A A A A A
Facebook Instagram Twitter
Ewe Bible 1913

Yeremia 46



1
Yehowa ƒe gbe, si va na nyagblɔɖila Yeremya ɖe dukɔwo ŋu enye si:
2
Hena Egipte, ɖe Egipte-fia Farao Nexo ƒe aʋakɔ, si le Frat-tɔsisi nu le Karkemis gbɔ, eye Babel-fia Nebukadnezar sii le Yuda-fia Yoyakim, Yosiya vi ƒe ƒe enelia me la ŋu:
3
Mitsɔ akpoxɔnu gã kple via bia akpae, eye mido ɖe aʋa nu!
4
Mitsi sɔtsuwo ɖe tasiaɖam ŋu, eye miɖe sɔwo dzi, miɖo gakukuwo miado, minyre akplɔwo, eye mido gawuwo!
5
Nukaŋuti mele wo kpɔm dzidzi ƒo wo, eye wogbugbɔ ɖe megbe, wogbã woƒe kalẽtɔwo gudugudu, eye wòsi womegale megbe kpɔm o? Yehowa be: Ŋɔdzi li godoo.
6
Ame ɖeablɛ masi o, eye kalẽtɔ maɖe eɖokui o! Wotsra ɖe anyiehe le Frat-tɔsisi la to hetsi afima.
7
Ameka nye esi gbɔna abe Nil ene, eye eƒe tsiwo le tsotsom abe tɔsisiwo ene?
8
Egipte ye gbɔna abe Nil ene, eye eƒe tsiwo le tsotsom abe tɔsisiwo ene, eye wògblɔ be: Mayi aɖaɖe anyigba la, eye matsrɔ̃ duwo kple wo me nɔlawo.
9
Mi sɔwo, miɖe ta eme, mi tasiaɖamwo, minyẽ zi ɖe eme! Kalẽtɔwo neho, Kusi-viwo kple Put-viwo, amesiwo si me akpoxɔnu le, kpakple Libiatɔwo, amesiwo nye aŋutrɔdala, siwo hea da me!
10
Gbemagbe enye hlɔ̃biagbe na Aƒetɔ, Yehowa Zebaot, ne wòabia hlɔ̃ eƒe futɔwo. Yi aɖu nu aɖi ƒo, eye wòamu woƒe ʋu; elabena Aƒetɔ, Yehowa Zebaot, le vɔsaŋkekenyuie ɖum le anyiehe-nyigba dzi, le Frat-tɔsisi la nu.
11
Egipte-ɖetugbi, yi naɖatsɔ atike tso Gilead; yakatsyɔe nèle atike geɖe wɔm, mahaya akpɔ o.
12
Dukɔwo se wò ŋukpe ŋkɔ, eye wò ɣlikpɛdodo yɔ anyigba dzi fũ; elabena kalẽtɔ dze anyi ɖe kalẽtɔ dzi, eye wo kple eve la siaa wotsi.
13
Yehowa ƒe nya, si wògblɔ na nyagblɔɖila Yeremya be, Babel-fia Nebukadnezar gbɔna Egipte-nyigba si ge la, enye si:
14
Mido kpo le Egipte, miɖe gbe ƒã le Migdol, eye miɖe gbe ƒã le Nof kple Taxpanxes! Migblɔ bena: Tso nadzra ɖokuiwò ɖo, elabena yi le nu ɖum le ŋuwò godoo.
15
Nukaŋuti wò ŋusẽtɔwo ɖo baba ɖe anyi? Womenɔ te o, elabena Yehowa ye tutu wo ƒu anyi.
16
Ena ame geɖewo kli nu, eye wodze anyi ɖe wo nɔewo dzi hegblɔ bena: Mina míagbugbɔ ayi míaƒe dukɔ gbɔ kple anyigba, si dzi wodzi mí ɖo la dzi, tso yi wuame la nu!
17
Miyɔ Egipte-fia Farao be „hohohodola, si ɖea ŋu ɖi le ɣeyiɣi nyuitɔ ŋu.“
18
Ale fia, si ŋkɔ nye Yehowa Zebaot la, gblɔ esi: Metà ɖokuinye ƒe agbe: Ava abe alesi Tabor le towo dome, eye Karmel le atsiaƒu nu ene.
19
Egipte-nyɔnuvi, do mɔzɔgba na ɖokuiwò; elabena Nof azu aƒedo, eye woagblẽe, ame navɔ le eme.
20
Nyinɔvi enye Egipte. Adzɔ̃e tso anyiehe gbɔna.
21
Amedzro, siwo nye asrafowo le wo dome, hã le abe nyivi dami ene; wo katã trɔ megbe hesi, eye womenɔ te o; elabena woƒe dzɔgbevɔ̃egbe, woƒe toheɣi va wo dzi.
22
Woƒe zinyenyẽ le abe da, si le sisim la tɔ ene; elabena wogbɔna kple aʋakɔ, eye wole fiavi ɖe asi ƒo ɖe edzi abe atilãla ene.
23
Yehowa be: Woaƒo eƒe ave, si ɖo kpekpekpe, elabena wosɔ gbɔ wu ʋetsuviwo, eye womelé xexlẽ me o.
24
Ŋukpe lé Egipte-nyɔnuvi, elabena wotsɔe de asi na anyiehe dukɔ.
25
Yehowa Zebaot, Israel ƒe Mawu la be: Mahe to na Amon le No, na Farao, na Egipte kple eƒe mawuwo kple eƒe fiawo kpakple amesiwo le dzi ɖom ɖe Farao ŋu la.
26
Matsɔ ade asi na eƒe kudilawo kple Babel-fia Nebukadnezar kpakple eƒe dɔlawo; ke emegbe la ame aganɔ edzi abe tsã ene. Yehowa ye gblɔe.
27
Ke wò, nye dɔla Yakob, megavɔ̃ o, eye Israel, dzi megaɖe le ƒowò o; elabena maɖe wò atso didiƒe kple viwòwo atso woƒe aboyonyigba dzi; Yakob atrɔ agbɔ, ava no anyi aɖe dzi ɖi bɔkɔɔ, eye amea ɖeke mado voɖi nɛ o.
28
Yehowa be: Wò, nye dɔla Yakob, megavɔ̃ o; elabena meli kpli wò, eye matsrɔ̃ dukɔ, siwo katã dome menyã wò ɖo ɖo la gbidigbidi; ke wò la, nyematsrɔ̃ wò keŋ o; nyemagbe tohehe na wò o, ke boŋ mahe to na wò ɖe ɖoɖo la nu.











Yeremia 46:1
Yeremia 46:2
Yeremia 46:3
Yeremia 46:4
Yeremia 46:5
Yeremia 46:6
Yeremia 46:7
Yeremia 46:8
Yeremia 46:9
Yeremia 46:10
Yeremia 46:11
Yeremia 46:12
Yeremia 46:13
Yeremia 46:14
Yeremia 46:15
Yeremia 46:16
Yeremia 46:17
Yeremia 46:18
Yeremia 46:19
Yeremia 46:20
Yeremia 46:21
Yeremia 46:22
Yeremia 46:23
Yeremia 46:24
Yeremia 46:25
Yeremia 46:26
Yeremia 46:27
Yeremia 46:28






Yeremia 1 / Yer 1
Yeremia 2 / Yer 2
Yeremia 3 / Yer 3
Yeremia 4 / Yer 4
Yeremia 5 / Yer 5
Yeremia 6 / Yer 6
Yeremia 7 / Yer 7
Yeremia 8 / Yer 8
Yeremia 9 / Yer 9
Yeremia 10 / Yer 10
Yeremia 11 / Yer 11
Yeremia 12 / Yer 12
Yeremia 13 / Yer 13
Yeremia 14 / Yer 14
Yeremia 15 / Yer 15
Yeremia 16 / Yer 16
Yeremia 17 / Yer 17
Yeremia 18 / Yer 18
Yeremia 19 / Yer 19
Yeremia 20 / Yer 20
Yeremia 21 / Yer 21
Yeremia 22 / Yer 22
Yeremia 23 / Yer 23
Yeremia 24 / Yer 24
Yeremia 25 / Yer 25
Yeremia 26 / Yer 26
Yeremia 27 / Yer 27
Yeremia 28 / Yer 28
Yeremia 29 / Yer 29
Yeremia 30 / Yer 30
Yeremia 31 / Yer 31
Yeremia 32 / Yer 32
Yeremia 33 / Yer 33
Yeremia 34 / Yer 34
Yeremia 35 / Yer 35
Yeremia 36 / Yer 36
Yeremia 37 / Yer 37
Yeremia 38 / Yer 38
Yeremia 39 / Yer 39
Yeremia 40 / Yer 40
Yeremia 41 / Yer 41
Yeremia 42 / Yer 42
Yeremia 43 / Yer 43
Yeremia 44 / Yer 44
Yeremia 45 / Yer 45
Yeremia 46 / Yer 46
Yeremia 47 / Yer 47
Yeremia 48 / Yer 48
Yeremia 49 / Yer 49
Yeremia 50 / Yer 50
Yeremia 51 / Yer 51
Yeremia 52 / Yer 52