A A A A A
Facebook Instagram Twitter
Ewe Bible 1913

Yeremia 49



1
Ɖe Amon-viwo ŋu: Ale Yehowa gblɔ esi: ɖe ŋutsuvia ɖeke mele Israel si, alo domenyilaa ɖeke mele esi oa? Nukaŋuti Malkam xɔ Gad wɔ etɔe, eye eƒe dukɔ le eƒe duwo me?
2
Eyata Yehowa be: Kpɔ ɖa, ŋkeke li gbɔna, eye mana aʋaɣli naɖi ɖe Amon-viwo ƒe Raba ŋu, be woazu anyiglãgo, woatɔ dzo eŋu duwo, eye Israel agaxɔ eƒe domenyinu, Yehowa ye gblɔe.
3
Xesbon, fa avi, elabena wogblẽ Ai! Mi Raba-nyɔnuviwo mido ɣli, eye mita akpanya ɖe ali, mixa nu, eye mina tsa glãla tsam le lãkpɔwo me, elabena Malkam ayi aboyo me hekpe ɖe eƒe trɔ̃nuawo kple amegãwo ŋu.
4
Wò nyɔnuvi dzeaglã, si le dzi ɖom ɖe wò kesinɔnuwo ŋu, nukaŋuti nètso wò balime le adegbe ƒomee be, balime wɔnu wònye hele gbɔgblɔm be: Amekae ava gbɔnye?
5
Kpɔ ɖa, Aƒetɔ, Yehowa Zebaot, be: Mana miaƒe aƒelikawo katã nahe ŋɔdzi ava mia dzi, woaka mi ahlẽ, eye amesiame aɖo ta eŋgɔ tẽ, ale be womaƒo sisilawo nu ƒu o.
6
Ke emegbe la magaɖo Amon-viwo te, Yehowa ye gblɔe.
7
Ɖe Edom ŋu: Ale Yehowa Zebaot gblɔ esi: Ɖe nunyaa ɖeke megale Teman o, adaŋudede bu ɖe nunyalawo, eye wotrɔ nunya ƒo ɖe anyia?
8
Mi Dedantɔwo, misi, mitrɔ dzo, eye miɣla mia ɖokui ɖe agu me; elabena mahe dzɔgbevɔ̃e ava Esau dzi le gbesigbe mahe to nɛ.
9
Ne weintsetsexalawo ƒo ɖe dziwò la, womasusɔ mamlea ɖeke ɖi o; ne fiafitɔwo va le zã me la, woagblẽ nu, vaseɖe esime wòati kɔ na wo.
10
Elabena maɖe ama Esau, maklo nu le eƒe bebeƒe dzi, be magatsi ɣaɣlaƒe o. Woatsrɔ̃ viawo, nɔviawo kple eƒe aƒelikawo, eye eya ŋutɔ nu ayi.
11
Gblẽ wò tsyɔ̃eviwo ɖi nam, maxɔ wo ɖe agbe, eye wò ahosiwo neɖo dzi ɖe ŋunye!
12
Ale Yehowa gblɔ esi: Kpɔ ɖa, amesiwo kplu la nono medze o hã, wononɛ kokoko, eye ɖe woagbe tohehe na wò ya? Matsi tomahemahe o, ke boŋ ànoe kokoko!
13
Elabena ale Yehowa gblɔ esi: Metà ɖokuinye ƒe agbe: Ne Bozra mazu ŋɔdzinu, alɔmeɖenu, aƒedo kple ɖiŋudonu, eye eƒe duwo katã nazu gbegbe mavɔ o fi!
14
Mese nya tso Yehowa nu, eye woɖo ame ɖe dukɔwo dome be: Miƒo takpli miava ɖe wo ŋu, eye mitso miakpe aʋa!
15
Elabena mewɔ wò sue le dukɔwo dome, eye medo vlo wò le amegbetɔwo dome.
16
Ŋɔdzi lé wò; wò dzi ƒe dàda ble wò, wò amesi le agatowo me, eye nètso aƒe ɖe towo ƒe tsutsuẽƒe! Ne èwɔ atɔ ɖe kɔkɔƒe abe hɔ̃ ene hã la, matutu wò aƒu anyi tso afima, Yehowa ye gblɔe!
17
Edom azu gbegbe, eye amesiame, si to eŋu yina la ƒe nu aku wòado tsia ɖe woƒe abixɔxɔwo katã ŋu.
18
Yehowa be: Amea ɖeke magatso aƒe ɖe afima o, eye amegbetɔvia ɖeke manɔ afima o, abe alesi wotrɔ Sodom kple Gomora kple woƒe aƒelikawo bu anyii ene.
19
Kpɔ ɖa, ado tso Yordan ƒe aƒlawo me abe dzata ene ahayi lãnyiƒe, si de ama ɖaa la; elabena manyãe ɖa le eŋu le aɖabaƒoƒo ɖeka me, eye amesi metia la, eya matsɔ aɖo enu. Elabena ameka de nunye, ameka akplɔm ayi ʋɔnui, eye ameka nye lãkplɔvi anɔ te ɖe nunye?
20
Eyata mise Yehowa ƒe adaŋu, si wòde ɖe Edom ŋu kple eƒe tame, si wòɖo ɖe Temantɔwo ŋu la: Vavã woakplɔ lã kudɔewo adzoe, eye woƒe lãnyiƒe ƒe nu aku ɖe wo ŋu.
21
Anyigba ʋuʋu le eƒe anyidzedze ƒe ɖiɖi ta, wose konyifaɣli le Avaƒu la nu ke.
22
Kpɔ ɖa, egbɔna abe hɔ̃ ene, eye wòadze akeke eƒe aʋala ɖe Bozra dzi, eye Edom-kalẽtɔwo ƒe dzi anɔ le ɣemaɣi abe nyɔnu, si le ku lém ƒe dzi ene.
23
Ɖe Damasko ŋu: Ŋu kpe Xamat kple Arpad; elabena wose nya vɔ̃, eye dzi ɖe le wo ƒo; ŋɔdzi le atsiaƒu nu, womate ŋu agbɔ ɖe eme o.
24
Damasko ƒe lãme tu, etrɔ hesi, eye dzidzi ƒoe; ŋɔdzi kple vevesese va edzi abe nyɔnu léku ene.
25
Aleke wogblẽ du nyɔnyɔ la, nye dzidzɔkpɔkpɔ ƒe mɔ̃ sesẽ la ɖi?
26
Eyata woƒe ɖekakpuiwo atsi woƒe kpɔdomeewo, eye woƒe aʋawɔlawo katã atsrɔ̃ gbemagbe, Yehowa ye gblɔe.
27
Eye matɔ dzo Damasko ƒe gliwo, ne wòafiã Ben-Hadad ƒe fiasãwo.
28
Ɖe Kedar kple Xazor-fiaɖuƒe, siwo Babel-fia Nebukadnezar si la ŋu: Ale Yehowa gblɔ esi: Mitso, ne miaho ɖe Kedar ŋu, eye mitsrɔ̃ ɣedzeƒeviwo.
29
Woaxɔ woƒe agbadɔwo kple alẽwo, woƒe agbadɔvɔwo kple woƒe nuwo katã, eye woakplɔ woƒe kposɔwo adzoe, woaɖo ɣli ɖe wo ŋu be: Ŋɔdzi li godoo!
30
Yehowa be: Mi Xazortɔwo, misi, afɔ nètsɔ na mi, eye miɣla mía ɖokui ɖe agu me; elabena Babel-fia de adaŋu ɖe mia ŋu, eye wòɖo ta me ɖe mia ŋu.
31
Yehowa be: Mitso, míaho ɖe dukɔ, si ɖe dzi ɖi bɔkɔɔ la ŋu, agbo kple gameti mele wo si o, eye wole aga.
32
Woƒe kposɔwo kple woƒe lã gbogboawo azu nuhaha, eye makaka akotsolawo ahlẽ ɖe yawo katã me, eye mahe dzɔgbevɔ̃e tso goawo katã me ava wo dzi, Yehowa ye gblɔe.
33
Xazor azu amegãxiwo nɔƒe, eye woazu gbegbe ɖaa, amea ɖeke matso aƒe ɖe afima o, eye amegbetɔvia ɖeke mana eme o.
34
Yehowa ƒe gbe, si va na nyagblɔɖila Yeremya ɖe Elam ŋu le Yuda-fia Zedekiya ƒe fiaɖuɖu ƒe gɔmedzedzea me la, enye si:
35
Ale Yehowa Zebaot gblɔ esi: Maŋe Elam ƒe dati, si nye woƒe ŋusẽ vevietɔ la.
36
Makplɔ ya eneawo tso dziƒo ƒe go eneawo dzi ava ƒo ɖe Elam dzi, maka wo ahlẽ ɖe ya siawo katã me, eye dukɔa ɖeke manɔ anyi, si dome Elam ƒe amewo makaka ɖo o.
37
Mana dzi naɖe le Elam ƒo le eƒe futɔwo kple eƒe kudilawo nu, mahe dzɔgbevɔ̃e, nye dɔmedzoe heliheli, ava wo dzi, eye maɖo yi ɖe wo yome, vaseɖe esime woatsrɔ̃ avɔ, Yehowa ye gblɔe!
38
Yehowa be: Mali nye fiazikpui ɖe Elam, eye matsrɔ̃ fia kple amegãwo siaa.
39
Ke magaɖo Elam te le ŋkeke mlɔeawo me, Yehowa ye gblɔe.











Yeremia 49:1
Yeremia 49:2
Yeremia 49:3
Yeremia 49:4
Yeremia 49:5
Yeremia 49:6
Yeremia 49:7
Yeremia 49:8
Yeremia 49:9
Yeremia 49:10
Yeremia 49:11
Yeremia 49:12
Yeremia 49:13
Yeremia 49:14
Yeremia 49:15
Yeremia 49:16
Yeremia 49:17
Yeremia 49:18
Yeremia 49:19
Yeremia 49:20
Yeremia 49:21
Yeremia 49:22
Yeremia 49:23
Yeremia 49:24
Yeremia 49:25
Yeremia 49:26
Yeremia 49:27
Yeremia 49:28
Yeremia 49:29
Yeremia 49:30
Yeremia 49:31
Yeremia 49:32
Yeremia 49:33
Yeremia 49:34
Yeremia 49:35
Yeremia 49:36
Yeremia 49:37
Yeremia 49:38
Yeremia 49:39






Yeremia 1 / Yer 1
Yeremia 2 / Yer 2
Yeremia 3 / Yer 3
Yeremia 4 / Yer 4
Yeremia 5 / Yer 5
Yeremia 6 / Yer 6
Yeremia 7 / Yer 7
Yeremia 8 / Yer 8
Yeremia 9 / Yer 9
Yeremia 10 / Yer 10
Yeremia 11 / Yer 11
Yeremia 12 / Yer 12
Yeremia 13 / Yer 13
Yeremia 14 / Yer 14
Yeremia 15 / Yer 15
Yeremia 16 / Yer 16
Yeremia 17 / Yer 17
Yeremia 18 / Yer 18
Yeremia 19 / Yer 19
Yeremia 20 / Yer 20
Yeremia 21 / Yer 21
Yeremia 22 / Yer 22
Yeremia 23 / Yer 23
Yeremia 24 / Yer 24
Yeremia 25 / Yer 25
Yeremia 26 / Yer 26
Yeremia 27 / Yer 27
Yeremia 28 / Yer 28
Yeremia 29 / Yer 29
Yeremia 30 / Yer 30
Yeremia 31 / Yer 31
Yeremia 32 / Yer 32
Yeremia 33 / Yer 33
Yeremia 34 / Yer 34
Yeremia 35 / Yer 35
Yeremia 36 / Yer 36
Yeremia 37 / Yer 37
Yeremia 38 / Yer 38
Yeremia 39 / Yer 39
Yeremia 40 / Yer 40
Yeremia 41 / Yer 41
Yeremia 42 / Yer 42
Yeremia 43 / Yer 43
Yeremia 44 / Yer 44
Yeremia 45 / Yer 45
Yeremia 46 / Yer 46
Yeremia 47 / Yer 47
Yeremia 48 / Yer 48
Yeremia 49 / Yer 49
Yeremia 50 / Yer 50
Yeremia 51 / Yer 51
Yeremia 52 / Yer 52