A A A A A
Facebook Instagram Twitter
Ewe Bible 1913

Yohanes 20



1
Ke le kwasiɖa ƒe ŋkeke gbãtɔ ƒe ŋdikanya fute la Maria, Magdalatɔ, va yɔdo la gbɔ, eye wòkpɔ bena, woɖe kpe la ɖa le yɔdo la nu.
2
Tete wòƒu du va Simon Petro kple nusrɔ̃la bubu, si Yesu lɔ̃na la gbɔ, eye wògblɔ na wo bena: Wotsɔ Aƒetɔ la le yɔdo la me yii, eye mienyã afisi wotsɔe ɖada ɖo o.
3
Azɔ Petro kple nusrɔ̃la keme la tso hiã do go va yɔdo la gbɔ.
4
Eye woa kple eve la woƒu du, eye nusrɔ̃la keme la ƒu du gbɔ Petro ŋu tre yɔdo la gbɔ vava;
5
eye esi wòdo kɔ ɖe eme la, ekpɔ aklalawo le afima; gake la meyi ɖe eme o.
6
Tete Simon Petro hã le eyome gbɔna, eye wòyi ɖe yɔdo la me, eye wòkpɔ aklalawo mlɔ afima;
7
eye taku, si wòbia ta nɛ la, mele aklalawo gbɔ o, ke boŋ wòŋe eme ɖo afi bubu.
8
Tete nusrɔ̃la keme la hã, si tre yɔdo la gbɔ vava la, yi ɖe eme azɔ, eye wòkpɔe, eye wòxɔe se.
9
Elabena womenya ŋɔŋlɔ la bena, ele nɛ be, wòatsi tre tso ame kukuwo dome la, haɖe o.
10
Azɔ nusrɔ̃lawo gadzo yi woa ŋutɔwo ƒe me.
11
Ke Maria le tsitre ɖe yɔdo la godo le avi fam, eye esi wòle avi fam ale la, edo kɔ ɖe yɔdo la me;
12
eye wòkpɔ mawudɔla eve le awu ɣi me le anyinɔƒe, ɖeka le tade, eye ɖeka le afɔde le afisi Yesu ƒe kuku la mlɔ.
13
Eye ame mawo gblɔ nɛ bena: Nyɔnu, nukaŋuti nèle avi fam? Egblɔ na wo bena: Elabena wotsɔ nye Aƒetɔ la yii, eye nyemenya afisi woɖae ɖo o.
14
Esi wògblɔ nusiawo la, etrɔ megbe, eye wòkpɔ Yesu le tsitre, eye menyae bena, Yesu ye o.
15
Yesu gblɔ nɛ bena: Nyɔnu, nukaŋuti nèle avi fam? Ameka dim nèle? Ke eya bu xa bena, abɔdzikpɔlae, egblɔ nɛ bena: Aƒetɔ, nenye wòe tsɔe yii la, gblɔ afisi nètsɔe yi ɖamlɔ la nam, eye nye la mayi aɖatsɔe vɛ.
16
Yesu gblɔ nɛ bena: Maria! Ke esi wòtrɔ eɖokui la, egblɔ nɛ le Hebri-gbe me bena: Rabuni! si gɔmee nye nufiala.
17
Yesu gblɔ nɛ bena: Megaka asi ŋunye o; elabena nyemekpɔ yi dziƒo, Fofo la gbɔ, haɖe o, ke yi nɔvinveŋutsuwo gbɔ, eye nagblɔ na wo bena: Meyina dziƒo ɖe Fofonye kple miawo hã mia Fofo, nye Mawu kple miawo hã mia Mawu la gbɔ.
18
Maria, Magdalatɔ la, va gblɔe fia nusrɔ̃lawo bena: Mekpɔ Aƒetɔ la, eye wògblɔ nya siawo nam.
19
Azɔ esi kwasiɖa ƒe ŋkeke gbãtɔ ma ƒe fiẽsi ɖo, eye afisi nusiawo le la ƒe ʋɔtru le tutu le vɔvɔ̃ na Yudatɔwo ta la, Yesu va tsi tre ɖe wo titina, eye wògblɔ na wo bena: Ŋutifafa na mi!
20
Eye esi wògblɔ esiawo la, etsɔ eƒe asiwò kple eƒe axada me hefiã wo. Ke esi nusrɔ̃lawo kpo Aƒetɔ la la, dzi dzo wo.
21
Tete Yesu gagblɔ na wo bena: Ŋutifafa na mi! Sigbe alesi Fofo la dom ɖa ene la, nenema ke nye hã mele mia dɔm ɖa.
22
Eye esi wògblɔ esia la, egbɔ ɖe wo dzi, eye wògblɔ na wo bena: Mixɔ Gbɔgbɔ kɔkɔe!
23
Amesiwo ke ƒe nuvɔ̃wo mietso ke wo la, wotsɔ wo ke wo, eye amesiwo ke to mietsɔ dzra ɖo la, wotsɔ wo dzra ɖo.
24
Ke Toma, ame wuieveawo dometɔ ɖeka, si woyɔna be Venɔvi la, mele wo dome, esime Yesu va o.
25
Tete nusrɔ̃la bubuawo gblɔ nɛ bena: Miekpɔ Aƒetɔ la. Ke egblɔ na wo bena: Ne nyemekpɔ gatagbadzɛawo teƒe le eƒe asi me, eye metso nye asibide ƒo ɖe gatagbadzɛawo teƒe, eye metsɔ nye asi ƒo ɖe eƒe axada me o la, nyemele exɔ ge ase o.
26
Eye le ŋkeke enyi megbe la nusrɔ̃lawo gale xa ma me, eye Toma le wo dome. Yesu va, eye ʋɔtruawo le tutu, eye wòle tsitre ɖe wo titina, eye wògblɔ bena: Ŋutifafa na mi!
27
Esia megbe la egblɔ na Toma bena: Do wò asibide ɖe afii, eye nakpɔ nye asiwo ɖa, eye do wò asi ɖa, eye naƒo ɖe nye axada me, eye megazu maxɔsetɔ o, ke boŋ xɔsetɔ.
28
Toma ɖo ŋu gblɔ ne bena: Nye Aƒetɔ kple nye Mawu!
29
Yesu gblɔ ne bena: Toma, esi nèkpɔm la, èxɔe se; Woayra amesiwo mekpɔa nu o, eye gake woxɔnɛ sena.
30
Eye dzesi bubu geɖewo hã Yesu wɔ le eƒe nusrɔ̃lawo ŋku me, esiwo womeŋlɔ de agbalẽ sia me o;
31
ke woŋlɔ esiawo ɖi, bena miaxɔ ase bena, Yesu enye Kristo, Mawuvi la, eye bena ne miexɔe se la, miakpɔ agbe le eƒe ŋkɔ la me.











Yohanes 20:1
Yohanes 20:2
Yohanes 20:3
Yohanes 20:4
Yohanes 20:5
Yohanes 20:6
Yohanes 20:7
Yohanes 20:8
Yohanes 20:9
Yohanes 20:10
Yohanes 20:11
Yohanes 20:12
Yohanes 20:13
Yohanes 20:14
Yohanes 20:15
Yohanes 20:16
Yohanes 20:17
Yohanes 20:18
Yohanes 20:19
Yohanes 20:20
Yohanes 20:21
Yohanes 20:22
Yohanes 20:23
Yohanes 20:24
Yohanes 20:25
Yohanes 20:26
Yohanes 20:27
Yohanes 20:28
Yohanes 20:29
Yohanes 20:30
Yohanes 20:31






Yohanes 1 / Yoh 1
Yohanes 2 / Yoh 2
Yohanes 3 / Yoh 3
Yohanes 4 / Yoh 4
Yohanes 5 / Yoh 5
Yohanes 6 / Yoh 6
Yohanes 7 / Yoh 7
Yohanes 8 / Yoh 8
Yohanes 9 / Yoh 9
Yohanes 10 / Yoh 10
Yohanes 11 / Yoh 11
Yohanes 12 / Yoh 12
Yohanes 13 / Yoh 13
Yohanes 14 / Yoh 14
Yohanes 15 / Yoh 15
Yohanes 16 / Yoh 16
Yohanes 17 / Yoh 17
Yohanes 18 / Yoh 18
Yohanes 19 / Yoh 19
Yohanes 20 / Yoh 20
Yohanes 21 / Yoh 21