A A A A A
Facebook Instagram Twitter
Ewe Bible 1913

1 Korintotɔwo 4



1
Ale ame nabu mí enye esi: Abe Kristo ƒe dɔlawo kple Mawu ƒe nya ɣaɣlawo ƒe xɔnuviwo ene.
2
Ke nusi gakpe ɖe eŋuti la, enye bena, wodina tsoa xɔnuviwo gbɔ, bene woakpɔ wo nuteƒewolawoe.
3
Ke nye la nu via ɖe ŋutɔ ko wònye nam, ne woadrɔ̃ ʋɔnum le miawo alo amea ɖe ƒe ʋɔnudrɔ̃gbe dzi; evo la nyemedrɔ̃ ʋɔnu nye ŋutɔ ɖokuinye hã o.
4
Elabena nyemenya naneke le ɖokuinye ŋuti o, ke menye eyata wotso afia nam o, ke Aƒetɔ lae nye amesi drɔ̃ ʋɔnum.“
5
Eyata migadrɔ̃ ʋɔnu naneke, hafi ɣeyiɣi la nava ɖo o, halase esime Aƒetɔ la ava, amesi ahe viviti me nya ɣaɣlawo ava kekeli nui, eye wòaɖe dzimedaŋudedewo ɖe go afia la, ekema amesiame akpɔ kafukafu tso Mawu gbɔ.
6
Ke nɔviwò, nusiawo megblɔ heɖo mía kple Apolo ŋuti le mia ta, bene miasrɔ̃ nu le mía gbɔ, bena miagasusu awu nusi woŋlɔ ɖi la o, bena mia dome amea ɖeke nagado eɖokui ɖe dzi le ame ɖeka ta ɖe ame bubu ŋuti o.
7
Elabena ameka na nèto vovo ma? Eye nukae le asiwò, si mèxɔ oa? Ke ne wò hã nèxɔe la, nukaŋuti nèle adegbe ƒom abe menye ɖe nèxɔe ene oa?
8
Míeɖi ƒo xoxo, míezu kesinɔtɔwo xoxo, miegblẽa mi ɖi ɖua fia; ɖe miaɖu fia gɔ̃, bene miawo hã míaɖu fia kpakpli mi la, ne anyo!
9
Elabena mele susum bena, Mawu tsɔ mí apostolowo wɔ mamletɔwo, abe amesiwo woɖo anyi na ku ene, elabena míezu nukpɔkpɔ na xexeame kple mawuɖɔlawo kple amewo siaa.
10
Míenye bometsilawo le Kristo ŋuti, ke miawo la nunyalawo míenye le Kristo me; miawo la miegbɔdzɔna, ke miawo la miesẽa ŋu; wobua mi, ke miawo la woɖoa vlo mi.
11
Vaseɖe gaƒoƒo sia dzi la dɔ kple tsikɔ wua mí, eye miezɔa amama, eye woƒoa mí kple kɔ, eye nɔƒe gobia ɖeke meli na mi o.
12
Eye míedzea agbagba, eye míetsia mía ŋutɔwo míaƒe asiwò wɔa dɔ; ne wodzu mí la, míeyrana; ne woti mía yome la, mieɖoa dzi tsɔnɛ;
13
ne wodo busu mi la, míeɖea kuku; míezu abe xexe sia me ƒe aɖukpodzinuwo ene, amewo katã ƒe gbeɖuɖɔ vaseɖe egbegbe sia.
14
Menye ɖe meŋlɔ nusiawo, bene maɖo ŋukpe mi o, ke boŋ bene maxlɔ̃ nu mi abe nye lɔlɔ̃viwo ene.
15
Elabena ne vidzikpɔla akpe ewo le mia si le Kristo me hã la, fofo geɖe meli na mi o; elabena metsɔ nyanyuie la dzi mi le Kristo Yesu me.
16
Eyaŋuti mele nu xlɔ̃m mi bena: Mizu srɔ̃nyelawo.
17
Eyata medɔ Timoteo, si nye vinye blɔtɔ kple nuteƒewɔla le Aƒetɔ me la, ɖo ɖe mia gbɔ; amesia aɖo ŋku nye mɔ, siwo le Kristo me, abe alesi mele nu fiam le ha sia ha me le afisiati ene la, dzi na mi.
18
Ke amea ɖewo do wo ɖokui ɖe dzi, abe ɖe nyemegale mia gbɔ va ge o ene.
19
Ke ne Aƒetɔ la lɔ̃ la, mava mia gbɔ kpuie, eye nyemele, madze si amesiwo do wo ɖokui ɖe dzi la ƒe nyawo o, ke woƒe ŋusẽ boŋ.
20
Elabena menye nya mee mawufiaɖuƒe la le o, hafi ŋusẽ me boŋ wòle.
21
Nuka dim miele? Ɖe matso ali ava mia gbɔ loo, alo matsɔ lɔlɔ̃ kple dɔmefafa ƒe gbɔgbɔ la ava mia gbea?











1 Korintotɔwo 4:1
1 Korintotɔwo 4:2
1 Korintotɔwo 4:3
1 Korintotɔwo 4:4
1 Korintotɔwo 4:5
1 Korintotɔwo 4:6
1 Korintotɔwo 4:7
1 Korintotɔwo 4:8
1 Korintotɔwo 4:9
1 Korintotɔwo 4:10
1 Korintotɔwo 4:11
1 Korintotɔwo 4:12
1 Korintotɔwo 4:13
1 Korintotɔwo 4:14
1 Korintotɔwo 4:15
1 Korintotɔwo 4:16
1 Korintotɔwo 4:17
1 Korintotɔwo 4:18
1 Korintotɔwo 4:19
1 Korintotɔwo 4:20
1 Korintotɔwo 4:21






1 Korintotɔwo 1 / 1Ko 1
1 Korintotɔwo 2 / 1Ko 2
1 Korintotɔwo 3 / 1Ko 3
1 Korintotɔwo 4 / 1Ko 4
1 Korintotɔwo 5 / 1Ko 5
1 Korintotɔwo 6 / 1Ko 6
1 Korintotɔwo 7 / 1Ko 7
1 Korintotɔwo 8 / 1Ko 8
1 Korintotɔwo 9 / 1Ko 9
1 Korintotɔwo 10 / 1Ko 10
1 Korintotɔwo 11 / 1Ko 11
1 Korintotɔwo 12 / 1Ko 12
1 Korintotɔwo 13 / 1Ko 13
1 Korintotɔwo 14 / 1Ko 14
1 Korintotɔwo 15 / 1Ko 15
1 Korintotɔwo 16 / 1Ko 16