A A A A A
Facebook Instagram Twitter
Ewe Bible 1913

Galatiatɔwo 3



1
O, mi Galatiatɔ manyanuwo! Amekae trɔ tame na mi bena, mieɖo to nyateƒe la o: Mi amesiwo ŋku me woŋlɔ Yesu Kristo ɖo pete, abe amesi woklã ɖe atitsoga ŋu le mia dome la enea?
2
Esia ɖeɖeko dim mele be, nasrɔ̃ tso mia gbɔ: Se la ƒe dɔwɔwɔwo mee miexɔ Gbɔgbɔ la tso loo, alo xɔse ƒe nyagbɔgblɔfia la mee miexɔe tsoe mahã?
3
Ale ame manyanu siawo tɔgbe míenye mahã? Esi mietso Gbɔgbɔ la dze gome la, azɔ miatsɔ ŋutilã awu enua?
4
Ɖe míekpe fu geɖe siawo dzodzroa? Neganye dzodzroe hã.
5
Azɔ la, amesi tso Gbɔgbɔ la kea mi, eye wòwɔa ŋusẽdɔwɔwɔwo le mia me la: Se la ƒe dɔwɔwɔwo mee wòto loo, alo xɔse ƒe nyagbɔgblɔfia la me wòtoa?
6
Abe alesi Abraham xa Mawu dzi se, eye wobui dzodzoenyenye nɛ ene.
7
Eyata midze sii bena, amesiwo tso xɔse me la, woawo koe nye Abraham-viwo.
8
Ke esi ŋɔŋlɔ la kpɔ ɖi bena, Mawu tso afia na trɔ̃subɔlawo tso xɔse me la, eyaŋuti wògblɔ nyanyuie la ɖi na Abraham bena: „Wò me woayra trɔ̃subɔlawo katã le.“
9
Eyaŋuti woyra amesiwo katã tso xɔse me la kple xɔsetɔ Abraham.
10
Elabena ame alesi nu tso se la ƒe dɔwɔwɔwo me la, wole fiƒode la te; elabena woŋlɔ ɖi bena: „Woaƒo fi ade amesiame, si mena nusianu, si woŋlɔ ɖe anyi le sea ƒe agbalẽ me la dzi, bene wòawɔ edzi o la.“
11
Ke edze ƒã bena, wometsoa afia na amea ɖeke to se la me le Mawu ŋku me o; elabena „ame dzɔdzɔe la anɔ agbe tso xɔse me.“
12
Ke se la metso xɔse me o, hafi boŋ amesi ke wɔ nusiawo dzi la, anɔ agbe le wo me.
13
Kristo xe fe ɖe mia ta heɖe mí tso se la ƒe fiƒode la me, esi wòva zu fiƒode le mía ta; elabena woŋlɔ ɖi bena: „Woƒo fi de amesiame, si wohe ɖe ati ŋu la,“
14
bene Abraham ƒe yayra la nava trɔ̃subɔlawo dzi le Kristo Yesu me, bene miaxa Gbɔgbɔ kɔkɔe ƒe ŋugbedodo la to xɔse me.
15
Nɔviwo, mele nu ƒom abe ame ene; ame ƒe nubabla, si dzi woɖo kpee la, amea ɖeke metunɛ alo tsɔa nane kpena ɖe eŋuti o.
16
Ke Abraham la wogblɔ ŋugbedodowo na eya kple eƒe ƒome; womegblɔ be: „Kple ƒomeawo“ abe ame geɖe ene o, ke abe ame ɖeka ene boŋ: „Kple wò ƒome,“ si nye Kristo.
17
Ke esia gblɔm mele: Nubabla, si dzi Mawu ɖo kpee ɖi hena Kristo la, se, si wode ƒe alafa ene kple blaetɔ̃ megbe la, mele ŋu tui, bene woaɖe ŋugbedodo la ɖa o.
18
Elabena nenye se la mee domenyinyi la tso la, ekema metso ŋugbedodo la me o; ke Mawu to ŋugbedodo la me tsoe ke Abraham.
19
Azɔ la, nuka ta se la li ɖo? Vodadawo ŋuti wotsɔe kpe ɖe eŋuti, vaseɖe ɣeyiɣi, si dzi ƒome, si ŋugbe wodo ɖi la ava, eye woto mawudɔlawo dzi ɖoe anyi to avuléla si me.
20
Ke avuléla menye ame ɖeka to o, ke Mawu la eya ɖekae.
21
Azɔ la, ɖe se la tsi tre ɖe Mawu ƒe ŋugbedodo la ŋuti mahã? Gbeɖe! Elabena ɖe wona sea ɖe, si ate ŋu ana agbe la, anye ne se la me ke dzodzoenyenye la tso vavã.
22
Ke ŋɔŋlɔ la tu nuwo katã nu ɖe nuvɔ̃ te, bene woatsɔ ŋugbedodo la tso Kristo dzixɔxɔse me na amesiwo xɔna sena la.
23
Ke hafi xɔse la va la, wodzra mí ɖo ɖe se la te, eye wotu ʋɔ ɖe mia nu hena xɔse, si wole ɖeɖe ge ɖe go afia emegbe la.
24
Ale se la zu mia nufiala, si kplɔa mí yia Kristo gbɔe, bene woatso afiã na mí to xɔse me.
25
Ke esi xɔse va la, miegale nufiala te o.
26
Elabena mi katã míenye mawuviwo to Kristo Yesu dzixɔxɔse me.
27
Elabena mi ame alesi nu wode mawutsi ta na ɖe Kristo me la, miedo Kristo.
28
Azɔ la Yudatɔ kple Helatɔ megali o; kluvi alo ablɔɖevi megali o; atsu alo asi megali o; elabena mi katã ɖeka miele le Kristo Yesu me.
29
Ke ne míenye Kristo ta la, ekema Abraham ƒe ƒome kple domenyilawo míenye le ŋugbedodo la nu.











Galatiatɔwo 3:1
Galatiatɔwo 3:2
Galatiatɔwo 3:3
Galatiatɔwo 3:4
Galatiatɔwo 3:5
Galatiatɔwo 3:6
Galatiatɔwo 3:7
Galatiatɔwo 3:8
Galatiatɔwo 3:9
Galatiatɔwo 3:10
Galatiatɔwo 3:11
Galatiatɔwo 3:12
Galatiatɔwo 3:13
Galatiatɔwo 3:14
Galatiatɔwo 3:15
Galatiatɔwo 3:16
Galatiatɔwo 3:17
Galatiatɔwo 3:18
Galatiatɔwo 3:19
Galatiatɔwo 3:20
Galatiatɔwo 3:21
Galatiatɔwo 3:22
Galatiatɔwo 3:23
Galatiatɔwo 3:24
Galatiatɔwo 3:25
Galatiatɔwo 3:26
Galatiatɔwo 3:27
Galatiatɔwo 3:28
Galatiatɔwo 3:29






Galatiatɔwo 1 / Ga 1
Galatiatɔwo 2 / Ga 2
Galatiatɔwo 3 / Ga 3
Galatiatɔwo 4 / Ga 4
Galatiatɔwo 5 / Ga 5
Galatiatɔwo 6 / Ga 6