A A A A A
Facebook Instagram Twitter
Ewe Bible 1913

Yeremia 8



1
Yehowa be: Le ɣemaɣila woaho Yuda-fiawo ƒe ƒuwo kple woƒe amegãwo ƒe ƒuwo, woƒe nunɔlawo ƒe ƒuwo, woƒe nyagblɔɖilawo ƒe ƒuwo kpakple Yerusalem-tɔwo ƒe ƒuwo tso woƒe yɔdowo me,
2
ahasia ɖe ɣe kple ɣleti kpakple dziƒo ŋu nuwo nu, nusiwo ƒe nya wolɔ̃, eye wosubɔ, wodze wo yome, wobia nu wo se, eye wode ta agu na wo; womafɔ wo o, eye womatsɔ wo aɖi o, eye woazu gbeɖuɖɔ le anyigba dzi.
3
Yehowa Zebaot be: Ƒome vɔ̃ɖi sia ƒe ame mamlea, siwo katã susɔ ɖe teƒe, siwo katã menyã wo ɖo ɖo la, alɔ̃ ku wu agbe.
4
Eyata ale nagblɔ na wo enye si: Ale Yehowa gblɔ esi: Ɖe wòto anyi womegafɔna oa, alo ɖe wotrɔa megbe womegatrɔa kɔ oa?
5
Nukaŋuti dukɔ sia, si nye Yerusalem, dze go ɖikaa? Woku ɖe alakpadada ŋu, eye wogbe tɔtrɔ.
6
Meƒu to anyi, eye mese be, womelé nu ƒom ɖe eteƒe o; amea ɖeke meli, si eƒe vɔ̃ɖiwɔwɔ venɛ wògblɔna be: Nuka nye esi mehewɔ hã o! Amesiame lé eƒe ma abe so, si lu ɖe aʋa me ene.
7
Damixe le dziƒo te hã nya eƒe azã, eye akpakpa, sagbadre kple tsalɛ dzea si woƒe gbɔgbɔɣi; ke nye dukɔ menya Yehowa ƒe ɖoɖowo o.
8
Aleke miate ŋu ano gbɔgblɔm be, nunyalawo yewonye, eye Yehowa ƒe se la le yewo si me? Kpɔ ɖa, vavãe agbalẽnyalawo ƒe nuŋlɔnu trae wo aʋatsoe.
9
Ŋu akpe nunyalawo, dzi aɖe le wo ƒo, eye asi atu wo; kpɔ ɖa, Yehowa ƒe nya wogbe, nunya kae hele wo si azɔ ma?
10
Eyata matso wo srɔ̃wo na ame tutɔwo kple woƒe agblewo na wo nyãlawo, elabena ŋuklẽlawo sɔŋ wonye tso ɖeviawo dzi vaseɖe tsitsiawo dzi, alakpadalawo sɔŋ wonye tso nyagblɔɖilawo dzi vaseɖe nunɔlawo dzi.
11
Wotre nye dukɔ ƒe gbagbãƒe betsebetse hele gbɔgblɔm be: Ŋutifafa, ŋutifafa; evɔ wònye ŋutifafaa ɖeke meli o hafi.
12
Ne ŋukpe lé wo, le esi wowɔ nu nyɔŋu ta hã la, woƒe mo metsia dã o, eye womenyaa nukae nye ŋukpe o. Eyata woatsi ame tsiaʋawo dome, eye wòadze anyi le ɣeyiɣi, si mahe to na wo, Yehowa ye gblɔe.
13
Yehowa be: Maɖe wo ɖa keŋkeŋ, ale be weintsetsea ɖeke manɔ weinka ŋu o, gbotsetsea ɖeke manɔ gboti dzi o, eye aŋgba ayra, eye madɔ amesiwo ava ƒo ɖe wo dzi la, ɖe wo ŋu.
14
Nukaŋuti míegale anyinɔƒe ko? Miƒo takpli, míayi du sesẽwo me, ne míatsrɔ̃ ɖe afima; elabena Yehowa, mía Mawu la, le míaƒe tsɔtsrɔ dim; ekpe aɖitsi na mí mieno, le esi miewɔ nuvɔ̃ ɖe Yehowa ŋu ta.
15
Miele mɔ kpɔm na ŋutifafa, ke nu nyuia ɖeke meva o; míele mɔ kpɔm na hayahaya, ke ŋɔdzi li.
16
Wose eƒe sɔwo ƒe gbɔgbɔ fuxefuxe tso Dan, eye eƒe sɔtsuwo ƒe xɔxlɔ̃ ƒe ɖiɖi na anyigba blibo la ʋuʋu; wogbɔna, ne woaɖu anyigba kple edzi nuwo, du la kple eme nɔlawo.
17
Yehowa be: Mado dawo kple ƒliwo ɖe mia ŋu, siwo ŋu gbesa meɖina o, eve woaɖu mi.
18
Oo, nukae ana nye dzeme nato le nye nuxaxa me! Nu te nye dzi ŋu le menye!
19
Kpɔ ɖa, nye dukɔ ƒe ɣlikpe ɖi tso didiƒenyigba dzi be: „Ɖe Yehowa megale Zion oa, eye ɖe eƒe fia megale eme oa?“ Nukaŋuti wotsɔ woƒe aklama kpakpɛwo kple du bubu me towo ƒe yakanuwo do dziku nam?
20
Nuŋeɣi va yi, eye kutsetsegbegbe nu tso, ke miawo la, womexɔ na mi o!
21
Nye dukɔ ƒe ƒoƒo na megbã gudugudu, mele nu xam, eye nye lãme ble fu.
22
Ɖe atikea ɖeke megale Gilead o, eye gbedalaa ɖeke mele afima oa? Nukaŋuti nye dukɔ mehaya o?
23
Ɖe wònye nye ta tsie wònye, eye aɖatsivudoe nye nye ŋkuwo la, anye ne mala na nye dukɔ ƒe ame tsiaʋawo zã kple keli.











Yeremia 8:1
Yeremia 8:2
Yeremia 8:3
Yeremia 8:4
Yeremia 8:5
Yeremia 8:6
Yeremia 8:7
Yeremia 8:8
Yeremia 8:9
Yeremia 8:10
Yeremia 8:11
Yeremia 8:12
Yeremia 8:13
Yeremia 8:14
Yeremia 8:15
Yeremia 8:16
Yeremia 8:17
Yeremia 8:18
Yeremia 8:19
Yeremia 8:20
Yeremia 8:21
Yeremia 8:22
Yeremia 8:23






Yeremia 1 / Yer 1
Yeremia 2 / Yer 2
Yeremia 3 / Yer 3
Yeremia 4 / Yer 4
Yeremia 5 / Yer 5
Yeremia 6 / Yer 6
Yeremia 7 / Yer 7
Yeremia 8 / Yer 8
Yeremia 9 / Yer 9
Yeremia 10 / Yer 10
Yeremia 11 / Yer 11
Yeremia 12 / Yer 12
Yeremia 13 / Yer 13
Yeremia 14 / Yer 14
Yeremia 15 / Yer 15
Yeremia 16 / Yer 16
Yeremia 17 / Yer 17
Yeremia 18 / Yer 18
Yeremia 19 / Yer 19
Yeremia 20 / Yer 20
Yeremia 21 / Yer 21
Yeremia 22 / Yer 22
Yeremia 23 / Yer 23
Yeremia 24 / Yer 24
Yeremia 25 / Yer 25
Yeremia 26 / Yer 26
Yeremia 27 / Yer 27
Yeremia 28 / Yer 28
Yeremia 29 / Yer 29
Yeremia 30 / Yer 30
Yeremia 31 / Yer 31
Yeremia 32 / Yer 32
Yeremia 33 / Yer 33
Yeremia 34 / Yer 34
Yeremia 35 / Yer 35
Yeremia 36 / Yer 36
Yeremia 37 / Yer 37
Yeremia 38 / Yer 38
Yeremia 39 / Yer 39
Yeremia 40 / Yer 40
Yeremia 41 / Yer 41
Yeremia 42 / Yer 42
Yeremia 43 / Yer 43
Yeremia 44 / Yer 44
Yeremia 45 / Yer 45
Yeremia 46 / Yer 46
Yeremia 47 / Yer 47
Yeremia 48 / Yer 48
Yeremia 49 / Yer 49
Yeremia 50 / Yer 50
Yeremia 51 / Yer 51
Yeremia 52 / Yer 52