A A A A A
Facebook Instagram Twitter
Ewe Bible 1913

Yeremia 40



1
Yehowa ƒe gbe va na Yeremya, esime fia ŋu srafowo ƒe amegã Nebuzaradan ɖee tso Yerusalem kple Yuda ƒe aboyome, siwo wokplɔ yina Babel la dome; eɖe ga le eŋu, eye wòɖe asi le eŋu le Rama la.
2
Eye fia ŋu srafowo ƒe amegã na wokplɔ Yeremya vɛ, eye wògblɔ ne bena: Yehowa, wò Mawu, gblɔ dzɔgbevɔ̃e sia ɖe teƒe sia ŋu.
3
Yehowa na wòva me, eye wòwɔ abe alesi wògblɔ ene, elabena miewɔ nuvɔ̃ ɖe Yehowa ŋu, eye mieɖo to eƒe gbe o, eyata nusia dzɔ ɖe mia dzi ɖo.
4
Azɔ kpɔ ɖa, meɖe ga le wò alɔ ŋu egbe; ne edze ŋuwò nèbe, yeayi Babel kplim la, va miyi, eye nye ŋku anɔ ŋuwò; ke ne medze ŋuwò be, nayi Babel kplim o la, ekema nɔ anyi; kpɔ ɖa, anyigba blibo la le ŋkuwò me, afisi nyo ŋuwò nebe, yeayi la, yi gama.
5
Ke esi tɔtrɔ mele lãme sẽm nɛ o la, egblɔ nɛ bena: Gbugbɔ yi Gedalya, Safan vi Axikam ƒe vi, amesi Babel-fia tsɔ ɖo Yuda-duwo nu la gbɔ, eye nanɔ egbɔ le dukɔ la dome, alo yi afisiafi, si dze ŋuwò nèbe, yeayi. Eye fia ŋu srafowo ƒe amegã la tsɔ mɔ dzi nuɖuɖu kple nunana nɛ, eye wòdo mɔe wòdzo.
6
Ale Yeremya va Gedalya, Axikam vi la gbɔ le Mizpa, eye wònɔ dukɔ, si kpɔtɔ ɖe anyigba dzi la dome.
7
Esi aʋafia, siwo katã ga le aʋagbe me kple woƒe aʋawɔlawo la, se be, Babel-fia tsɔ Gedalya, Axikam vi, ɖo anyigba la nu, eye wotsɔ ŋutsuwo, nyɔnuwo kple ɖeviwo kple anyigba dzi ame dahe, siwo womekplɔ yi Babel o la, de esi me la,
8
woawo kple woƒe amehawo va Gedalya gbɔ le Mizpa: Ismael, Netanya vi, Yoxanan kple Yonatan, Kareax viwo, Seraya, Tanxumet vi, kple Netofatitɔ Efai viwo kpakple Yezanya, Maaxatitɔ la vi.
9
Eye Gedalya, Safan vi Axikam ƒe vi, ka atam na wo kple woƒe amehawo gblɔ bena: Kaldeatɔwo subɔsubɔ megadzi ŋɔ na mi o; mitsi anyigba la dzi, eye misubɔ Babel-fia, ekema eme anyo na mi.
10
Ke nye la manɔ Mizpa, ne matsi tre de Kaldeatɔ, siwo ava mía gbɔ la ŋku me. Miawo la miƒo wein, kutsetse kple ami nu ƒu tsɔ ɖe miaƒe nuwo me, eye minɔ miaƒe du, siwo miexɔ la me.
11
Eye Yudatɔ, siwo katã le Moab kple Amonitɔwo dome kple Edom kpakple anyigba katã dzi la hã se be, Babel-fia susɔ amewo ɖe Yuda, eye wotsɔ Gedalya, Safan vi Axikam ƒe vi, ɖo wo nu.
12
Tete Yudatɔwo katã trɔ gbɔ tso teƒe, siwo katã wokaka hlẽ ɖo la, heva Yuda-nyigba dzi le Gedalya gbɔ le Mizpa, eye woƒo wein kple kutsetse nu ƒu kpaŋkpaŋ.
13
Eye Yoxanan, Kareax vi, kple aʋafia, siwo katã nɔ aʋagbe me la, va Gedalya gbɔ le Mizpa
14
hegblɔ nɛ bena: Mènyae be, ɖe Amonitɔwo ƒe fia Baalis dɔ Ismael, Netanya vi la ɖa be, woawu wò oa? Ke Gedalya, Axikam vi la, mexɔ wo dzi se o.
15
Eye Yoxanan, Kareax vi la, gblɔ na Gedalya le adza me le Mizpa bena: Mayi, ne maɖawu Ismael, Netanya vi la, eye amea ɖeke manyae o. Nukaŋuti woawu wò, ne Yudatɔ, siwo katã ƒo ƒu ɖe ŋuwò la, naka ahlẽ, eye Yuda ƒe ame susɔeawo natsrɔ̃?
16
Gedalya, Axikam vi la, ɖo ŋu na Yoxanan, Kareax vi bena: Megawɔ nusia o, elabena alakpa dam nèle ɖe Ismael si.











Yeremia 40:1
Yeremia 40:2
Yeremia 40:3
Yeremia 40:4
Yeremia 40:5
Yeremia 40:6
Yeremia 40:7
Yeremia 40:8
Yeremia 40:9
Yeremia 40:10
Yeremia 40:11
Yeremia 40:12
Yeremia 40:13
Yeremia 40:14
Yeremia 40:15
Yeremia 40:16






Yeremia 1 / Yer 1
Yeremia 2 / Yer 2
Yeremia 3 / Yer 3
Yeremia 4 / Yer 4
Yeremia 5 / Yer 5
Yeremia 6 / Yer 6
Yeremia 7 / Yer 7
Yeremia 8 / Yer 8
Yeremia 9 / Yer 9
Yeremia 10 / Yer 10
Yeremia 11 / Yer 11
Yeremia 12 / Yer 12
Yeremia 13 / Yer 13
Yeremia 14 / Yer 14
Yeremia 15 / Yer 15
Yeremia 16 / Yer 16
Yeremia 17 / Yer 17
Yeremia 18 / Yer 18
Yeremia 19 / Yer 19
Yeremia 20 / Yer 20
Yeremia 21 / Yer 21
Yeremia 22 / Yer 22
Yeremia 23 / Yer 23
Yeremia 24 / Yer 24
Yeremia 25 / Yer 25
Yeremia 26 / Yer 26
Yeremia 27 / Yer 27
Yeremia 28 / Yer 28
Yeremia 29 / Yer 29
Yeremia 30 / Yer 30
Yeremia 31 / Yer 31
Yeremia 32 / Yer 32
Yeremia 33 / Yer 33
Yeremia 34 / Yer 34
Yeremia 35 / Yer 35
Yeremia 36 / Yer 36
Yeremia 37 / Yer 37
Yeremia 38 / Yer 38
Yeremia 39 / Yer 39
Yeremia 40 / Yer 40
Yeremia 41 / Yer 41
Yeremia 42 / Yer 42
Yeremia 43 / Yer 43
Yeremia 44 / Yer 44
Yeremia 45 / Yer 45
Yeremia 46 / Yer 46
Yeremia 47 / Yer 47
Yeremia 48 / Yer 48
Yeremia 49 / Yer 49
Yeremia 50 / Yer 50
Yeremia 51 / Yer 51
Yeremia 52 / Yer 52