A A A A A
Facebook Instagram Twitter
Ewe Bible 1913

Galatiatɔwo 6



1
Nɔviwo, ne vodadaa ɖe ɖi ɖe amea ɖe hã la, mi amesiwo nye gbɔgbɔmemewo la, miɖɔ nenem me sia ɖo le dɔmefafa ƒe gbɔgbɔ la me; eye na ɖokuiwò dzi kpɔm nyuie, bene woagate wò hã akpɔ o.
2
Mitso mia nɔewo ƒe agbawo, eye ale míawu Kristo ƒe se la nu keŋ.
3
Elabena ne amea de bu bena, yenye nane, evɔ menye naneke o la, ye ŋutɔ ɖokui blem wòle.
4
Ke amesiame nado ye ŋutɔ ƒe dɔwɔwɔ akpɔ, ekema akpɔ nu aƒo adegbe le ye ŋuta ɖokui ɖeɖeko me, eye menye le ame bubu me o.
5
Elabena amesiame atsa ye ŋutɔ ƒe agba.
6
Ke amesi wofiã nui le nya me la, nade ha kple amesi le nu fiam la, le nu nyuiwo katã me.
7
Migable mia dokui o; Mawu menana wòdoa hehe de eta o! Elabena nusi ke ame ƒãna la, esia ke wòaŋe.
8
Elabena amesi ƒã nu ɖe eƒe ŋutilã me la, aŋe gbegblẽ atso eƒe ŋutilã me; ke amesi ƒã nu ɖe Gbɔgbɔ me la, aŋe agbe mavɔ atso Gbɔgbɔ me.
9
Migana ɖeɖi nate mía ŋu le nu nyui wɔwɔ me o; elabena ne míegbɔdzɔ le nu nyui wɔwɔ me o la, míaŋe nu le ye ŋutɔ ƒe azãgbe la dzi!
10
Eyaŋuti esi asinukpɔkpɔ le mía si la, mina míawɔ nu nyui na amesiame, ke vevietɔ na haxɔsetɔwo.
11
Mikpɔ ŋɔŋlɔdzesi gãgã, siwo metsɔ nye ŋutɔ nye asi ŋlɔ ɖo ɖe mi la da!
12
Ame alesi nu le didim be, yewoadze nyuie le ŋutilã me la, woawoe zi mia dzi, bena miana woatso aʋa na mi, le esia ta ko, bene woagatsɔ Kristo ƒe atitsoga la ati wo yome o.
13
Elabena amesiwo wotso aʋa na ŋutɔ hã, melé se la me ɖe asi o, ke boŋ wole didim be, miana yewoatso aʋa na mi, bene yewoaƒo adegbe le miaƒe ŋutilã me.
14
Ke nye la megava me nam bena, maƒo adegbe o, negbe le mía Aƒetɔ Yesu Kristo ƒe atitsoga la ŋuti ko, amesi me woto klã xexeame ɖe atitsoga ŋu nam, eye nye hã woklãm ɖe atitsoga ŋu na xexeame.
15
Elabena le Kristo Yesu me la aʋatsotso kple aʋamatsomatso siaa menye naneke o, ke nuwɔwɔ yeye boŋ.
16
Eye ame alesinu zɔna ɖe mɔ sia nu teƒeteƒe la: Ŋutifafa kple nublanuikpɔkpɔ ava wo amesiwo nye Mawu ƒe Israel la dzi!
17
Tso esia dzi la amea ɖeke megaɖe tu nam o; elabena nye la Yesu ƒe abidzesiwo le nye ŋutilã ŋu.
18
Mia Aƒetɔ Yesu Kristo ƒe amenuveve nanɔ anyi kple miaƒe gbɔgbɔ la, nɔviwo! Amen.











Galatiatɔwo 6:1
Galatiatɔwo 6:2
Galatiatɔwo 6:3
Galatiatɔwo 6:4
Galatiatɔwo 6:5
Galatiatɔwo 6:6
Galatiatɔwo 6:7
Galatiatɔwo 6:8
Galatiatɔwo 6:9
Galatiatɔwo 6:10
Galatiatɔwo 6:11
Galatiatɔwo 6:12
Galatiatɔwo 6:13
Galatiatɔwo 6:14
Galatiatɔwo 6:15
Galatiatɔwo 6:16
Galatiatɔwo 6:17
Galatiatɔwo 6:18






Galatiatɔwo 1 / Ga 1
Galatiatɔwo 2 / Ga 2
Galatiatɔwo 3 / Ga 3
Galatiatɔwo 4 / Ga 4
Galatiatɔwo 5 / Ga 5
Galatiatɔwo 6 / Ga 6