A A A A A
Facebook Instagram Twitter
Ewe Bible 1913

Luka 22



1
Eye abolo maʋãmaʋã ƒe ŋkekenyuie, si woyɔna be ŋutitoto la ɖo.
2
Eye nunɔlagãwo kple agbalẽfialawo di alesi woawɔ awui, elabena wovɔ̃ dukɔ la.
3
Ke Satana yi ɖe Yuda, ame wuieveawo dometɔ ɖeka, si woyɔna be Iskariot la me.
4
Eye wòdzo heyi ɖaƒo nu kple nunɔlagãwo kple aʋafiawo, alesi woawɔ aɖe eyama asi na wo.
5
Eye dzi dzo wo, eye wodo ŋugbe nɛ be, yewoana gae.
6
Eye wòlɔ̃ edzi na wo, eye wòle asinu nyuia ɖe dim be, yeadee asi na wo zimatɔmatɔe.
7
Eye abolo maʋamaʋã ƒe ŋkeke la ɖo, esi dzi wòle be, woawu ŋutitotolẽvi la le.
8
Eye wòdɔ Petro kple Yohanes gblɔ bena: Miheyi ɖadzra ŋutitotolẽvi la ɖo na mi, be miaɖu.
9
Ke wogblɔ nɛ bena: Afika dim nèle bena, míadzra ɖo mahã?
10
Eye wògblɔ na wo bena: Kpɔ ɖa, ne miede dua me la, amea ɖe, si tso tsikplu la, akpe mi; midze eyome yi aƒe, si ke me wòyi ɖo la me.
11
Eye miagblɔ na aƒeatɔ bena: Nufiala gblɔ na wò bena: Afika dzeƒe le, afisi mía kple nye nusrɔ̃lawo míaɖu ŋutitotolẽvi la le mahã?
12
Eye ame ma afia xa gãa ɖe, si me woɖo nuwoe la mi le dziƒo, midzrɛ ɖo le afima.
13
Eye esi woyi la, wokpɔe, abe alesi wògblɔ na wo la ene; eye wodzra ŋutitotolẽvi la o.
14
Eye esi gaƒoƒo la de la, ebɔbɔ nɔ anyi, eye apostoloawo kpe ɖe eŋuti.
15
Eye wògblɔ na wo bena: Medi vevie ŋuta bena, maɖu ŋutitotolẽvi sia kpli mi, hafi ne makpe fu;
16
elabena mele egblɔm na mi bena: Nyemegale ɖeke ɖu ge akpɔ o, vaseɖe esime woawu enu le mawufiaɖuƒe la me.
17
Eye esi wòtso kplu ɖe asi la, eda akpe ɖe edzi hegblɔ bena: Mixa esia, eye mimã me le mia nɔewo dome;
18
elabena mele egblɔm na mi bena: Tso esia dzi la nyemegale weintsetsea ɖeke me tsi no ge akpɔ o, vaseɖe esime mawufiaɖuƒe la ava.
19
Eye esi wòtsɔ abolo ɖe asi la, eda akpe ɖe edzi, eye wòŋe eme hetsɔe na wo gblɔ bena: Esiae nye nye ŋutilã, si wona le mia ta: miwɔ esia hena ŋkuɖoɖo dzinye.
20
Eye nenema ke wòtsɔ kplu la le fiẽnuɖuɖu la megbe hegblɔ bena: Kplu sia enye nubabla yeye le nye ʋu me, si woka ɖe anyi le mia ta.
21
Ke kpɔ ɖa, yonyememɔfiala ƒe asi le kplɔ̃a dzi kplim.
22
Elabena ele eme bena, Amegbetɔvi la le yiyim le ɖoɖo la nu; gake baba na ame ma, si dzi wòato aɖee asi!
23
Eye wode asi biabia me le wo nɔewo dome bena, yewo dometɔ ka gɔ̃e le nusia wo ge mahã?
24
Ke dzre hã ɖo wo dome bena, yewo dometɔ kae nye gãtɔ mahã?
25
Eye wògblɔ na wo bena: Dukɔwo ƒe fiawo ɖu aƒetɔwo ɖe wo dzi, eye amesiwo kpɔ ŋusẽ ɖe wo dzi la, woyɔ wo bena amenuvelawo.
26
Ke miawo la miganɔ nenema o; hafi boŋ amesi nye gãtɔ le mia dome la, nazu abe suetɔ ene; eye amesi nye amegã la, nazu abe subɔla ene.
27
Elabena amekae nye gã wu, amesi bɔbɔ nɔ kplɔ̃ ŋuti loo, alo amesi le subɔsubɔm mahã? Menye amesi bɔbɔ nɔ kplɔ̃ ŋuti oa? Ke nye la mele mia titina abe subɔla ene.
28
Ke miawo la mieɖo dzi nɔ anyi kplim le nye tetekpɔwo me;
29
eye nye la mele fiaɖuƒe ɖom ɖi na mi, abe alesi Fofonye hã ɖoe ɖi nam ene,
30
bena miaɖu nu, eye miano nu le nye kplɔ̃ ŋu le nye fiaɖuƒe la me, eye miabɔbɔ nɔ fiazikpuiwo dzi, be miadrɔ̃ ʋɔnu Israel-ƒome wuieveawo.
31
Ke Aƒetɔ la gblɔ bena: Simon, Simon, kpɔ ɖa, Satana le mia dim, bena yeagbɔ mi, abe alesi wogbɔa lu ene;
32
ke nye la meɖe kuku ɖe tawò, bena wò xɔse nu nagatsi o; eye wò la, gbesigbe nètrɔ la, nado ŋusẽ nɔviwòwo!
33
Eye wògblɔ ne bena: Aƒetɔ, mesu te be, mia kpli wò míayi gaxɔ me kple ku me.
34
Eye wògblɔ bena: Petro, mele egblɔm na wò bena: Koklo mele atɔ ku ge egbea, hafi nasẽ nu zi etɔ̃ bena, yemenyam o.
35
Eye wògblɔ na wo bena. Esi medɔ mi, gakotoku kple mɔzɔkotoku kple atokotawo manɔ mia sii la, ɖe nane hiã mi mahã? Eye wogblɔ bena: Naneke mehiã mí o.
36
Egblɔ na wo bena: Ke azɔ la, amesi gakotoku le esi la, netsɔe, nenema ke mɔzɔkotoku hã; eye amesi si mele o la, nedzra eƒe avɔ, eye wòaƒle yi.
37
Elabena mele egblɔm na mi bena: Ele be, woawu nusia, si woŋlɔ ɖi la nu ɖe ŋunye bena: „Eye wobui ɖe vodalawo dome;“ elabena nusi wogblɔ ɖi le ŋutinye la, le enu wu ge.
38
Eye wogblɔ bena: Aƒetɔ, kpɔ ɖa, yi evee nye esi! Eye wògblɔ na wo bena: Esɔ gbɔ.
39
Eye abe alesi wònɔa wɔwɔm ene la, edo go yi ɖe Amito la ŋu, eye nusrɔ̃lawo hã kplɔe ɖo.
40
Ke esi wòɖo teƒea la, egblɔ na wo bena: Mido gbe ɖa bena, miagadze tetekpɔa me o.
41
Eye wòdzo le wo gbɔ anɔ abe kpedadadzeƒe ene, eye wòdze klo do gbe ɖa gblɔ bena:
42
Fofo, ne èlɔ̃ la, tsɔ kplu sia yii le gbɔnye; gake menye nye lɔlɔ̃nu o, ke boŋ tsiwo woawɔ.
43
Ke mawudɔla ɖe tso dziƒo ɖe eɖokui fiae hele ŋusẽ domii.
44
Eye le eƒe ʋiʋli me la edo gbe ɖa vevie gawu, eye wòva ve me bena, eƒe fifia le abe ʋukɔwo ene hele gegem ɖe anyigba toŋtoŋ.
45
Eye esi wòtsi tre tso gbedodoɖa me la, eva nusrɔ̃lawo gbɔ, eye wòkpɔ wo le alɔ̃ dɔm le nuxaxa ta;
46
eye wògblɔ na wo bena: Nukaŋuti miele alɔ̃ dɔm? Mitsi tre, ne míado gbe ɖa, bena miagadze tetekpɔ me o!
47
Esi wogale nuƒoƒo dzi la, kpɔ ɖa, amehaa ɖe kple ame wuieveawo dometɔ ɖeka, si woyɔna be Yuda la, le ŋgɔ na wo; eye wote ɖe Yesu ŋu, be yeagbugbɔ nu ne.
48
Ke Yesu gblɔ nɛ bena: Yuda, nugbugbɔ nètsɔ le Amegbetɔvi la ɖem asi mahã?
49
Eye esi amesiwo le eŋu la, kpɔ nusi le dzɔdzɔ ge la, wogblɔ bena: Aƒetɔ, ɖe miadza wo kple yi mahã?
50
Eye wo dometɔ ɖeka da yi nunɔlagã la ƒe dɔla, eye wòkpa eƒe nuɖusimeto.
51
Ke Yesu xɔ dzi gblɔ bena: Mina mɔ wo, be woayi dzi nenema. Eye wòde asi eƒe to ŋu, eye wòda gbe eŋu.
52
Eye Yesu gblɔ na nunɔlagãwo kple mawuxɔdzikpɔlawo kpakple amegã, siwo va dze edzi la bena: Mietso ɖe ŋunye kple yiwo kple kpowo, abe alesi wotsona ɖe adzodala ŋu ene.
53
Gbawotsyogbe menɔ mawuxɔ la me kpli mi, eye mieɖo miaƒe asiwò ɖe gbɔnye kpɔ o; ke esia enye miaƒe gaƒoƒo kple viviti ƒe ŋusẽ.
54
Eye esi wòlée la, wokplɔe heyi ɖe nunɔlagã la ƒe me. Ke Petro dze eyome ʋi gbɔna.
55
Eye esi wodo dzo ɖe mɔ̃ la titina, eye woƒo ƒu ɖe egbɔ la, Petro bɔbɔ nɔ wo dome.
56
Eye esi dɔlanyɔnua ɖe kpɔe le anyinɔƒe ɖe dzo la gbɔ la, ekpɔe du gblɔ bena: Amesia hã nɔ egbɔ kpɔ.
57
Ke egbe nu le egbɔ gblɔ bena: Nyɔnu, nyemenya eyama o.
58
Eye emegbe ʋee la ame bubu kpɔe, eye wògblɔ bena: Wò hã wo dometɔ ɖeka nènye. Ke Petro gblɔ bena: Ame, menye nyee o.
59
Eye ana gaƒoƒo ɖeka megbe la ame bubua ɖe va ɖo kpe edzi gblɔ bena: Nyateƒee, amesia hã no egbo kpo; elabena Galileatɔ hã wònye.
60
Ke Petro gblɔ bena: Ame, nyemenya nusi gblɔm nèle o. Eye esi wògale nuƒoƒo dzi la, kasia koklo ku atɔ.
61
Eye Aƒetɔ la trɔ kpɔ Petro dũ. Eye Petro ɖo ŋku Aƒetɔ la ƒe nya dzi, alesi wògblɔ nɛ bena: Hafi koklo naku atɔ egbe sia la, agbe nu le gbɔnye zi etɔ̃.
62
Eye Petro do go, eye wòfa avi vevie.
63
Eye ŋutsu, siwo lé Yesu ɖe asi la, woɖu fewu le eŋuti, eye woƒoe.
64
Eye esi wotsyɔ nu mo nɛ la, wobiae gblɔ bena: Amekae nye amesi ƒo wò, gblɔe fia mí!
65
Eye wogblɔ busunya bubu ƒomevi geɖewo ɖe eŋu.
66
Eye esi ŋu ke la, dumegãwo kple nunɔlagãwo kpakple agbalẽfialawo ɖi anyi, eye wokplɔe heyi ɖe woƒe takpekpe la me gblɔ bena: Nenye wòe nye Kristo la, gblɔe na mi.
67
Eye wògblɔ na wo bena: Ne megblɔe na mi la, miele exɔ ge ase o;
68
eye ne mebia nyaa ɖe mi la, miele eŋu ɖo ge nam o; eye miele asi hã ɖe ge le ŋunye o.
69
Tso esia dzi la Amegbetɔvi la anɔ anyi ɖe Mawu ƒe ŋusẽ ƒe nuɖusi me.
70
Eye wo katã gblɔ bena: Ekema Mawuvi nènye mahã? Eye wògblɔ na wo bena: Miawoe le egblɔm bena: Nyee.
71
Tete woawo gblɔ bena: Ɖaseɖiɖi ka gahiã mí? Elabena mía ŋutɔwo miesee tso eya ŋutɔ ƒe nu me.











Luka 22:1
Luka 22:2
Luka 22:3
Luka 22:4
Luka 22:5
Luka 22:6
Luka 22:7
Luka 22:8
Luka 22:9
Luka 22:10
Luka 22:11
Luka 22:12
Luka 22:13
Luka 22:14
Luka 22:15
Luka 22:16
Luka 22:17
Luka 22:18
Luka 22:19
Luka 22:20
Luka 22:21
Luka 22:22
Luka 22:23
Luka 22:24
Luka 22:25
Luka 22:26
Luka 22:27
Luka 22:28
Luka 22:29
Luka 22:30
Luka 22:31
Luka 22:32
Luka 22:33
Luka 22:34
Luka 22:35
Luka 22:36
Luka 22:37
Luka 22:38
Luka 22:39
Luka 22:40
Luka 22:41
Luka 22:42
Luka 22:43
Luka 22:44
Luka 22:45
Luka 22:46
Luka 22:47
Luka 22:48
Luka 22:49
Luka 22:50
Luka 22:51
Luka 22:52
Luka 22:53
Luka 22:54
Luka 22:55
Luka 22:56
Luka 22:57
Luka 22:58
Luka 22:59
Luka 22:60
Luka 22:61
Luka 22:62
Luka 22:63
Luka 22:64
Luka 22:65
Luka 22:66
Luka 22:67
Luka 22:68
Luka 22:69
Luka 22:70
Luka 22:71






Luka 1 / Luk 1
Luka 2 / Luk 2
Luka 3 / Luk 3
Luka 4 / Luk 4
Luka 5 / Luk 5
Luka 6 / Luk 6
Luka 7 / Luk 7
Luka 8 / Luk 8
Luka 9 / Luk 9
Luka 10 / Luk 10
Luka 11 / Luk 11
Luka 12 / Luk 12
Luka 13 / Luk 13
Luka 14 / Luk 14
Luka 15 / Luk 15
Luka 16 / Luk 16
Luka 17 / Luk 17
Luka 18 / Luk 18
Luka 19 / Luk 19
Luka 20 / Luk 20
Luka 21 / Luk 21
Luka 22 / Luk 22
Luka 23 / Luk 23
Luka 24 / Luk 24