A A A A A
Facebook Instagram Twitter
Ewe Bible 1913

1 Korintotɔwo 11



1
Mizu srɔ̃nyelawo, abe alesi nye hã menye Kristo-srɔ̃la ene.
2
Ke mele mia kafum, nɔviwò, bena mieɖoa ŋku dzinye le nusianu me, eye mielé nyaɖoɖoawo me ɖe asi, abe alesi meɖo na mi la ene.
3
Ke mele ɖiɖim bena, mianyae bena, ŋutsu sia ŋutsu ƒe ta enye Kristo, ke nyɔnu ƒe ta enye ŋutsu, ke Kristo ƒe ta enye Mawu.
4
Ke ŋutsu sia ŋutsu, si doa gbe ɖa alo gblɔa nya ɖi, eye wòtsyɔ nu ta la, edoa ŋukpe eƒe ta.
5
Ke nyɔnu sia nyɔnu, si doa gbe ɖa alo gblɔa nya ɖi, eye mebia ta o la, edoa ŋukpe eƒe ta, elabena ele abe ɖe wòlũ ta ene.
6
Elabena ne nyɔnu mebia ta o la, na ne wòako ta keŋ! Ke ne enye ŋukpe na nyɔnu be, wòako ta alo wòalũi la, ekema nebia ta.
7
Hafi ŋutsu la negatsyɔ nu ta o; elabena Mawu ƒe nɔnɔme kple eƒe bubu wònye, ke nyɔnu enye ŋutsu ƒe bubu.
8
Elabena ŋutsu metso nyɔnu me o, hafi nyɔnu boŋ ye tso ŋutsu me.
9
Elabena womewɔ ŋutsu le nyɔnu ta o, hafi wowɔ nyɔnu le ŋutsu ta boŋ.
10
Eyata ele na nyɔnu bena, wòakpɔ ŋusẽ ɖe eƒe ta dzi le mawudɔlawo ŋuti.
11
Gake srɔ̃nyɔnu mele Aƒetɔ la me ŋutsu manɔmee o, eye srɔ̃ŋutsu hã mele Aƒetɔ la me nyɔnu manɔmee o.
12
Elabena abe alesi nyɔnu tso ŋutsu me la, nenema ke ŋutsu hã to nyɔnu me va; ke esiawo katã tso Mawu gbɔ.
13
Midrɔ̃e le mia ŋutɔwo mia ɖokui me kpɔ, ɖe wòdze be, nyɔnu, si mebia ta o la, nado gbe ɖa na Mawu mahã?
14
Alo ɖe dzɔdzɔme ŋutɔ mèfia mi bena, ne ɖa legbe li na ŋutsu la; enye ŋukpe nɛ oa?
15
Ke nyɔnu la, ne ɖa legbe li nɛ la, enye bubu nɛ; elabena wotsɔ ɖa legbe nɛ ɖe nutsyɔnu teƒe.
16
Ke ne enyo amea ɖe ŋu be, yeanye dzretɔ la, gake miaƒe nuwɔnawo mele nenem o, eye Mawu ƒe hameawo hã nenema ke.
17
Ke esi mede se sia na mi ta, nyemate ŋu akafu mi o bena, mieva kpea ta, menye bena mianye awu o, ke boŋ bene miagblẽ ɖe dzi awu.
18
Elabena gbã la, ne mieƒo ƒu ɖe hame la ƒe takpekpe me la, mesena bena, mamãwo naa mia dome, eye mexɔa ɖewo dzi sena.
19
Elabena ele vevie bena, kɔmamãwo hã naɖo mia dome, bene amesiwo li ke la, nadze ƒã le mia dome.
20
Azɔ la ne mieva kpe ta ɖe afi ɖeka la, menye Aƒetɔ la ƒe nuɖuɖue nye ekema o.
21
Elabena amesiame tsɔa ye ŋutɔ ƒe nuɖuɖu heɖuna gbã le nuaɖuƒe, ɖɔ nɔa amea ɖe wum, ke ame bubu mua aha.
22
Alo ɖe aƒewo mele mia si, miaɖu nu, eye miano nu le wo me oa? Alo ɖe mieɖoa vlo Mawu ƒe hame, eye mieɖoa ŋukpe amesiwo mekpɔ nuwo o la mahã? Nuka gblɔ ge mala? Ɖe makafu mia? Esia me la nyemele mia kafu ge akpɔ o.
23
Elabena nye la, nusi mexɔ tso Aƒetɔ la gbɔ la, metsɔ de asi na mi bena, Aƒetɔ Yesu le zã, si me wofiã eyome mɔ la, etso abolo ɖe asi,
24
eye esi wòda akpe le eta la, èŋe eme gblɔ bena: „Mixɔe ɖu, esiae nye nye ŋutilã, si woŋe le mia ta; miwo esia, ne miatsɔe aɖo ŋku dzinye.“
25
Nenema ke wòtsɔ kplu le nuɖuɖu la megbe hegblɔ bena: „Esiae nye nubabla yeye ƒe kplu le nye ʋu me; miwo esia, zi alesi mianoe la, ne miatsɔe aɖo ŋku dzinye.“
26
Elabena zi alesi míeɖua abolo sia, eye mienoa nu le kplu sia nu la, miele gbe ƒã ɖem Aƒetɔ la ƒe ku, halase esime wòava va.
27
Eyata amesi ke ɖua abolo sia, alo noa nu le Aƒetɔ la ƒe kplu sia nu madzemadze la, aɖi fɔ le Aƒetɔ la ƒe ŋutilã kple nu la ŋuti.
28
Ke ame naɖo eɖokui akpɔ, eye ale wòaɖu abolo sia ƒe ɖe, eye wòano nu le kplu sia nu.
29
Elabena amesi ɖunɛ alo nonɛ madzemadze la, eɖua, eye wònoa ʋɔnudɔdrɔ̃ na eɖokui, elabena mebu Aƒetɔ la ƒe ŋutilã me kpɔna o.
30
Esia ŋuti mia dome ame geɖe ƒe lãme gbɔdzɔ, eye amewo le dɔ lém, eye ame geɖewo ku.
31
Elabena ɖe mieɖu mia ɖokui me kpɔ la, anye ne womele ʋɔnu drɔ̃ ge mi o.
32
Ke ne wodrɔ̃ ʋɔnu mi la, Aƒetɔ la hea to na mi, bene womagabu fɔ mi kple xexeame zi ɖeka o.
33
Eyata, nɔviwò, ne mieva kpe ta le nu ɖu ge la, ekema milala mia nɔewo.
34
Ke ne ɖa le amea ɖe wum la, neɖu nu le aƒe me, bene miagava kpe ta hena ʋɔnudɔdrɔ̃ o. Ke ne meva la, maɖo nusiwo susɔ la.











1 Korintotɔwo 11:1
1 Korintotɔwo 11:2
1 Korintotɔwo 11:3
1 Korintotɔwo 11:4
1 Korintotɔwo 11:5
1 Korintotɔwo 11:6
1 Korintotɔwo 11:7
1 Korintotɔwo 11:8
1 Korintotɔwo 11:9
1 Korintotɔwo 11:10
1 Korintotɔwo 11:11
1 Korintotɔwo 11:12
1 Korintotɔwo 11:13
1 Korintotɔwo 11:14
1 Korintotɔwo 11:15
1 Korintotɔwo 11:16
1 Korintotɔwo 11:17
1 Korintotɔwo 11:18
1 Korintotɔwo 11:19
1 Korintotɔwo 11:20
1 Korintotɔwo 11:21
1 Korintotɔwo 11:22
1 Korintotɔwo 11:23
1 Korintotɔwo 11:24
1 Korintotɔwo 11:25
1 Korintotɔwo 11:26
1 Korintotɔwo 11:27
1 Korintotɔwo 11:28
1 Korintotɔwo 11:29
1 Korintotɔwo 11:30
1 Korintotɔwo 11:31
1 Korintotɔwo 11:32
1 Korintotɔwo 11:33
1 Korintotɔwo 11:34






1 Korintotɔwo 1 / 1Ko 1
1 Korintotɔwo 2 / 1Ko 2
1 Korintotɔwo 3 / 1Ko 3
1 Korintotɔwo 4 / 1Ko 4
1 Korintotɔwo 5 / 1Ko 5
1 Korintotɔwo 6 / 1Ko 6
1 Korintotɔwo 7 / 1Ko 7
1 Korintotɔwo 8 / 1Ko 8
1 Korintotɔwo 9 / 1Ko 9
1 Korintotɔwo 10 / 1Ko 10
1 Korintotɔwo 11 / 1Ko 11
1 Korintotɔwo 12 / 1Ko 12
1 Korintotɔwo 13 / 1Ko 13
1 Korintotɔwo 14 / 1Ko 14
1 Korintotɔwo 15 / 1Ko 15
1 Korintotɔwo 16 / 1Ko 16