A A A A A
Facebook Instagram Twitter
Ewe Bible 1913

Yohanes 6



1
Nusiawo megbe la Yesu dzo yi ɖe Galilea-ƒu, si nye Tiberia-ƒu la godo.
2
Eye ameha gãa ɖe dze eyome, elabena wokpɔ dzesi, siwo wòwɔ na dɔlélawo.
3
Eye Yesu yi ɖe to la dzi, eye wòbɔbɔ nɔ afima kple eƒe nusrɔ̃lawo.
4
Ke Yudatɔwo ƒe ŋutitotoŋkekenyuie la ɖo.
5
Azɔ esi Yesu wu eƒe mo dzi, eye wòkpɔ bena, ameha gãa de gbɔna ɖe ye gbɔ la, egblɔ na Filipo bena: Afika míaƒle abolo le, bena amesiawo naɖu mahã?
6
Ke egblɔ esia, be wòadoe akpɔ; elabena eya ŋutɔ nya nusi wɔ ge wòala.
7
Filipo ɖo ŋu nɛ bena: Abolo denario alafa eve hã mele wo nu ɖe ge, bena wo dome ɖesiaɖe naxa via ɖe o.
8
Eƒe nusrɔ̃lawo dometɔ ɖeka, Andrea, Simon Petro nɔvi la, gblɔ nɛ bena:
9
Ɖekakpuia ɖe le afii, eye lubolo atɔ̃ kple tɔmelã memee eve le esi; gake nuka wònye na ame geɖe siawo mahã?
10
Yesu gblɔ bena: Mina ameawo nabɔbɔ nɔ anyi. Ke gbe mumu geɖe le afima. Eye ŋutsu, siwo ƒe xexlẽme nu anɔ akpe atɔ̃ la, bɔbɔ nɔ anyi.
11
Eye Yesu tsa aboloawo heda akpe le wo ta, eye wòtso wo na amesiwo le anyinɔƒe; nenema ke hã wòna tɔmelã memee wo geɖe alesi nu dim wole.
12
Ke esi woɖi ƒo la, egblɔ na eƒe nusrɔ̃lawo bena: Miƒo kakɛ, siwo susɔ la, nu ƒu, bena naneke nagagblẽ o.
13
Tete woƒo wo nu ƒu, eye lubolo atɔ̃, siwo ameawo ɖu la, ƒe kakɛ, siwo susɔ la, yɔ kevi wuieve fũ.
14
Azɔ esi ameawo kpɔ dzesi, si wowu la, wogblɔ bena: Vavã amesia nye nyagblɔɖila, si gbɔna ɖe xexeame.
15
Eye esi Yesu dze sii bena, wole vava ge, eye woalé ye sesẽ aɖo fiae la, eɖe eɖokui ɖe aga yi de to la dzi.
16
Eye esi fiẽ ɖo la, eƒe nusrɔ̃lawo yi ɖe ƒu nu;
17
eye woɖo ʋu heyina ƒu la godo ɖe Kapernaum. Ke zã do xoxo, eye Yesu meva wo gbɔ haɖe o.
18
Eye le ya gã, si le ƒoƒom ŋuti la, ƒu la dze agbo.
19
Eye esi woku ʋu la anɔ stadio blave vɔ atɔ̃ alo blaetɔ̃ la, wokpɔ Yesu le ƒua dzi zɔm gbɔna, eye wòle tetem ɖe nu la ŋu, eye wovɔ̃.
20
Ke egblɔ na wo bena: Nyee nye esi, migavɔ̃ o hee!
21
Eye esi woɖi bena, yewoaxɔe ɖe ʋu la me la, kasia ʋu la ɖi go ɖe anyigba, si dzi yim wole la.
22
Esi ŋu ke, eye ameha la le tsitre le ƒu la ƒe go keme dzi la, wokpɔ bena, ʋu bubua ɖeke megale afima o, negbe ɖeka ko, eye bena Yesu meɖo ʋua kple eƒe nusrɔ̃lawo o, ke boŋ eƒe nusrɔ̃lawo ɖeɖekoe yi, —
23
eye ʋu bubuwo tso Tiberia va ɖo afisi medidi tso teƒe, si woɖu abolo, si ta Aƒetɔ la da akpe le la, gbã o.
24
Azɔ esi ameha la kpɔ bena, Yesu alo eƒe nusrɔ̃lawo mele afima o la, woa ŋutɔwo ɖo duwo me, eye wova Kapernaum hele Yesu dim.
25
Eye esi wokpɔe le ƒua godo la, wogblɔ nɛ bena; Rabi, ɣekaɣi nèva afisia?
26
Yesu ɖo ŋu na wo, eye wògblɔ bena: Vavã, vavã mele egblɔm na mi bena: Miele diyem, menye bena, miekpɔ dzesiwo o; ke boŋ bena, mieɖu aboloawo ƒe ɖe, eye míeɖi ƒo.
27
Midze agbagba, menye ɖe nuɖuɖu, si gblẽna ta o, ke boŋ ɖe nuɖuɖu, si anɔ anyi hena agbe mavɔ la ta, esi Amegbetɔvi la lana mi; elabena nenem me la ŋu Mawu Fofo la de dzesi!.
28
Tete wogblɔna bena: Nuka miawo, bena mia wɔ Ma wu ƒe dɔwɔwɔwo mahã?
29
Yesu ɖo ŋu gblɔ na wo bena: Esiae nye Mawu ƒe dɔwɔwɔ la bena, miaxɔ amesi wòdɔ ɖa la, dzi ase.
30
Tete wogblɔ nɛ bena: Ekema dzesi ka newɔ, bena míakpɔ, eye miaxɔ dziwò ase mahã? Nuka nèwɔna?
31
Mía fofowo du mana le gbeadzi, abe alesi woŋlɔ di ene bena: „Ena abolo wo tso dziƒo, be woaɖu.“
32
Yesu gblɔ na wo bena: Vavã, vavã mele egblɔm na mi bena: Menye Mose ye na abolo, si tso dziƒo la mi o, ke boŋ Fofonyee na abolo vavã mi tso dziƒo.
33
Elabena Mawu ƒe abolo la enye esi ɖi tso dziƒo va, eye wòna agbe xexeame.
34
Tete wogblɔ nɛ bena: Aƒetɔ, na abolo sia mí ɖaa.
35
Yesu gblɔ na wo bena: Nyee nye agbebolo la, amesi vaa gbɔnye la, dɔ mele ewu ge akpɔ o; eye amesi le dzinye xɔm le sesem la, tsikɔ mele ewu ge akpɔ o.
36
Gake megblɔe na mi bena, miekpɔm, eye miexɔm se o.
37
Nusianu, si Fofo la tsɔ nam la, ava gbɔnye, eye amesi vaa gbɔnye la, nyemale eƒu ge gbe akpɔ o.
38
Elabena medi tso dziƒo va, menye bena mawɔ nye ŋutɔ nye lɔlɔ̃nu o, negbe amesi dɔm da la ƒe lɔlɔ̃nu ko.
39
Ke esia enye amesi dɔm ɖa la ƒe lɔlɔ̃nu, bena nusianu, si wotsɔ nam la, ne magabu ɖeke o, ke boŋ bena mafɔe ɖe tsitre le nuwuwuŋkeke la dzi.
40
Elabena esiae nye Fofonye la ƒe lɔlɔ̃nu, bena amesiame, si le Via kpɔm, eye wòle edzi xɔm le sesem la, akpɔ agbe mavɔ, eye nye la mafɔe ɖe tsitre le nuwuwuŋkeke la dzi.
41
Tete Yudatɔwo li liʋiliʋi le eŋuti; elabena egblɔ bena: Nyee nye abolo, si di tso dziƒo va.
42
Eye wogblɔ bena: Alo amesia la menye Yesu, Yosef vi la, amesi toto kple dada miawo mienyã lae o ɖe? Azɔ aleke wɔ amesia le gbɔgblɔm bena: Meɖi tso dziƒo va mahã?
43
Yesu ɖo ŋu gblɔ na wo bena: Migali liʋiliʋi le mia nɔewo dome o.
44
Amea ɖeke mate ŋu ava gbɔnye o, ne menye Fofo, si dɔm da lae hee vɛ o, eye nye la mafɔe ɖe tsitre le nuwuwuŋkeke la dzi.
45
Woŋlɔ de nyagblɔlawo me bena: „Eye wo katã woanye amesiwo Mawu fia nu wo.“ Amesiame, si see le Fofoa gbɔ, eye wòsrɔ̃e la, ava gbɔnye.
46
Menye bena, amea ɖee kpɔ Fofo la kpɔ o, negbe amesi tso Mawu gbɔ la, eyae kpɔ Fofo la.
47
Vavã, vavã mele egblɔm na mi bena: Amesi xɔe se la, agbe mavɔ le esi.
48
Nyee nye agbebolo la.
49
Mia fofowo ɖu mana le gbeadzi, eye woku.
50
Esiae nye abolo, si ɖi tso dziƒo va, bena ame naɖu eƒe ɖe, eye maku o.
51
Nyee nye agbebolo la, si ɖi tso dziƒo va; ne amea ɖe ɖu abolo sia ƒe ɖe la, anɔ agbe tegbetegbe; eye abolo, si na ge mala ɖe xexeame ƒe agbe ta la, enye nye ŋutilã.
52
Azɔ Yudatɔwo he nya le wo nɔewo dome gblɔ bena: Aleke amesia ate ŋu ana eƒe ŋutilã mí, be míaɖu mahã?
53
Tete Yesu gblɔ na wo bena: Vavã, vavã mele egblɔm na mi bena: Ne menye ɖe mieɖu Amegbetɔvi la ɖe ŋutilã, eye mieno eƒe ʋu o la, ekema agbea ɖeke manɔ mia me o.
54
Amesi ɖua nye ŋutilã, eye wonoa nye ʋu la, agbe mavɔ le esi, eye nye la mafɔe ɖe tsitre le nuwuwuŋkeke la dzi.
55
Elabena nye ŋutilã enye nuɖuɖu vavã, eye nye ʋu enye nunono vavã.
56
Amesi ɖua nye ŋutilã, eye wònoa nye ʋu la, enɔa menye, eye nye hã menɔa eme.
57
Sigbe alesi Fofo gbagbe la dɔm ɖa, eye nye la mele agbe le Fofoa ŋuti la, nenema ke amesi ɖuam la, eya hã anɔ agbe le ŋutinye.
58
Esiae nye abolo, si ɖi tso dziƒo va, menye abe esi fofoawo du, eye woku la ene o, amesi ɖu abolo sia la, anɔ agbe tegbetegbe.
59
Nusiawo wògblɔ le ƒuƒoƒe la me, le esime wòle nu fiãm le Kapernaum.
60
Azɔ eƒe nusrɔlawo dome ame geɖewo, esi wose esia la, wogblɔ bena: Esia nye nya sesẽ; ameka ate ŋu asee mahã?
61
Ke esi Yesu nya le ye ŋutɔ ɖokui me bena, eƒe nusrɔlawo le liʋiliʋi lim le esia ŋuti la, egblɔ na wo bena: Alo ɖe esia le nu ɖiam na mi mahã?
62
Azɔ, ne míakpɔ Amegbetɔvi la le dziƒo, afisi wòtso la, yim ɖe?
63
Gbɔgbɔ ta gbɔa agbe, ŋutilã menyo na naneke o; nya, siwo megblɔ na mi la, Gbɔgbɔ kple agbe wonye.
64
Ke amea ɖewo le mia dome, siwo mexɔna sena o. Elabena Yesu nya tso gɔmedzedzea me wo amesiwo mexɔ edzi se o kple amesi le eyome mɔ fia ge.
65
Eye wògblɔ bena: Le esia ta megblɔ na mi bena, amea ɖeke mate ŋu ava gbɔnye o, ne menye ɖe wonae tso Fofonye gbɔ o.
66
Tso esia dzi la eƒe nusrɔlawo dome ame geɖewo de megbe, eye womegazɔna kpakplii o.
67
Tete Yesu gblɔ na ame wuieveawo bena: Alo miawo hã ɖe miele ɖiɖim be, miadzo mahã?
68
Simon Petro ɖo ŋu nɛ bena: Aƒetɔ, ameka gbɔ gɔ̃ míaʋu ayi mahã? Agbe mavɔ nyawo le asiwò.
69
Eye miexɔe se, eye míedze sii bena, wòe nye Kristo, Mawu ƒe kɔkɔetɔ la.
70
Yesu xɔ dzi na wo bena: Menye nyee da mi ame wuieve oa? Eye mia dometɔ ɖeka nye abosam!
71
Ke egblɔ esia le Yuda, Simon Iskariot vi ŋuti, elabena eyae nye amesi le eyome mɔ fia ge, eye wònye ame wuieveawo dometɔ ɖeka.











Yohanes 6:1
Yohanes 6:2
Yohanes 6:3
Yohanes 6:4
Yohanes 6:5
Yohanes 6:6
Yohanes 6:7
Yohanes 6:8
Yohanes 6:9
Yohanes 6:10
Yohanes 6:11
Yohanes 6:12
Yohanes 6:13
Yohanes 6:14
Yohanes 6:15
Yohanes 6:16
Yohanes 6:17
Yohanes 6:18
Yohanes 6:19
Yohanes 6:20
Yohanes 6:21
Yohanes 6:22
Yohanes 6:23
Yohanes 6:24
Yohanes 6:25
Yohanes 6:26
Yohanes 6:27
Yohanes 6:28
Yohanes 6:29
Yohanes 6:30
Yohanes 6:31
Yohanes 6:32
Yohanes 6:33
Yohanes 6:34
Yohanes 6:35
Yohanes 6:36
Yohanes 6:37
Yohanes 6:38
Yohanes 6:39
Yohanes 6:40
Yohanes 6:41
Yohanes 6:42
Yohanes 6:43
Yohanes 6:44
Yohanes 6:45
Yohanes 6:46
Yohanes 6:47
Yohanes 6:48
Yohanes 6:49
Yohanes 6:50
Yohanes 6:51
Yohanes 6:52
Yohanes 6:53
Yohanes 6:54
Yohanes 6:55
Yohanes 6:56
Yohanes 6:57
Yohanes 6:58
Yohanes 6:59
Yohanes 6:60
Yohanes 6:61
Yohanes 6:62
Yohanes 6:63
Yohanes 6:64
Yohanes 6:65
Yohanes 6:66
Yohanes 6:67
Yohanes 6:68
Yohanes 6:69
Yohanes 6:70
Yohanes 6:71






Yohanes 1 / Yoh 1
Yohanes 2 / Yoh 2
Yohanes 3 / Yoh 3
Yohanes 4 / Yoh 4
Yohanes 5 / Yoh 5
Yohanes 6 / Yoh 6
Yohanes 7 / Yoh 7
Yohanes 8 / Yoh 8
Yohanes 9 / Yoh 9
Yohanes 10 / Yoh 10
Yohanes 11 / Yoh 11
Yohanes 12 / Yoh 12
Yohanes 13 / Yoh 13
Yohanes 14 / Yoh 14
Yohanes 15 / Yoh 15
Yohanes 16 / Yoh 16
Yohanes 17 / Yoh 17
Yohanes 18 / Yoh 18
Yohanes 19 / Yoh 19
Yohanes 20 / Yoh 20
Yohanes 21 / Yoh 21