A A A A A
Facebook Instagram Twitter
Ewe Bible 1913

Romatɔwo 15



1
Ke ele na mi, amesiwo ŋu ŋusẽ le la bena, miatsɔ amesiwo ŋu ŋusẽ mele o la ƒe gbɔdzɔgbɔdzɔwo, eye míagadze mía ɖokui ŋu o.
2
Mía dome amesiame nadze ehavi ŋu hena eƒe nyonyo, bene woatsɔe atu;
3
elabena Kristo hã medze eɖokui ŋu o, hafi abe alesi woŋlɔ ɖi ene bena: „Amesiwo dzu wò la ƒe dzudzu va dze dzinye.“
4
Elabena nusi ke woŋlɔ ɖi tsã la, woŋlɔe le míaƒe nufiafia ta, bene miatsɔ ŋɔŋlɔawo ƒe dzidodo kple akɔfafa akpɔ nukpɔkpɔ.
5
Ke dzidodo kple akɔfafa ƒe Mawu la awɔ mi bena, miasusu tame ɖeka le mia nɔewo dome le Kristo Yesu nu,
6
bene miatsɔ tame ɖeka kple nu ɖeka akafu Mawu, mía Aƒetɔ Yesu Kristo Fofo la.
7
Eyaŋuti mixɔ mia nɔewo, abe alesi Kristo hã xɔ mi ene hena Mawu ƒe kafukafu.
8
Elabena mele egblɔm bena, Yesu Kristo zu subɔla na aʋatsotso le Mawu ƒe nyateƒe ŋuti, bene wòali ke ŋugbedodo, siwo wodo na fofoawo la;
9
eye bena trɔ̃subɔlawo kafu Mawu le eƒe nublanuikpɔkpɔ ŋuti, abe alesi woŋlɔ ɖi ene bena: „Esiaŋuti makafu wò le trɔ̃subɔlawo dome, eye wò ŋkɔ la madzi kafukafuha na.“
10
Eye wògagblɔ be: „Dzi nedzɔ mi trɔ̃subɔlawo hekpe ɖe eƒe dukɔ ŋuti.“
11
Eye wògagblɔ bena: „Mikafu Aƒetɔ la, mi trɔ̃subɔlawo katã! Mido vivi ɖe eŋuti, mi dukɔwo katã!“
12
Eye Yesaya gagblɔ bena: „Isai ƒe kè kple amesi atsi tre, bene yeaɖu fia ɖe xexemedukɔwo dzi la, ava; eyama xexemedukɔwo lãkpɔ mo na.“
13
Ke mɔkpɔkpɔ ƒe Mawu la natsɔ dzidzɔ kple ŋutifafa katã aye mi taŋ le xɔxɔse me, bene miakpɔ mɔkpɔkpɔ sɔ gbɔ fũ le Gbɔgbɔ kɔkɔe ƒe ŋusẽ me.
14
Ke nɔvinyewo, nye ŋutɔ meɖo ŋu ɖe mia ŋu keŋ bena, míenye amesiwo dɔmenyonyo yɔ fũ, eye sidzedze yɔ mi taŋtaŋ, bene miate ŋu axlɔ̃ nu mia nɔewo hã.
15
Gake la metso dzideƒo geɖe wu ŋlɔ na mi le nya si kple nya si ŋuti, nɔvinyewo, abe ɖe magaɖo ŋku wo dzi na mi ene le amenuveve, si Mawu nam la ŋuti,
16
bene manye Yesu Kristo ƒe dɔtsɔla na trɔ̃subɔlawo, eye mawɔ Mawu ƒe nyanyuie la ƒe nunɔnɔdɔ, bene trɔ̃subɔlawo nazu vɔsa, si adze eŋu, eye eŋuti ko to Gbɔgbɔ kɔkɔe la me.
17
Eyata nye adegbeƒoƒo, si le asinye la, ele Kristo Yesu me le Mawu ƒe do ŋuti.
18
Elabena nyemado dzi agblɔ nyaa ɖeke o, negbe nusiwo Kristo wo to dzinye hena trɔ̃subɔlawo ƒe toɖoɖo le nyagbɔgblɔ kple dɔwɔwɔ me,
19
le dzesiwo kple nukunuwo ƒe ŋusẽ me, le Gbɔgbɔ kɔkɔe ƒe ŋusẽ me, ale bena tso keke Yerusalem kple eƒe nutowo me godoo vaseɖe Iliriko ke meɖe gbe ƒã Kristo ƒe nyanyuie la le keŋ.
20
Ke le esiawɔwɔwo me mebui bubunu be, magblɔ nyanyuie la atia, menye afisi woyɔ Kristo ƒe ŋkɔ le xoxo o, bene nyemagatu ɖe ame bubu ƒe gɔmeɖoɖoanyi dzi o,
21
hafi abe alesi woŋlɔ ɖi ene bena: „Amesiwo womeɖe gbe ƒãe na haɖe o la, woawo akpee, eye amesiwo mesee haɖe o la, woawo aŋɔ ɖe eme.“
22
Esiaŋuti hã kuxi kum edziedzi bena, nyemete ŋu va mia gbã haɖe o.
23
Ke azɔ esi teƒe megali nam le afisia nutowo me o, eye wòle dzroyem vevie ƒe geɖe enye si bena, mava mia gbɔ la,
24
gbesigbe ke madze mo ayi Spania la, mava mia gbɔ; elabena mele mɔ kpɔm bena, ne mele afima mɔ tom la, mava kpo mi ɖa, eye miaɖom ɖa ayi afima, ne mia kpɔkpɔ naɖi ko nam ʋee hafi.
25
Ke azɔ mele mo dze ge ayi Yerusalem, mele ame kɔkɔewo subɔ ge.
26
Elabena edze Makedonia kple Axaya ŋu bena, woadzo nu na ame dahe, siwo le Yerusalem ƒe ame kɔkɔewo dome la.
27
Elabena edze wo ŋu, eye wonye woƒe fenyilawo hã; elabena ne trɔ̃subɔlawo kpɔ woƒe gbɔgbɔmenuwo gome la, edze bena, woawo hã woatsɔ woƒe xexemenuwo asubɔ woamawo.
28
Azɔ la, ne mewu esia nu, eye metre nenem kutsetse sia nu na wo la, matso mia gbɔ ayi Spania.
29
Ke menyae bena, ne meva mia gbɔ la, mava kple Kristo ƒe yayra ƒe agbɔsɔsɔ blibo la.
30
Ke mele nu xlɔ̃m mi, nɔviwo, le mia Aƒetɔ Yesu Kristo kple Gbɔgbɔ ƒe lɔlɔ̃ me bena, miade dzinye ate kame le gbedodoɖawo me na Mawu ɖe tanye,
31
bene woaɖem atso tosẽla, siwo le Yudea la si me, eye bena nye subɔsubɔdɔ, si mewɔ hena Yerusalem la, nadze ame kɔkɔewo ŋu nyuie,
32
bene mava mia gbɔ kple dzidzɔ to Mawu ƒe lɔlɔ̃nu me, eye mia kple miawo míagbɔ ɖe eme.
33
Ke ŋutifafa Mawu la nanɔ anyi kpli mi katã! Amen.











Romatɔwo 15:1
Romatɔwo 15:2
Romatɔwo 15:3
Romatɔwo 15:4
Romatɔwo 15:5
Romatɔwo 15:6
Romatɔwo 15:7
Romatɔwo 15:8
Romatɔwo 15:9
Romatɔwo 15:10
Romatɔwo 15:11
Romatɔwo 15:12
Romatɔwo 15:13
Romatɔwo 15:14
Romatɔwo 15:15
Romatɔwo 15:16
Romatɔwo 15:17
Romatɔwo 15:18
Romatɔwo 15:19
Romatɔwo 15:20
Romatɔwo 15:21
Romatɔwo 15:22
Romatɔwo 15:23
Romatɔwo 15:24
Romatɔwo 15:25
Romatɔwo 15:26
Romatɔwo 15:27
Romatɔwo 15:28
Romatɔwo 15:29
Romatɔwo 15:30
Romatɔwo 15:31
Romatɔwo 15:32
Romatɔwo 15:33






Romatɔwo 1 / Rom 1
Romatɔwo 2 / Rom 2
Romatɔwo 3 / Rom 3
Romatɔwo 4 / Rom 4
Romatɔwo 5 / Rom 5
Romatɔwo 6 / Rom 6
Romatɔwo 7 / Rom 7
Romatɔwo 8 / Rom 8
Romatɔwo 9 / Rom 9
Romatɔwo 10 / Rom 10
Romatɔwo 11 / Rom 11
Romatɔwo 12 / Rom 12
Romatɔwo 13 / Rom 13
Romatɔwo 14 / Rom 14
Romatɔwo 15 / Rom 15
Romatɔwo 16 / Rom 16