A A A A A
Facebook Instagram Twitter
Ewe Bible 1913

Mateo 26



1
Eye wòva me, esi Yesu wu nenem nya siawo katã nu vo la, egblɔ na eƒe nusrɔ̃lawo bena:
2
Minyae bena, ŋkeke eve megbe la ŋutitoto la aɖo, eye woade Amegbetɔvi la asi, be woaklẽe ɖe ati ŋuti.
3
Tete nunɔlagãwo kple dumegãwo va kpe ta ɖe nunɔlagã, si ŋkɔ nye Kayafa la, ƒe mɔ̃ la me;
4
eye wode adaŋu bena, yewoalé Yesu le adaŋu me, eye yewoawui.
5
Ke wogblɔ bena: Menye le ŋkekenyuie la dzi o, bena zi nagatɔ le dukɔ la dome o.
6
Esi Yesu le Betania le Simon, dzɔbutɔ la ƒe me la,
7
nyɔnua ɖe va egbɔ kple alabastrogui, eye ami, si ƒe asi sẽ ŋutɔ la, le eme, eye wòtsɔe kɔ ɖe ta me nɛ, esi wòle kplɔ ŋuti.
8
Ke esi nusrɔ̃lawo kpɔe la, eve dome na wo, eye wogblɔ bena: Nugbegblẽ sia gome ɖe?
9
Elabena woate ŋu adzra ami sia ho gãe, eye woatsɔe ana ame dahewo.
10
Ke esi Yesu dze sii la, egblɔ na wo bena: Nukaŋuti miele fu ɖem na nyɔnu la? Elabena ewo do nyui nam.
11
Elabena ame dahewo la woli kpli mi ɖaa, ke nye la nyemeli kpli mi ɖaa o.
12
Elabena esi wòtsɔ ami sia ko ɖe nye ŋutilã dzi la, ewɔe hena nye ɖiɖi.
13
Vavã mele egblɔm na mi bena: Afisi ke woaɖe gbe ƒã nyanyuie sia afia le le xexeme blibo la katã la, woagblɔ nusi nyanu sia wo la hã hena ŋkuɖoɖo edzi.
14
Tete ame wuieveawo dometɔ ɖeka, si woyɔna bena Yuda Iskariot la, ta edzi yi ɖe nunɔlagãwo gbɔ gblɔ bena:
15
Nuka mielɔ̃ be, mianam, ne made eyama asi na mia? Ke woawo la wona klosalo blaetɔ̃e.
16
Eye tso ekema dzi la ele asinu dim, bena yeadee asi.
17
Eye le abolo maʋamaʋã ƒe ŋkeke gbãtɔ dzi la nusrɔ̃lawo va Yesu gbɔ gblɔ bena: Afika dim nèle bena, míadzra ɖo na wò, ne naɖu ŋutitotolẽvi la le mahã?
18
Egblɔ bena: Miyi ɖe dua me ɖe ame ma gbɔ, eye migblɔ nɛ be na: Nufiala la gblɔ bena: Nye azãgbe la le ɖoɖom, gbɔwò maɖu ŋutitotolẽvi la le kple nye nusrɔ̃lawo.
19
Eye nusrɔ̃lawo wo, abe alesi Yesu ɖo na wo la ene eye wodzra ŋutitotolẽvi la ɖo.
20
Eye esi fiẽsi ɖo la, ena kplɔ̃ ŋuti kple ame wuieve la;
21
eye esi wole nu ɖum la, egblɔ bena: Vavã mele egblɔm na mi bena: Mia dometɔ ɖeka adem asi.
22
Tete woxa nu ŋuta, eye wo dome amesiame de asi biabia me gblɔ bena: Aƒetɔ, nyee loo?
23
Ke eɖo ŋu gblɔ bena: Amesi ƒe asi le agba me dem kplim la, eya kee ladem asi.
24
Amegbetɔvi la le yiyim, abe alesi woŋlɔ ɖi le eŋuti ene; ke baba na nenem me, si lade Amegbetɔvi la asi! Enyo na nenem me la bena, womegaxae dzi o.
25
Eye Yuda, amesi fia eyome ma la, xɔ edzi gblɔ bena: Nyea, Rabi? Egblɔ nɛ bena: Wòe gblɔe.
26
Eye esi wole nua ɖum la, Yesu tsɔ abolo ɖe asi, eye esi wògblɔ akpedanya la, eŋe eme hetsɔ na nusrɔ̃lawo gblɔ bena: Mixɔe ɖu! Esia nye nye ŋutilã!
27
Eye wòtso kplu ɖe asi, eye esi wòda akpe le eta la, etsɔe na wo gblɔ bena: Mi katã mino le enu;
28
elabena esiae nye nye ʋu, si nye nubabla yeye la ta, si wokɔ ɖe anyi le ame geɖewo ŋuti hena nuvɔ̃keke la.
29
Ke mele egblɔm na mí bena: Tso esia dzi la nyemegale weinkutsetse sia me tsi no ge, vaseɖe ŋkeke ma dzi, esi mía kpli mi miano yeye le Fofonye ƒe fiaɖuƒe la me o.
30
Eye le akpedahadzidzi vɔ megbe la wodo go yi ɖe Amito la ŋu.
31
Tete Yesu gblɔ na wo bena: Mi katã miele nuɖiaɖia kpɔ ge le ŋutinye le zã sia me; elabena woŋlɔ ɖi bena: „Mele alẽkplɔla ƒo ge, eye alẽha blibo la katã laka ahlẽ.“
32
Ke le nye tsitretsitsi megbe la madze mia ŋgɔ ayi Galilea.
33
Ke Petro xɔ dzi gblɔ nɛ bena: Ne wo katã woakpɔ nuɖiaɖia le ŋutiwò la, nye la nyemele ekpɔ ge gbeɖe o.
34
Yesu to ne bena: Vavã mele egblɔm na wò bena: Zã sia me ke, hafi koklo naku atɔ la, agbe nu le gbɔnye zi etɔ̃.
35
Petro gblɔ nɛ bena: Ne anɔ nam bena, maku kpli wò hã la, nyemele nu gbe ge le gbɔwò akpɔ o. Nenema ke nusiawo katã wogblɔ.
36
Tete woa kple Yesu wova teƒea ɖe, si woyɔna be Getsemane, eye wògblɔ na nusrɔ̃lawo bena: Mibɔbɔ nɔ afisia, vaseɖe esime mayi aɖado gbe ɖa le afime.
37
Eye wotsɔ Petro kple Zebedeo ƒe ŋutsuvi eveawo kpe ɖe eɖokui ŋuti, eye wòde asi nuxaxa me kple dzodzo me nyanyanya.
38
Tete wògblɔ na wo bena: Nye luʋɔ le nu xam kakaka vaseɖe ku me; minɔ afisia, eye minɔ ŋudzɔ kpakplim.
39
Eye esi wote yi ŋgɔ ʋee la, edze klo tsyɔ mo anyi hedo gbe ɖa gblɔ bena: Fofonye, ne ate ŋui la, na be, kplu sia nato ŋutinye ayi; gake la menye alesi nye ŋutɔ medi o, negbe alesi wòa nèdi ko.
40
Eye wova nusrɔ̃lawo gbɔ, eye wòkpɔ wo le alɔ me, eye wògblɔ na Petro bena: Ɖe miate ŋu anɔ ŋudzɔ kplim gaƒoƒo ɖeka oa?
41
Minɔ ŋudzɔ, eye mido gbe ɖa, ne miagadze telekpɔ me o; gbɔgbɔ la le lɔlɔ̃m, gake ŋutilã la gbɔdzɔ.
42
Egayi zi evelia, eye wòdo gbe ɖa gblɔ bena: Fofonye, ne esia nu mate ŋu ayi o, wònye ɖeko manoe la, woawɔ wò lɔlɔ̃nu.
43
Eye esi wògava la, ekpɔ wo le alɔ̃ me, elabena woƒe ŋkuwo dzi wɔ dɔ.
44
Eye wògagblẽ wo ɖi hedzo yi be, yeado gbe ɖa zi etɔ̃lia, eye wògagblɔ nenem nya mawo ke.
45
Tete wòva nusrɔ̃lawo gbɔ, eye wògblɔ na wo bena: Miyi alɔ̃dɔdɔ dzi azɔ, eye migbɔ ɖe eme; mikpɔ ɖa, gaƒoƒo la ɖo vɔ, eye woade Amegbetɔvi la asi na nuvɔ̃wɔlawo.
46
Mitsi tre, mina midze! Kpɔ ɖa, amesi le yonyeme mɔ fiãm la gogo.
47
Eye esi wòbe, yeaɖe nu le eme kasia la, kpɔ ɖa, Yuda, ame wuieveawo dometɔ ɖeka la, va; do, eye ameha gãa ɖe le eyome kple yiwo kple kpowo tso nunɔlagã kple ɖumegãwo gbɔ.
48
Eye yomemɔfiala la ɖo dzesi ɖi na wo gblɔ bena: Amesi ƒe nu gbugbɔ ge mala la, eyae, ne mialée kpli.
49
Eye enumake wote ɖe Yesu, ŋu, eye wògblɔ bena. Rabi, fiẽ na wò loo! Eye wògbugbɔ nu nɛ.
50
Eye Yesu gblɔ nɛ bena: Xɔ̃, nukaŋuti neva ɖo? Tete wote ɖe: eŋuti, eye wotsɔ woƒe asiwo do Yesu dzi, eye wòlée kpli.
51
Eye kpɔ ɖa, amesiwo li kple Yesu la, wo dometɔ ɖeka do eƒe asi ɖa, ɖi yi heda nunɔlagã ƒe dɔla, eye wòkpa to nɛ.
52
Tete Yesu gblɔ nɛ bena: Gbugbɔ wò yi la ɖo eteƒe; elabena amesiwo katã dia yi la, yi kee woatsɔ awu wòe.
53
Alo èsusu bena, nyemate ŋu aɖe kuku na Fofonye, eye wòatsɔ mawudɔlawo nam wòawu aʋakɔ wuieve o mahã?
54
Ke aleke awɔ ne woawu ŋɔŋlɔawo nu mahã? Elabena ele be, woava me nenema tsã!
55
Le gaƒoƒo ma dzi Yesu gblɔ na amehawo bena: Alesi wotsona ɖe hlɔ̃dola ŋuti la, nenemae mieva lé ye ge kple yiwo kple kpowo; gbãwotsyogbe mebɔbɔ nɔ anyi ɖe mawuƒe la me le nu fiãm, eye mielém kpɔ o.
56
Ke esiawo katã va me, bena woawu nyagblɔɖilawo ƒe ŋɔŋlɔawo nu. Tete la nusrɔ̃lawo katã gblẽe ɖi hesi.
57
Ke amesiwo lé Yesu la, kplɔe yi ɖe nunɔlagã Kayafa gbɔ, afisi agbalẽfialawo kple amegãwo kpe ta ɖo.
58
Ke Petro le eyome ʋĩ gbɔna vaseɖe nunɔlagã ƒe mɔ̃ la gbɔ, eye wòyi ɖe eme, eye wòbɔbɔ nɔ anyi ɖe dɔlawo gbɔ, bena yeakpɔ alesi woawu nui.
59
Ke nunɔlagãwo kple ʋɔnudrɔ̃lawo katã le aʋatsoɖaseɖiɖiwo dim ɖe Yesu ŋuti, bena yewoawui;
60
ke womekpɔ ɖeke o, eva wònye aʋatsoɖaseɖila geɖewo va hafi. Ke emegbe la aʋatsoɖaseɖila eve va gblɔ bena:
61
Amesia gblɔ bena: Mate ŋu agba mawuxɔ la, eye magatui le ŋkeke etɔ̃agbe.
62
Eye nunɔlagã la tsi tre gblɔ nɛ bena: Mele nyaa ɖeke ŋu ɖo ge na amesiwo le ɖase ɖim le ŋutiwò o mahã?
63
Ke Yesu zi kpi. Eye nunɔlagã la xɔ edzi gblɔ nɛ bena: Meta Mawu gbagbe la na wò, be nagblɔe na mí nenye wòe nye Kristo, Mawuvi la!
64
Yesu gblɔ nɛ bena: Wòe gblɔe; gake la mele egblɔm na mi bena: Tso esia dzi miele Amegbetɔvi la kpo ge, wòabɔbɔ nɔ anyi de ŋusẽ ƒe nuɖusi me, ana dziƒo ƒe alilikpowo dzi gbɔna.
65
Tete nunɔlagã la dze eƒe awuwo gblɔ bena: Egblɔ busunya! Ɖaseɖila kawo gahiã mí? Kpɔ ɖa, azɔ miese busunya la;
66
nuka susum miele? Eye woɖo ŋu gblɔ bena: Edze ku.
67
Tete woɖe ta ɖe mo nɛ, wotu koe, eye amea ɖewo hã ƒo tome nɛ
68
le gbɔgblɔm bena: Kristo, amekae ƒo wò, gblɔe fia mi.
69
Ke Petro bɔbɔ nɔ anyi ɖe gota le akpata me, eye nyɔnudɔlaa ɖe va egbɔ gblɔ nɛ bena: Wò hã ènɔ Yesu, Galileatɔ la gbɔ kpɔ.
70
Gake esẽ nu le wo katã ƒe ŋku me gblɔ bena: Nyemenya nusi gblɔm nèle o.
71
Ke esi wòto agboa nu do go la, nyɔnudɔla bubu hã kpɔe, eye wògblɔ na amesiwo le afima bena: Amesia nɔ anyi kple Yesu, Nazaretetɔ la kpɔ.
72
Eye wògasẽ nu kple atamkaka gblɔ bena: Nyemenya ame la o.
73
Eye esia megbe ʋee la amesiwo le tsitre ɖe afima la, va gblɔ na Petro bena: Nyateƒee, wò hã wo dometɔ ɖeka nènye; elabena wò nuƒoƒo le ha ɖem wò.
74
Tete la wòde asi fiƒoƒode kple atamkaka me bena: Nyemenya ame la o. Eye kasia koklo ku atɔ.
75
Eye Petro ɖo ŋku Yesu ƒe nya, si wògblɔ nɛ la dzi bena: Hafi koklo naku atɔ la, àgbe nu le gbɔnye zi etɔ̃. Eye wòdo go, eye wòfa avi vevie.











Mateo 26:1
Mateo 26:2
Mateo 26:3
Mateo 26:4
Mateo 26:5
Mateo 26:6
Mateo 26:7
Mateo 26:8
Mateo 26:9
Mateo 26:10
Mateo 26:11
Mateo 26:12
Mateo 26:13
Mateo 26:14
Mateo 26:15
Mateo 26:16
Mateo 26:17
Mateo 26:18
Mateo 26:19
Mateo 26:20
Mateo 26:21
Mateo 26:22
Mateo 26:23
Mateo 26:24
Mateo 26:25
Mateo 26:26
Mateo 26:27
Mateo 26:28
Mateo 26:29
Mateo 26:30
Mateo 26:31
Mateo 26:32
Mateo 26:33
Mateo 26:34
Mateo 26:35
Mateo 26:36
Mateo 26:37
Mateo 26:38
Mateo 26:39
Mateo 26:40
Mateo 26:41
Mateo 26:42
Mateo 26:43
Mateo 26:44
Mateo 26:45
Mateo 26:46
Mateo 26:47
Mateo 26:48
Mateo 26:49
Mateo 26:50
Mateo 26:51
Mateo 26:52
Mateo 26:53
Mateo 26:54
Mateo 26:55
Mateo 26:56
Mateo 26:57
Mateo 26:58
Mateo 26:59
Mateo 26:60
Mateo 26:61
Mateo 26:62
Mateo 26:63
Mateo 26:64
Mateo 26:65
Mateo 26:66
Mateo 26:67
Mateo 26:68
Mateo 26:69
Mateo 26:70
Mateo 26:71
Mateo 26:72
Mateo 26:73
Mateo 26:74
Mateo 26:75






Mateo 1 / Mat 1
Mateo 2 / Mat 2
Mateo 3 / Mat 3
Mateo 4 / Mat 4
Mateo 5 / Mat 5
Mateo 6 / Mat 6
Mateo 7 / Mat 7
Mateo 8 / Mat 8
Mateo 9 / Mat 9
Mateo 10 / Mat 10
Mateo 11 / Mat 11
Mateo 12 / Mat 12
Mateo 13 / Mat 13
Mateo 14 / Mat 14
Mateo 15 / Mat 15
Mateo 16 / Mat 16
Mateo 17 / Mat 17
Mateo 18 / Mat 18
Mateo 19 / Mat 19
Mateo 20 / Mat 20
Mateo 21 / Mat 21
Mateo 22 / Mat 22
Mateo 23 / Mat 23
Mateo 24 / Mat 24
Mateo 25 / Mat 25
Mateo 26 / Mat 26
Mateo 27 / Mat 27
Mateo 28 / Mat 28