A A A A A
Facebook Instagram Twitter
Ewe Bible 1913

Xezekiel 22



1
Eye Yehowa ƒe gbe va nam bena:
2
Amevi, ɖe nebe, yeadrɔ̃ ʋɔnu, yeadrɔ̃ ʋɔnu hlɔ̃dodu laa? Ekema ɖe eƒe ŋunyɔnuwo katã fiae
3
gblɔ bena; Ale Aƒetɔ Yehowa gblɔ esi: Wò du, si ko ʋu ɖe eɖokui me, ne wò ɣeyiɣi naɖe, eye nèwɔ legbawo, ne natsɔ agblẽ ko ɖo na ɖokuiwò.
4
Eda vo to wò ʋu, si nèkɔ ɖe anyi la me, eye nètso wò legba, siwo newɔ la, gblẽ kɔ ɖo na ɖokuiwò, ehe wò ŋkeke va aƒegbɔe, eye nèɖo wo ƒewo ƒe nuwuwu; eyata matsɔ wò awɔ vlodonu na dukɔwo kple alɔmeɖenu na anyigbawo katã.
5
Amesiwo le kpuiƒe kple didiƒe la, aɖu fewu le ŋuwò be, wò ŋkɔ gblẽ, eye ʋunyaʋunya bɔ ɖe mewò.
6
Kpɔ ɖa, Israel ƒe amegãwo dometɔ ɖesiaɖe le adegbe ƒom ɖe eƒe alɔ ŋu le mewò, ne wòakɔ ʋu ɖi.
7
Wodoa vlo fofo kple dada le mewo, wotea amedzro ɖe anyi le mewo, eye wosẽa ŋuta le tsyɔ̃evi kple ahosi ŋu le mewo.
8
Eɖoa vlo nye kɔkɔeƒe la, eye negblẽa ko ɖo na nye dzudzɔgbewo.
9
Ame gɔmezɔlawo le mewò, ne woakɔ ʋu ɖi, woɖua nu le towo dzi le mewo, eye wowɔa ŋukpenanu le mewo.
10
Woɖea ama fofo le mewo, eye woɖea asi nyɔnu, si kpo dzinu la ŋu le mewò.
11
Amesiame wɔa ŋunyɔnu ɖe ehavi srɔ̃ ŋu, amesiame wɔa ŋukpenanu kple eƒe tɔyɔvinyɔnu hedoa gu eɖokui, eye amesiame dea asi nɔvianyɔnu, si nye fofoa ƒe vinyɔnu la ŋu.
12
Woxɔa zãnu le mewo, ne wòakɔ ʋu ɖi, eɖia kasa, eye nexɔa deme, ẽɖua sesẽnu le nɔviwò si, eye wò ŋku dzona le dzinye. Aƒetɔ Yehowa ye gblɔe.
13
Kpɔ ɖa, masi akpe ɖe viɖe, siwo nekpɔ, kple hlɔ̃, si wodo le mewo la ŋu.
14
Ɖe dzi anɔ ƒowò, eye ŋusẽ anɔ wò asi ŋu le ŋkeke, siwo me mawɔ nu kpli wòa? Nye Yehowa ye ƒo nu, eye mawɔe hã.
15
Makaka wò ɖe dukɔwo dome, mahlẽ wò ɖe anyigbawo dzi, eye mana wò ɖiƒoƒo nu natso le ŋuwò,
16
eye azu busu me le dukɔwo ŋku me, ne nadze sii be, nyee nye Yehowa.
17
Eye Yehowa ƒe gbe va nam bena:
18
Amevi, Israel ƒe aƒe blibo la zu aŋuka nam; akɔbli, gaɣi, gayibɔ kple tsumi wonye le kpo me, klosaloŋuka wozu.
19
Eyata ale Aƒetɔ Yehowa gblɔ esi: Esi mi katã miezu aŋuka la, eyata mala mi akɔ ɖe Yerusalem.
20
Alesi wolɔa klosalo, akɔbli, gayibɔ, tsumi kple gaɣi kɔna ɖe kpo me, ne woaƒlɔ dzo ɖe eŋu wòalólo la, nenema mala mi akɔ ɖi le nye dɔmedzoe kple nye dziku me, eye matsɔ mi ade eme mialólo.
21
Maƒo mia nu ƒu, eye maƒlɔ nye dɔmedzoe ƒe dzo ɖe mia ŋu, ne mialólo le eme.
22
Alesi wolóloa klosalo le kpo mee la, nenema woalólo mi le emee, eye miadze sii be, nye Yehowa ye trɔ nye dziku ƒo ɖe mia dzi.
23
Eye Yehowa ƒe gbe va nam bena:
24
Amevi, gblɔ nɛ bena: Wòe nye anyigba, si dzi tsi madza ɖo o, eye tsi maƒoe le dzikudoɣi o.
25
Eƒe nyagblɔɖilawo ɖoa gbe ɖi le eme, wole abe dzata, si le gbe tem hele nu vuvum ene, woɖua amewo, wolɔa kesinɔnuwo kple nu veviwo dzonɛ, eye wonana ahosiwo sɔgbɔna le eme.
26
Eƒe nunɔlawo toa vo ɖe nye se la ŋu, eye wogblẽa kɔ ɖo na nye kɔkɔeƒe la; womedea vovo nu kɔkɔe kple nu makɔmakɔ dome o, eye womefiaa vovototo, si le nu dzadzɛ kple nu madzamadza dome o, wotsyɔa nu ŋku me ɖe nye dzudzɔgbewo, eye wogblẽa kɔ ɖo nam le wo dome.
27
Eƒe amegãwo le abe amegãxi lénuwo ene le eme, ne wòakɔ ʋu ɖe anyi, woatsrɔ̃ amewo, eye woakpɔ viɖe.
28
Woƒe nyagblɔɖilawo sia akalo ɖe nu ŋu na wo, wokpɔa aʋatso-ŋutega, eye wogblɔ alakpanya ɖi na wo bena: Ale Aƒetɔ Yehowa gblɔ esi; evɔ wònye Yehowa meƒo nu o hafi.
29
Dukɔ hahoo la ɖua sesẽnu, eye wodaa adzo, esẽa ŋuta le ame dahewo kple hiãtɔwo ŋu, eɖua sesẽnu le amedzrowo si hedaa se la dzi.
30
Medi ame le wo dome, si aɖo gli, eye wòatsi tre ɖe gbagbãƒe le ŋkunye me ɖe anyigba la nu, ne magagblẽe o, ke nyemekpɔ ɖeke o.
31
Eyata metrɔ nye dɔmedzoe ƒo ɖe wo dzi, metso nye dzinu ƒe dzo tsrɔ̃ wòe, eye mehe woƒe zɔzɔme va woƒe ta dzi, Aƒetɔ Yehowa ye gblɔe!











Xezekiel 22:1
Xezekiel 22:2
Xezekiel 22:3
Xezekiel 22:4
Xezekiel 22:5
Xezekiel 22:6
Xezekiel 22:7
Xezekiel 22:8
Xezekiel 22:9
Xezekiel 22:10
Xezekiel 22:11
Xezekiel 22:12
Xezekiel 22:13
Xezekiel 22:14
Xezekiel 22:15
Xezekiel 22:16
Xezekiel 22:17
Xezekiel 22:18
Xezekiel 22:19
Xezekiel 22:20
Xezekiel 22:21
Xezekiel 22:22
Xezekiel 22:23
Xezekiel 22:24
Xezekiel 22:25
Xezekiel 22:26
Xezekiel 22:27
Xezekiel 22:28
Xezekiel 22:29
Xezekiel 22:30
Xezekiel 22:31






Xezekiel 1 / Xez 1
Xezekiel 2 / Xez 2
Xezekiel 3 / Xez 3
Xezekiel 4 / Xez 4
Xezekiel 5 / Xez 5
Xezekiel 6 / Xez 6
Xezekiel 7 / Xez 7
Xezekiel 8 / Xez 8
Xezekiel 9 / Xez 9
Xezekiel 10 / Xez 10
Xezekiel 11 / Xez 11
Xezekiel 12 / Xez 12
Xezekiel 13 / Xez 13
Xezekiel 14 / Xez 14
Xezekiel 15 / Xez 15
Xezekiel 16 / Xez 16
Xezekiel 17 / Xez 17
Xezekiel 18 / Xez 18
Xezekiel 19 / Xez 19
Xezekiel 20 / Xez 20
Xezekiel 21 / Xez 21
Xezekiel 22 / Xez 22
Xezekiel 23 / Xez 23
Xezekiel 24 / Xez 24
Xezekiel 25 / Xez 25
Xezekiel 26 / Xez 26
Xezekiel 27 / Xez 27
Xezekiel 28 / Xez 28
Xezekiel 29 / Xez 29
Xezekiel 30 / Xez 30
Xezekiel 31 / Xez 31
Xezekiel 32 / Xez 32
Xezekiel 33 / Xez 33
Xezekiel 34 / Xez 34
Xezekiel 35 / Xez 35
Xezekiel 36 / Xez 36
Xezekiel 37 / Xez 37
Xezekiel 38 / Xez 38
Xezekiel 39 / Xez 39
Xezekiel 40 / Xez 40
Xezekiel 41 / Xez 41
Xezekiel 42 / Xez 42
Xezekiel 43 / Xez 43
Xezekiel 44 / Xez 44
Xezekiel 45 / Xez 45
Xezekiel 46 / Xez 46
Xezekiel 47 / Xez 47
Xezekiel 48 / Xez 48