A A A A A
Facebook Instagram Twitter
Ewe Bible 1913

1 Korintotɔwo 9



1
Ɖe nyemenye apostolo oa? Ɖe nyemenye ɖokuisime oa? Ɖe nyemekpɔ Yesu Kristo, mía Aƒetɔ la oa? Menye miawoe nye nye dɔwɔwɔ le Aƒetɔ la me oa?
2
Ne nyemenye apostolo na ame bubuwo o hã la, menyee na mi; elabena miawoe nye nye apostolonyenye ƒe nutrenu le Aƒetɔ la me.
3
Ɖokuinye la ʋiʋli ɖe amesiwo drɔ̃a ʋɔnum la ŋuti enye esi.
4
Alo ɖe míekpɔ ŋusẽ be, míaɖu nu, eye míano nu oa?
5
Alo ɖe miekpɔ ŋusẽ bena, míakplɔ nɔvinyɔnu, si anye mía srɔ̃ la, anɔ nugbe yim, abe alesi apostolo bubuawo kple Aƒetɔ la nɔviwò kpakple Kefa hã wona ene oa?
6
Alo ɖe mia kple Barnaba ɖeɖekoe mekpɔ ŋusẽ bena, miagawɔ dɔ oa?
7
Ameka gɔ̃e woa aʋawɔvi ƒe do, eye wòxea fe na eɖokui? Alo ameka gɔ̃e dea weingble, eye meɖua eƒe kutsetse oa? Alo amekae nyia lãha, eye menoa lãha la ƒe notsi oa?
8
Alo ame ƒe susu nue mele nya siawo gblɔm ɖo, alo menye se la hãe gblɔ nenema oa?
9
Elabena woŋlɔ ɖe Mose ƒe segbalẽa me bena: „Megabla nu na nyitsu, si le mɔli tugum la o!“ A, nyitsu ƒe nue le Mawu nu vema?
10
Alo menye mia ŋuti pete wogblɔe ɖo oa? Mía ta woŋlɔe ɖo bena, amesi ŋlɔa nu la, naŋlɔe le mɔkpɔkpɔ me; eye amesi tugua mɔli la, natugui le mɔkpɔkpɔ me, bena wòakpɔ gome le eme!
11
Ne míeƒã gbɔgbɔ me nuwo na mi, eye míexa miaƒe ŋutilãnuwo la, nu gã wònyea?
12
Ne ame bubuwo kpɔ ŋusẽ sia ƒe gome ɖe mia dzi la, ɖe miawo míekpɔe wu woawo o mahã? Gake miewɔa ŋusẽ sia ŋuti da o, hafi míetsɔa wo katã kpoo boŋ, bene míagaxe mɔ na Kristo ƒe nyanyuie la o.
13
Ɖe mienyae bena, amesiwo woa kɔkɔeƒe ƒe dɔwo la, kɔkɔeƒe ƒe nuwo woɖuna, eye amesiwo subɔna le vɔsamlekpui ŋuti la, vɔsamlekpui ƒe nuwo me wokpɔa wo tɔ nua tsonɛ oa?
14
Nenema ke Aƒetɔ la ɖo na amesiwo gblɔa nyanyuie fiana la bena, woakpɔ agbemenuwo tso nyanyuie la me.
15
Ke nye la nyemewɔ nusiawo ƒe ɖeke ŋuti dɔ kpɔ o; eye nyemeŋlɔ nusiawo, bene woawɔ nenema nam o; elabena ne meku la, anyo nam awu esi amea ɖe naɖi gbɔ nye kafukafu.
16
Elabena ne megblɔ nyanyuie fia la, menye kafukafu nam o, elabena ele nam kokoko be, mawɔe; elabena nenye be, nyemegblɔ nyanyuie la fia o la, baba nam!
17
Elabena ne mewɔ esia kple lɔlɔ̃nu la, fetu te eme nam; ke ne nyemewɔe kple lɔlɔ̃nu o la, wotsɔ xɔnuvidɔ de asi nam.
18
Azɔ ɖe, nukae nye nye fetua? Eyae nye bena, nye amesi le nyanyuie la gblɔm la, mana fetu naganɔ nyanyuie la ŋuti o, bene nyemagawɔ nye ŋusẽ la ŋuti do le nyanyuie lã ŋuti o.
19
Elabena ne menye ɖokuisime, si vo tso amewo katã gbɔ hã la, metsɔ ɖokuinye wo amewo katã ƒe dɔla, bene asinye nasu ame geɖeawo dzi;
20
eye mezu abe Yudatɔ ene hena Yudatɔwo, bena asinye nasu Yudatɔwo dzi; eye mezu abe amesi le sea te ene hena amesiwo le sea te, wònye nye ŋutɔ nyemele sea te hafi o, bene asinye nasu amesiwo le sea te la dzi;
21
mezu abe semanɔsitɔ ene hena semanɔsitɔwo, gake la nyemenye semanɔsitɔ na Mawu o, ke mele Kristo ƒe se la me boŋ, bene asinye nasu semanɔsitɔwo dzi.
22
Mezu gbɔdzɔgbɔdzɔtɔ na gbɔdzɔgbɔdzɔtɔwo, bene asinye nasu gbɔdzɔgbɔdzɔtɔwo dzi; amewo katã mezu nusianu na, bene maɖe wo dome amea ɖewo kokoko.
23
Ke nyanyuie la ta mewo wo katã ɖo, bene nye hã makpɔ gome le eme.
24
Klo mienyae bena, amesiwo le duɖime kem le dusiƒe la, wo katãe kenɛ hafi, gake ame ɖeka koe xɔa dziɖuɖufetu la o mahã? Mike duɖime nenema, ne miaƒe asi nasu edzi!
25
Ke amesiame, si le kame tem la, eɖɔa ŋu ɖo le nusianu me; ame mawo wɔa nenema, bene woƒe asi nasu dziɖuɖukuku, si gblẽna la dzi; ke miawo la, esi megblẽna o la dzi.
26
Eyaŋuti azɔ nye la mele dudime kem ale, bena nyemele ɖikeke me o, eye mele kɔ dam ale, bena nyemedaa dadagbo o;
27
hafi meƒoa nye ŋutilã wòdoa ʋusrã, eye mewɔnɛ kluvi boŋ, bene esi menye gbeƒãɖela na ame bubuwo la, nye ŋutɔ la nyemagazɔ ame madzemadze o.











1 Korintotɔwo 9:1
1 Korintotɔwo 9:2
1 Korintotɔwo 9:3
1 Korintotɔwo 9:4
1 Korintotɔwo 9:5
1 Korintotɔwo 9:6
1 Korintotɔwo 9:7
1 Korintotɔwo 9:8
1 Korintotɔwo 9:9
1 Korintotɔwo 9:10
1 Korintotɔwo 9:11
1 Korintotɔwo 9:12
1 Korintotɔwo 9:13
1 Korintotɔwo 9:14
1 Korintotɔwo 9:15
1 Korintotɔwo 9:16
1 Korintotɔwo 9:17
1 Korintotɔwo 9:18
1 Korintotɔwo 9:19
1 Korintotɔwo 9:20
1 Korintotɔwo 9:21
1 Korintotɔwo 9:22
1 Korintotɔwo 9:23
1 Korintotɔwo 9:24
1 Korintotɔwo 9:25
1 Korintotɔwo 9:26
1 Korintotɔwo 9:27






1 Korintotɔwo 1 / 1Ko 1
1 Korintotɔwo 2 / 1Ko 2
1 Korintotɔwo 3 / 1Ko 3
1 Korintotɔwo 4 / 1Ko 4
1 Korintotɔwo 5 / 1Ko 5
1 Korintotɔwo 6 / 1Ko 6
1 Korintotɔwo 7 / 1Ko 7
1 Korintotɔwo 8 / 1Ko 8
1 Korintotɔwo 9 / 1Ko 9
1 Korintotɔwo 10 / 1Ko 10
1 Korintotɔwo 11 / 1Ko 11
1 Korintotɔwo 12 / 1Ko 12
1 Korintotɔwo 13 / 1Ko 13
1 Korintotɔwo 14 / 1Ko 14
1 Korintotɔwo 15 / 1Ko 15
1 Korintotɔwo 16 / 1Ko 16