A A A A A
Facebook Instagram Twitter
Ewe Bible 1913

3 Mose 11



1
Eye Yehowa ƒo nu kple Mose kple Aron gblɔ na wo bena:
2
Migblɔ na Israel-viwo be: Lã, siwo miaɖu le lãfɔnewo dome le anyigba dzi la, wonye si.
3
Miekpɔ mɔ aɖu lãtɔne, siwo katã ƒe afɔkli me fe, eye wodzɔa nu gaɖuna.
4
Ke lã, siwo dzɔa nu gaɖuna kple esiwo ƒe afɔkli me fe dometɔ, siwo miaɖu o la, wonye, kposɔ, elabena edzɔa nu gaɖuna, ke eƒe aƒɔkli me mefe o, lã makɔmakɔ wòanye na mi;
5
xɔfie, elabena edzɔa nu gaɖuna, ke eƒe afɔkli me mefe o, lã makɔmakɔ wòanye na mi;
6
fɔmizi, elabena edzɔa nu gaɖuna, ke eƒe afɔkli me mefe o, lã makɔmakɔ wòanye na mi;
7
kpakple ha, elabena eƒe afɔkli me fe keŋ, gake megadzɔa nu ɖuna o, lã makɔmakɔ wòanye na mi.
8
Migaɖu woƒe lã o, eye migade asi woƒe kuku hã ŋu o, elabena nu makɔmakɔwo woanye na mi.
9
Tɔmelã, siwo katã miekpɔ mɔ aɖu la wonye, esiwo ŋu adza kple tsrowo le, le ƒuwo kple tɔsisiwo me.
10
Ke lã, siwo katã ŋu adza kple tsro mele o, le ƒuwo kple tɔsisiwo me, kple nusiwo katã ʋãna le towo me, kpakple tɔmenu gbagbewo katã la, ŋunyɔnu woanye na mi.
11
Ŋunyɔnu woanye na mi, migaɖu woƒe lã o, eye woƒe kukua nanyɔ ŋu na mi.
12
Xe, siwo mianyɔ ŋui, eye miaɖu o la wonye, hɔ̃, akpo, gbagblaxetsu,
13
aʋako kple ayisu ƒomeviwo katã,
14
akpaviã ƒomeviwo,
15
golo, sagbaɖre, tsalɛ kple xe ƒonu ƒomeviwo katã,
16
ʋlukuku, tsimese kple aŋɔɣi,
17
favieʋuto, aluge kple akagã,
18
damixe, ako ƒomeviwo, agudzixe kple drui.
19
Nu dzodzoe, siwo katã zɔa afɔ enee dzi la, ŋunyɔnu woanye na mi.
20
Ke miekpɔ mɔ aɖu nu dzodzoe, siwo zɔa afɔ ene dzi, eye wotsɔa megbetatiwo dzoa kpoe tso anyigba.
21
Esiwo miekpɔ mɔ aɖu le wo dome la wonye ʋetsuvi tɔgbewo keŋ, siwo nye: ʋetra ƒomeviwo, abɔ ƒomeviwo kple tukɔmitukɔmi ƒomeviwo.
22
Ke nu dzodzoe bubu, siwo katã gɔme afɔ ene le la, ŋunyɔnu woanye na mi.
23
Esiawo nye nusiwo miatsɔ agblẽ ka ɖo na mia ɖokui. Amesiame, si de asi woƒe kukua ŋu la, eŋu meka o vaseɖe fiẽ.
24
Amesiame, si atso wo dometɔa ɖe ƒe kukua la, nanyã eƒe avɔwo, eye eŋu mekɔ o vaseɖe fiẽ.
25
Lã, siwo katã ƒe afɔkli me fe, gake mete ʋu keŋ o, eye womegadzɔa nu ɖuna o la, lã makɔmakɔwo woanye na mi; amesiame, si aka asi wo ŋu la, eŋu meka o.
26
Lã, siwo katã fe li na, eye wozɔa afɔ enee dzi la, lã makɔmakɔwo woanye na mi, amesiame, si aka asi woƒe kukua ŋu la, eŋu mekɔ o vaseɖe fiẽ.
27
Eye amesi atsɔ woƒe kuku la, nanyã eƒe avɔwo, eye eŋu mekɔ o vaseɖe fiẽ; elabena lã makɔmakɔwo wonye na mi.
28
Anyigbadzilã sue, siwo ŋu meka na mi o wonye: adɔ, afi kple adoglo ƒomeviwo,
29
atɔ, ana, xɔmenyatri, ve kple agama.
30
Esiawo nye lã makɔmakɔwo na mi le lã suewo katã dome; amesi ade asi woƒe kukua ŋu la, eŋu mekɔ o vaseɖe fiẽ.
31
Nusianu, si dzi woƒe kukua ge dze la, ŋu mekɔ o, eɖanye atinuwo, avɔ, lãgbalẽ, kotoku alo nusianu, si ŋu dɔ wowɔna o, ele be, woade wo tsi me, eye wo ŋu mekɔ o vaseɖe fiẽ; emegbe hafi wo ŋu agakɔ.
32
Ne woge dze anyinua ɖe me la, ekema nusianu, si le eme la, ŋu mekɔ o, eye ele be, miagbã nu la.
33
Nuɖuɖu sia nuɖuɖu, si dzi wokɔ tsi ma ɖo la, ŋu mekɔ o, eye nunono sia nunono, si le nu mawo ƒe ɖe me la, ŋu mekɔ o.
34
Nusianu, si dzi woƒe kukua dze la, ŋu mekɔ o, eɖanye abolokpo alo mlekpui o, ele be, woagbãe; nu makɔmakɔwo wonye, eye ŋunyɔnu woanye na mi.
35
Ke tsi dzidziwo, vudowo kple tawo ŋu kɔ, gake amesi ke de asi woƒe kukua ŋu la, eŋu mekɔ o.
36
Ne woƒe kukua dze nukua ɖe, si ƒã ge wòala dzi la, eŋu kɔ.
37
Ke ne wode nuku la tsi, eye woƒe kukua dze edzi la, ekema eŋu mekɔ na mi o.
38
Ne lã, siwo mieɖuna la, dometɔa ɖe ku, eye amea ɖe de asi kukua ŋu la, eŋu mekɔ o vaseɖe fiẽ.
39
Amesi ɖu kukua la, nanyã eƒe avɔwo, eye eŋu mekɔ o vaseɖe fiẽ; amesi tsɔ kukua la, nanyã eƒe avɔwo, eye eŋu mekɔ o vaseɖe fiẽ.
40
Anyigbadzilã suewo katã la, ŋunyɔnuwo wonye, eye womaɖu wo o.
41
Lã sue, siwo katã zɔna le anyigba dzi, esiwo tana le ƒodo dzi kpakple esiwo gɔme afɔ ene alo afɔ geɖe le la, miaɖu wo o, elabena ŋunyɔnuwo wonye.
42
Migatsɔ lã suewo do ŋunyɔ mia ɖokui o, eye migatsɔ wo gblẽ kɔ ɖo ahaƒo ɖi mia ɖokui o.
43
Elabena nyee nye Yehowa, miaƒe Mawu. Eyata miwɔ mia ɖokui kɔkɔe, eye mianɔ kɔkɔe, elabena kɔkɔetɔ menye; migatsɔ anyigbadzilã suewo gblẽ kɔ ɖo na mia ɖokui o.
44
Nyee nye Yehowa, si kplɔ mi tso Egipte-nyigba dzi, bena manye miaƒe Mawu. Eyata minɔ kɔkɔe, elabena kɔkɔetɔ menye.
45
Esia nye se le lãfɔnewo, xewo kple tɔmenu gbegbewo kpakple anyigbadzilã suewo katã ŋuti,
46
bena woade vovo nu makɔmakɔ kple nu kokoe dome, eye woade vovo lã, si woaɖu kple esi womaɖu o la dome.











3 Mose 11:1
3 Mose 11:2
3 Mose 11:3
3 Mose 11:4
3 Mose 11:5
3 Mose 11:6
3 Mose 11:7
3 Mose 11:8
3 Mose 11:9
3 Mose 11:10
3 Mose 11:11
3 Mose 11:12
3 Mose 11:13
3 Mose 11:14
3 Mose 11:15
3 Mose 11:16
3 Mose 11:17
3 Mose 11:18
3 Mose 11:19
3 Mose 11:20
3 Mose 11:21
3 Mose 11:22
3 Mose 11:23
3 Mose 11:24
3 Mose 11:25
3 Mose 11:26
3 Mose 11:27
3 Mose 11:28
3 Mose 11:29
3 Mose 11:30
3 Mose 11:31
3 Mose 11:32
3 Mose 11:33
3 Mose 11:34
3 Mose 11:35
3 Mose 11:36
3 Mose 11:37
3 Mose 11:38
3 Mose 11:39
3 Mose 11:40
3 Mose 11:41
3 Mose 11:42
3 Mose 11:43
3 Mose 11:44
3 Mose 11:45
3 Mose 11:46






3 Mose 1 / 3Mo 1
3 Mose 2 / 3Mo 2
3 Mose 3 / 3Mo 3
3 Mose 4 / 3Mo 4
3 Mose 5 / 3Mo 5
3 Mose 6 / 3Mo 6
3 Mose 7 / 3Mo 7
3 Mose 8 / 3Mo 8
3 Mose 9 / 3Mo 9
3 Mose 10 / 3Mo 10
3 Mose 11 / 3Mo 11
3 Mose 12 / 3Mo 12
3 Mose 13 / 3Mo 13
3 Mose 14 / 3Mo 14
3 Mose 15 / 3Mo 15
3 Mose 16 / 3Mo 16
3 Mose 17 / 3Mo 17
3 Mose 18 / 3Mo 18
3 Mose 19 / 3Mo 19
3 Mose 20 / 3Mo 20
3 Mose 21 / 3Mo 21
3 Mose 22 / 3Mo 22
3 Mose 23 / 3Mo 23
3 Mose 24 / 3Mo 24
3 Mose 25 / 3Mo 25
3 Mose 26 / 3Mo 26
3 Mose 27 / 3Mo 27