:4
Efesotɔwo 5:5
Efesotɔwo 5:6
Efesotɔwo 5:7
Efesotɔwo 5:8
Efesotɔwo 5:9
Efesotɔwo 5:10
Efesotɔwo 5:11
Efesotɔwo 5:12
Efesotɔwo 5:13
Efesotɔwo 5:14
Efesotɔwo 5:15
Efesotɔwo 5:16
Efesotɔwo 5:17
Efesotɔwo 5:18
Efesotɔwo 5:19
Efesotɔwo 5:20
Efesotɔwo 5:21
Efesotɔwo 5:22
Efesotɔwo 5:23
Efesotɔwo 5:24
Efesotɔwo 5:25
Efesotɔwo 5:26
Efesotɔwo 5:27
Efesotɔwo 5:28
Efesotɔwo 5:29
Efesotɔwo 5:30
Efesotɔwo 5:31
Efesotɔwo 5:32
Efesotɔwo 5:33






Efesotɔwo 1 / Efe 1
Efesotɔwo 2 / Efe 2
Efesotɔwo 3 / Efe 3
Efesotɔwo 4 / Efe 4
Efesotɔwo 5 / Efe 5
Efesotɔwo 6 / Efe 6