A A A A A
Facebook Instagram Twitter
Ewe Bible 1913

Galatiatɔwo 5



1
Ablɔɖenyenye ŋuti Kristo wɔ mí ablɔɖeviwo ɖo. Eyaŋuti minɔ tsitre sesĩe, eye migana woade kluvinyenye ƒe kɔkuti ko na mi o!
2
Kpɔ ɖa, nye Paulo mele egblɔm na mi bena, nenye be, miena wotso aʋa na mi la, Kristo maganye viɖea ɖeke na mi o.
3
Ke megale ɖase ɖim na amesiame, si na wotso aʋa nɛ la be, ele ne wòawɔ se blibo la katã dzi.
4
Mi amesiwo ɖi be, woatso afia na mi to sea me la, woklã mi ɖa tso Kristo gbɔ: amenuveve la sie miege le.
5
Elabena míawo la Gbɔgbɔ me míele dzɔdzɔenyenye ƒe mɔkpɔkpɔ la lalam le tso xɔse me.
6
Elabena le Kristo Yesu me la aʋatsotso mate ŋu awɔ naneke o, eye aʋamatsomatso hã nenema ke, hafi boŋ xɔse, si sẽa ŋu le bla me lae.
7
Mieƒu du nyuie! Ameka xe mo na mi be, miagaɖo to nyateƒe la oa?
8
Nyaƒoɖeamenu sia metso amesi yɔ mi la gbɔ o.
9
Amɔwɔ ʋaʋã via ɖe nana amɔwɔ blibo la katã ʋãna.
10
Nye la meɖo ŋu ɖe mia ŋu le Aƒetɔ la me bena, miele nu bubua ɖeke susu ge o; ke amesi ke blu miaƒe tame la, eƒe ʋɔnudɔdrɔ̃ anɔ edzi, ameka ke wòɖanye o!
11
Ke nye la, nɔviwo, ne megale gbe ƒã ɖem aʋatsotso la, nukaŋuti wogale yonyeme tima? Ekema woɖe atitsoga ƒe nuɖiaɖia ɖa tso.
12
Oo, ɖe wòala amesiwo de dzi mia me la ɖa!
13
Elabena, nɔviwo, woyɔ mi va ablɔɖenyenye gbɔ; ɖekoe ablɔɖenyenye la naganye mɔnunana ŋutilã o, ke boŋ misubɔ mia nɔewo le lɔlɔ̃ me!
14
Elabena wowu se blibo la katã nu le nya ɖeka me, le esia me be: „Lɔ̃ hawòvi abe wò ŋutɔ ɖokuiwò ene.“
15
Ke ne mieɖu, eye miemi mia nɔewo la, mikpɔ nyuie, be míagatsrɔ̃ mia nɔewo o!
16
Ke mele egblɔm be: Miza le Gbɔgbɔ me, eye miele ŋutilã ƒe nudzodzro dzi wo ge o.
17
Elabena ŋutilã la dzroa nu ɖe Gbɔgbɔ la ŋuti, eye Gbɔgbɔ la ɖe ŋutilã la ŋuti; elabena esiawo tsi tre ɖe wo nɔewo ŋuti, bene miagawɔ nusiwo mielɔ̃na o.
18
Ke ne Gbɔgbɔ la le mia kplɔm la, miegale sea te o.
19
Ke ŋutilã ƒe dɔwɔwɔwo dze ƒã keŋ, esiwo nye: Matrewɔwɔ, ahasiwɔwɔ, makɔmakɔnyenye, hadzedze,
20
trɔ̃subɔsubɔ, afakaka, kewɔwɔ, dzrewɔwɔ, ŋuʋaʋã, dɔmedzoedodowo, dzrehehewo, mamãwo, komamãwo,
21
dɔmevevi, hlɔ̃dodowo, ahamumuwo, aglotutuwo kple esia tɔgbewo; nusiwo gblɔm mele ɖi na mi, abe alesi megblɔ ɖi na mi xoxo la ene, bena amesiwo wo ale nusiawo la, manyi mawufiaɖuƒe la ƒe dome o.
22
Ke Gbɔgbɔ ƒe kutsetse enye: Lɔlɔ̃, dzidzɔ, ŋutifafa, dzigbɔgbɔ blewu, dɔmekɔkɔ, dɔmenyonyo, anukwaretɔnyenye,
23
dɔmefafa, ɖokuidzidudu; nenem nusiawo la se la metsi tre de wo ŋu o.
24
Ke amesiwo nye Kristo tɔ la, woklã woƒe ŋutilã kple woƒe nudzodzro wuamenu wo kpakple ŋubiabiãwo de atitsoga ŋu.
25
Ke ne mienɔ agbe le Gbɔgbɔ me la, minɛ míazɔ le Gbɔgbɔ me hã.
26
Miganɛ míaƒe ŋkuwo nabia le bubu dzodzro ŋuti o, ne míagadi ge le mia nɔewo ŋu, eye miaƒe nu nagave dɔme na mía nɔewo o.











Galatiatɔwo 5:1
Galatiatɔwo 5:2
Galatiatɔwo 5:3
Galatiatɔwo 5:4
Galatiatɔwo 5:5
Galatiatɔwo 5:6
Galatiatɔwo 5:7
Galatiatɔwo 5:8
Galatiatɔwo 5:9
Galatiatɔwo 5:10
Galatiatɔwo 5:11
Galatiatɔwo 5:12
Galatiatɔwo 5:13
Galatiatɔwo 5:14
Galatiatɔwo 5:15
Galatiatɔwo 5:16
Galatiatɔwo 5:17
Galatiatɔwo 5:18
Galatiatɔwo 5:19
Galatiatɔwo 5:20
Galatiatɔwo 5:21
Galatiatɔwo 5:22
Galatiatɔwo 5:23
Galatiatɔwo 5:24
Galatiatɔwo 5:25
Galatiatɔwo 5:26






Galatiatɔwo 1 / Ga 1
Galatiatɔwo 2 / Ga 2
Galatiatɔwo 3 / Ga 3
Galatiatɔwo 4 / Ga 4
Galatiatɔwo 5 / Ga 5
Galatiatɔwo 6 / Ga 6