A A A A A
Facebook Instagram Twitter
Ewe Bible 1913

Yeremia 52



1
Zedekiya xɔ ƒe blave vo ɖekɛ, esime wòzu fia, eye woɖu fia ƒe wuiɖekɛ le Yerusalem. Dada ŋkɔ enye Xamital, Libnato Yeremya ƒe vinyɔnu.
2
Ewɔ nusi nye vɔ̃ le Yehowa ŋku me, abe alesi Yoyakim wɔ pɛpɛpɛ ene.
3
Elabena Yehowa do dɔmedzoe ɖe Yerusalem kple Yuda ŋu, vaseɖe esime wòtsɔ wo ƒu gbe le eƒe ŋku ta. Eye esi Zedekiya dze aglã ɖe Babel-fia ŋu la,
4
Babel-fia Nebukadnezar kple eƒe aʋakɔ blibo la ho ɖe Yerusalem ŋu le eƒe fiaɖuɖu ƒe ƒe asiekelia me le dzinu ewolia ƒe ŋkeke ewolia dzi; woɖe to ɖee, eye woƒu kpo ɖe eŋu godoo va kpe.
5
Woɖe to ɖe dua, vaseɖe Zedekiya ƒe ƒe wuiɖekɛlia me.
6
Le dzinu enelia ƒe ŋkeke asiekelia dzi la dɔwuame nu sẽ le dua me, ale be aboloa ɖeke megali na dukɔ hahoo la o.
7
Woŋɔ mɔ ɖe dua ŋu, eye aʋawɔlawo ka tã si to fia ƒe abɔ me mɔ, to agbo, si le gli ŋukplaba eve dome la nu hegblẽ du la ɖi le zã me, eye wòto gbegbemɔ; ke Kaldeatɔwo le glia ŋu godoo.
8
Tete Kaldeatɔwo ƒe aʋakɔ yɔ fia la ɖe nu heva tu Zedekiya le Yerixo-tagba, eye eƒe aʋawɔlawo katã kaka le eŋu.
9
Tete wòlé fia la hekplɔe yina Babel-fia le Ribla le Xamat-nyigba dzi, eye wòbu fɔe.
10
Eye Babel-fia wu Zedekiya viwo le eya ŋutɔ ŋku me, eye wowu Yuda-amegãwo katã hã le Ribla.
11
Egbã ŋku na Zedekiya, eye wòde kɔsɔkɔsɔe, eye Babel-fia kplɔe yi Babel hetsɔe ɖe gaxɔ me vaseɖe eƒe kugbe.
12
Le dzinu atɔ̃lia ƒe ŋkeke ewolia dzi, si nye fia Nebukadnezar, Babel-fia ƒe ƒe wuiasiekelia dzi la, fia ŋu srafowo ƒe amegã Nebuzaradan, amesi nɔa tsitre ɖe Babel-fia ŋku me la, va Yerusalem,
13
eye wòtɔ dzo Yehowa ƒe aƒe kple fia ƒe aƒe, Yerusalem-xɔwo katã kple bubumewo ƒe xɔwo katã.
14
Eye Kaldeatɔwo ƒe aʋakɔ blibo, si le fia ŋu srafowo ƒe amegã ŋu la, gbã Yerusalem ƒe gliwo katã ƒu anyi.
15
Fia ŋu srafowo ƒe amegã Nebuzaradan ɖe aboyo dukɔ la ƒe ame dahewo dometɔa ɖewo, dukɔ la ƒe ame mamlea, siwo kpɔtɔ ɖe dua me, kple amesiwo yi ɖe Babel-fia dzi, kpakple aɖaŋudɔwɔlawo ƒe susɔeawo dzoe.
16
Eye fia ŋu srafowo ƒe amegã Nebuzaradan gblẽ anyigba dzi ame dahea ɖewo ɖi, be woanye weingbledelawo kple agbledelawo.
17
Kaldeatɔwo gbã akɔblisɔti, siwo le Yehowa ƒe xɔ ŋu, kple anyinɔwo kpakple akɔbligazɔ, si le Yehowa ƒe me la, eye wotsɔ woƒe akɔbliwo katã yi Babel.
18
Eye wotsɔ zeawo, sofiawo, hɛawo, treawo, gatsiawo kple akɔblinuawo katã, siwo wotsɔna subɔnae la dzoe.
19
Eye fia ŋu srafowo ƒe amegã tsɔ nusiwo nye sika kple klosalo sɔŋ la dzoe. Kpluwo, sonuwo, trewo, zewo, akaɖitiwo, gatsiwo kple agbawo.
20
Sɔti eveawo, gazɔ la kple akɔblinyi wuieveawo, siwo le ete, kpakple anyinɔawo, nusiwo fia Salomo wɔ hena Yehowa ƒe aƒe la; nusiawo katã ƒe akɔbli mele dada me o.
21
Sɔti ɖeka kɔ abɔklugui wuienyi, eye ka abɔklugui wuieve atui akpe ɖo, to le eme, eye wòtri asibide ene ƒe kekeme.
22
Wotsɔ akɔbli wɔ kɔ ɖe eta me, eye kɔ la kɔ abɔklugui alɔ̃, ɖɔ lɔlɔ̃ kple yevuboɖawo ƒo xlã kɔ la godoo va kpe, akɔbli sɔŋ wonye. Nusiawo tɔgbe kple yevuboɖawo le sɔti evelia hã ŋu.
23
Yevuboɖa blaasieke vɔ ade le goawo katã me; yevuboɖa, siwo katã le ɖɔ la ŋu godoo va kpe la, le wo ame alafa ɖeka.
24
Eye fia ŋu srafowo ƒe amegã kplɔ nunɔlagã Seraya kple nunɔlagã yometɔ Zefanya kpakple kpuinudzɔla etɔ̃
25
kple aƒedzikpɔla ɖeka, si le aʋawɔlawo nu, fiaŋume adre, siwo wokpɔ le dua me, aʋafia ƒe agbalẽŋlɔla, amesi yɔa dukɔ hahoo la hena aʋawɔwɔ kpakple dukɔ hahoo la dome ŋutsu blaade, siwo wokpɔ le dua me;
26
amesiawo fia ŋu srafowo ƒe amegã Nebuzaradan kplɔ yi na Babel-fia le Ribla.
27
Eye Babel-fia da nu wo hewu wo le Ribla le Xamat-nyigba dzi. Ale woɖe aboyo Yuda tso edenyigba dzi.
28
Amesiwo Nebukadnezar ɖe aboyoe la, wonye si: Le ƒe adrelia me la woɖe aboyo Yudatɔ akpe etɔ kple blave vɔ etɔ̃;
29
woɖe aboyo ame alafa enyi kple blaetɔ̃ vɔ eve tso Yerusalem le Nebukadnezar ƒe ƒe wuienyilia me;
30
eye fia ŋu srafowo ƒe amegã Nebuzaradan ɖe aboyo ame alafa adre kple blane vɔ atɔ̃ dzoe le Nebukadnezar ƒe ƒe blave vɔ etɔ̃lia me; wo katã le ame akpe ene alafa ade.
31
Esime woɖe aboyo Yuda-fia Yoyaxin le ƒe blaetɔ̃ vɔ adre megbe le dzinu wuievelia ƒe ŋkeke blave vɔ atɔ̃lia dzi la, Babel-fia Evil-Merodax ɖe ga Yuda-fia Yoyaxin le ƒe, si me wòzu fia, eye woɖee tso gaxɔ me;
32
eƒo nu fafɛ kplii, eye wòtsɔ eƒe zikpui ɖo fia, siwo kpe ɖe eŋu le Babel la ƒe zikpui ŋgɔ.
33
Eɖɔ li eƒe gaxɔmewuwo, eye woɖu nu le egbɔ ɖaa le eƒe agbenɔɣi katã.
34
Eye Babel-fia na eƒe nuɖuɖui ɖaa, alesi nu wòbiã gbesiagbe le eƒe agbenɔɣi katã, vaseɖe esime woku.











Yeremia 52:1
Yeremia 52:2
Yeremia 52:3
Yeremia 52:4
Yeremia 52:5
Yeremia 52:6
Yeremia 52:7
Yeremia 52:8
Yeremia 52:9
Yeremia 52:10
Yeremia 52:11
Yeremia 52:12
Yeremia 52:13
Yeremia 52:14
Yeremia 52:15
Yeremia 52:16
Yeremia 52:17
Yeremia 52:18
Yeremia 52:19
Yeremia 52:20
Yeremia 52:21
Yeremia 52:22
Yeremia 52:23
Yeremia 52:24
Yeremia 52:25
Yeremia 52:26
Yeremia 52:27
Yeremia 52:28
Yeremia 52:29
Yeremia 52:30
Yeremia 52:31
Yeremia 52:32
Yeremia 52:33
Yeremia 52:34






Yeremia 1 / Yer 1
Yeremia 2 / Yer 2
Yeremia 3 / Yer 3
Yeremia 4 / Yer 4
Yeremia 5 / Yer 5
Yeremia 6 / Yer 6
Yeremia 7 / Yer 7
Yeremia 8 / Yer 8
Yeremia 9 / Yer 9
Yeremia 10 / Yer 10
Yeremia 11 / Yer 11
Yeremia 12 / Yer 12
Yeremia 13 / Yer 13
Yeremia 14 / Yer 14
Yeremia 15 / Yer 15
Yeremia 16 / Yer 16
Yeremia 17 / Yer 17
Yeremia 18 / Yer 18
Yeremia 19 / Yer 19
Yeremia 20 / Yer 20
Yeremia 21 / Yer 21
Yeremia 22 / Yer 22
Yeremia 23 / Yer 23
Yeremia 24 / Yer 24
Yeremia 25 / Yer 25
Yeremia 26 / Yer 26
Yeremia 27 / Yer 27
Yeremia 28 / Yer 28
Yeremia 29 / Yer 29
Yeremia 30 / Yer 30
Yeremia 31 / Yer 31
Yeremia 32 / Yer 32
Yeremia 33 / Yer 33
Yeremia 34 / Yer 34
Yeremia 35 / Yer 35
Yeremia 36 / Yer 36
Yeremia 37 / Yer 37
Yeremia 38 / Yer 38
Yeremia 39 / Yer 39
Yeremia 40 / Yer 40
Yeremia 41 / Yer 41
Yeremia 42 / Yer 42
Yeremia 43 / Yer 43
Yeremia 44 / Yer 44
Yeremia 45 / Yer 45
Yeremia 46 / Yer 46
Yeremia 47 / Yer 47
Yeremia 48 / Yer 48
Yeremia 49 / Yer 49
Yeremia 50 / Yer 50
Yeremia 51 / Yer 51
Yeremia 52 / Yer 52