A A A A A
Facebook Instagram Twitter
Ewe Bible 1913

4 Mose 23



1
Eye Bileam gblɔ na Balak bena: Na woaɖi vɔsamlekpui adre ɖe afisia nam, eye woakplɔ nyitsu adre kple agbo adre vɛ nam.
2
Eye Balak wɔ, abe alesi Bileam gblɔ ene, eye Balak kple Bileam tso nyitsu ɖekaɖeka kple agbo ɖekaɖeka sa vɔ le vɔsamlekpuia ɖesiaɖe dzi.
3
Emegbe Bileam gblɔ na Balak bena: Va tsi tre ɖe wò numevɔsa gbɔ, eye maɖe kpo; ɖewohĩ Yehowa aɖe eɖokui afiam, eye nusi wòna mekpɔ la, eya magblɔ na wò. Eye wòyi togbɛ ƒeƒlea ɖe dzi.
4
Tete Mawu ɖe eɖokui tia Bileam, eye eya gblɔ bena: Meɖi vɔsamlekpui adre, eve metsɔ nyitsu ɖekaɖeka kple agbo ɖekaɖeka sa vɔ le vɔsamlekpuia ɖesiaɖe dzi.
5
Eye Yehowa de nya nu na Bileam, eye wogblɔ bena: Gbugbɔ yi Balak gbɔ, eye alea naƒo nui!
6
Tete wogbugbɔ va egbɔ, eye kpo ɖa, eya kple Moab-amegãwo le tsitre ɖe eƒe numevɔsa la gbɔ.
7
Eye wòdo eƒe numegbe la hegblɔ bena: Balak kplɔm tso Aram, ɣedzeƒetɔwo dzi Moab-fia kplɔm tsoe be: Va naƒo fi de Yakob nam, eye va nado ɖiŋu na Israel nam!
8
Aleke maƒo fi de amesi Mawu meƒo fi de o, eye mado ɖiŋu na amesi Yehowa medo ɖiŋu na o?
9
Agakpewo tame mele kpɔ wo ɖa, eye togbɛwo dzi mele kpɔ wo. Kpɔ ɖa, dukɔ la ɖe ɖe aga, eye mebua eɖokui ɖe dukɔ bu bu wo do me o.
10
Ameka ate ŋu axlẽ Yakob ƒe ke, eye ameka axlẽ Israel ƒe akpa enelia? Maku abe ame dzɔdzɔewo ene, eye nye nuwuwu nanɔ abe wo tɔ ene!
11
Tete Balak gblɔ na Bileam bena: Nuka nye esia nèwɔ ɖe ŋunye? Meyɔ wo vɛ, be naƒo fi ade nye futɔwo nam loo, ɖeko nètsɔ wo yra!
12
Eɖo ŋu gblɔ be: Ɖe mele nam be, magblɔ nya, si Yehowa de nunye la pɛpɛpɛ oa?
13
Eye Balak gblɔ nɛ bena: Va miyi teƒe bubu, afisi nakpɔ wo le, ke mèle wo kpɔ ge blibo o, negbe woƒe mlɔenu ko nakpɔ; afima naƒo fi ade wo nam le.
14
Eye wòkplɔe yi ɖe Pisga-to tame, afisi gbetasrãlawo nɔna, eye wòɖi vɔsamlekpui adre hetsɔ nyitsu ɖekaɖeka kple agbo ɖekaɖeka sa vo le vɔsamlekpuia ɖesiaɖe dzi.
15
Eye wogblɔ na Balak bena: Tsi tre ɖe wo numevɔsa gbɔ afi, eye mayi aɖado go ame le afime.
16
Tete Yehowa ɖe eɖokui fia Bileam, eye wòde nya enu, eye wògblɔ bena: Gbugbɔ yi Balak gbɔ, eye alea naƒo nu.
17
Esi wòva egbɔ la, kpo ɖa, ele tsitre ɖe eƒe numevɔsa la gbɔ, eye Moab-amegãwo le egbɔ. Eye Balak gblɔ nɛ bena: Aleke Yehowa gblɔ?
18
Tete wòdo eƒe numegbe la bena: Tsi tre, Balak, nase gbe! Zipor vi, le to de ŋunye!
19
Mawu menye amegbetɔ wonye, ne wòaka aʋatso o eye menye amegbetɔwo ƒe vi wònye, ne wòatrɔ nya o. Ɖe woagblɔ nya, eye mawo edzi oa? Ɖe woaƒo nu, eye mawɔe oa?
20
Kpɔ ɖa yayra mexɔ vɛ: eye ne eya yra la, nyea nyemate ŋu atrɔe o.
21
Womekpɔ dzɔgbevɔ̃e le Yakob ŋu o, eye womekpɔ fuwɔamea ɖeke le Israel ŋu o. Yehowa, eƒe Mawu la, li kplii, eye ayibopɛ le ɖiɖim le wo dome.
22
Mawu, si kplɔe tso Egipte la, le nɛ abe to ƒe dzo ene.
23
Dzo mate Yakob ŋu o, eye afã aŋe vo ɖe Israel ŋu. Azɔ ko woagblɔ le Yakob kple Israel ŋu be: Nu gã ka nye esi Yehowa wɔa?
24
Kpɔ ɖa, dukɔ la tso abe dzatanɔ ene, eye wòto abe dzatatsu ene. Mele akɔ tsyɔ ge anyi o, negbe ɖeko wòaɖu eƒe nuléle, eye wòano amesiwo wowu ƒe ʋu hafi.
25
Tete Balak gblɔ na Bileam bena: Megaƒo fi de wo o, eye megayra wo hã o!
26
Bileam ɖo ŋu, eye wògblɔ na Balak bena: Nyemegblɔ na wò be: Nya sia nya, si Yehowa agblɔ la, eya mawɔ oa?
27
Emegbe Balak gblɔ na Bileam bena: Va, makplɔ wò yi teƒe bubu, ɖewohĩ adze Mawu ŋu, bena naƒo fi ade wo nam tso afima.
28
Eye Balak kplɔ Bileam yi Peor-to, si dze ŋgɔ gbegbe la tame.
29
Eye Bileam gblɔ na Balak bena: Ɖi vɔsamlekpui adre ɖe afisia nam, eye nakplɔ nyitsu adre kple agbo adre vɛ nam.
30
Balak wɔ, abe alesi Bileam gblɔ ene, eye wòtsɔ nyitsu ɖekaɖeka kple agbo ɖekaɖeka sa vɔ le vɔsamlekpuia ɖesiaɖe dzi.











4 Mose 23:1
4 Mose 23:2
4 Mose 23:3
4 Mose 23:4
4 Mose 23:5
4 Mose 23:6
4 Mose 23:7
4 Mose 23:8
4 Mose 23:9
4 Mose 23:10
4 Mose 23:11
4 Mose 23:12
4 Mose 23:13
4 Mose 23:14
4 Mose 23:15
4 Mose 23:16
4 Mose 23:17
4 Mose 23:18
4 Mose 23:19
4 Mose 23:20
4 Mose 23:21
4 Mose 23:22
4 Mose 23:23
4 Mose 23:24
4 Mose 23:25
4 Mose 23:26
4 Mose 23:27
4 Mose 23:28
4 Mose 23:29
4 Mose 23:30






4 Mose 1 / 4Mo 1
4 Mose 2 / 4Mo 2
4 Mose 3 / 4Mo 3
4 Mose 4 / 4Mo 4
4 Mose 5 / 4Mo 5
4 Mose 6 / 4Mo 6
4 Mose 7 / 4Mo 7
4 Mose 8 / 4Mo 8
4 Mose 9 / 4Mo 9
4 Mose 10 / 4Mo 10
4 Mose 11 / 4Mo 11
4 Mose 12 / 4Mo 12
4 Mose 13 / 4Mo 13
4 Mose 14 / 4Mo 14
4 Mose 15 / 4Mo 15
4 Mose 16 / 4Mo 16
4 Mose 17 / 4Mo 17
4 Mose 18 / 4Mo 18
4 Mose 19 / 4Mo 19
4 Mose 20 / 4Mo 20
4 Mose 21 / 4Mo 21
4 Mose 22 / 4Mo 22
4 Mose 23 / 4Mo 23
4 Mose 24 / 4Mo 24
4 Mose 25 / 4Mo 25
4 Mose 26 / 4Mo 26
4 Mose 27 / 4Mo 27
4 Mose 28 / 4Mo 28
4 Mose 29 / 4Mo 29
4 Mose 30 / 4Mo 30
4 Mose 31 / 4Mo 31
4 Mose 32 / 4Mo 32
4 Mose 33 / 4Mo 33
4 Mose 34 / 4Mo 34
4 Mose 35 / 4Mo 35
4 Mose 36 / 4Mo 36