A A A A A
Facebook Instagram Twitter
Ewe Bible 1913

Yeremia 37



1
Eye Zedekiya, Yosiya vi, zu fia ɖe Xonya, Yoyakim vi teƒe; elabena Babel-fia Nebukadnezar tsɔe ɖo fia ɖe Yuda-nyigba dzii.
2
Ke eya kple eƒe dɔlawo kple anyigba dzi dukɔ la meɖo to Yehowa ƒe nya, si wògblɔ to nyagblɔɖila Yeremya dzi la o.
3
Eye fia Zedekiya ɖɔ Yuxal, Selemya vi, kple nunɔla Zefanya, Maaseya vi, ɖo ɖe nyagblɔɖila Yeremya, ne woagblɔ nɛ bena: Ɖe kuku na Yehowa, mia Mawu, ɖe mía ta!
4
Yeremya dona yia dukɔ la dome gagbɔna, elabena womedee gaxɔ me o.
5
Ke esi Farao ƒe aʋakɔ ho tso Egipte, eye Kaldeatɔ, siwo ɖe to ɖe Yerusalem la, se wo ŋkɔ la, wotu dzo le Yerusalem ŋu.
6
Tete Yehowa ƒe gbe va na nyagblɔɖila Yeremya bena:
7
Ale Yehowa, Israel ƒe Mawu la, gblɔ esi: Miɖagblɔ na Yuda-fia, si dɔ mi ɖe gbɔnye be, miabia gbem ase la bena: Kpɔ ɖa, Farao ƒe aʋakɔ, si ho, be yeaxɔ na mi la, agagbugbɔ ayi wo de Egipte,
8
eye Kaldeatɔwo agbugbɔ ava wɔ aʋa kple du sia, woaxɔe, eye woatɔ dzoe.
9
Yehowa be: Migano mia ɖokui ɖum anɔ gbɔgblɔm be: Kaldeatɔwo adzo le mía ŋu kokoko o; elabena womelé tutu ge adzo o.
10
Elabena ne miasi Kaldeatɔwo ƒe aʋakɔ blibo, si le aʋa wɔm kpli mi la, eye abixɔlawo ko akpɔtɔ ɖe wo dome hã la, wo dome amesiame atso le eƒe agbadɔ me ato dzo du sia.
11
Eye wòva me be, esime Kaldeatɔwo ƒe aʋakɔ dzo le Yerusalem ŋu le Farao ƒe aʋakɔa ta la,
12
Yeremya do tso Yerusalem, be yeayi Benyamin-nyigba dzi, ne yeaxɔ yeƒe gome ɖe yeƒe dukɔ dome.
13
Eye esi wòɖo Benyamin-gbo nu la, Xananya vi Selemya ƒe vi Yiriya, amesi nye dzɔlawo ƒe amegã la, le afima, eye wòlé nyagblɔɖila Yeremya gblɔ bena: Kaldeatɔwo dzi nèbe, yeayi.
14
Yeremya ɖo ŋu be: Aʋatsoe, nyemebe, mayi Kaldeatɔwo dzi o! Ke Yiriya medo toe o, eye wòlé Yeremya hekplɔe yi amegãwo gbɔe.
15
Tete amegãwo do dɔmedzoe ɖe Yeremya ŋu, eye woƒoe hetsɔe de gaxɔ me ɖe agbalẽŋlɔla, Yonatan ƒe xɔ, si wotsɔ wɔ gaxɔe la me.
16
Ale Yeremya va gaxɔ, si nye domexɔ la me, eye Yeremya tsi afima ŋkeke geɖe.
17
Eye fia Zedekiya dɔ ame woɖakplɔe vɛ, eye fia la biae le adza me le eƒe me gblɔ bena: Yehowa ƒe gbea ɖe lia? Yeremya ɖo ŋu be: Ẽ! Eye wògblɔ bena: Wole tsɔ wò ge ade asi na Babel-fia!
18
Eye Yeremya gblɔ na fia Zedekiya bena: Nuvɔ̃ ka mewo ɖe mia kple wò dɔlawo kple dukɔ sia ŋu, hafi mietsɔm ɖe ga me?
19
Eye afika miaƒe nyagblɔɖila, siwo gblɔ nya ɖi na mi bena, Babel-fia mava ƒo ɖe mia kple anyigba sia dzi o la le?
20
Azɔ nye aƒetɔ fia nesee, metsɔ kokoƒoƒo baba ɖokuinye ɖe anyi le ŋkuwò me be, megagbugbɔm yi agbalẽŋlɔla Yonatan ƒe xa me, ne maku ɖe afima o.
21
Tete fia Zedekiya de se be, woadzɔ Yeremya ŋu le dzɔlawo ƒe xɔxɔnu, eye wotsɔa abolo ɖeka nɛ gbesiagbe tso aboloƒolawo ƒe ablɔ me, vaseɖe esime woɖu abolowo katã wòvɔ le dua me. Eye Yeremya tsi dzɔlawo ƒe xɔxɔnu.











Yeremia 37:1
Yeremia 37:2
Yeremia 37:3
Yeremia 37:4
Yeremia 37:5
Yeremia 37:6
Yeremia 37:7
Yeremia 37:8
Yeremia 37:9
Yeremia 37:10
Yeremia 37:11
Yeremia 37:12
Yeremia 37:13
Yeremia 37:14
Yeremia 37:15
Yeremia 37:16
Yeremia 37:17
Yeremia 37:18
Yeremia 37:19
Yeremia 37:20
Yeremia 37:21






Yeremia 1 / Yer 1
Yeremia 2 / Yer 2
Yeremia 3 / Yer 3
Yeremia 4 / Yer 4
Yeremia 5 / Yer 5
Yeremia 6 / Yer 6
Yeremia 7 / Yer 7
Yeremia 8 / Yer 8
Yeremia 9 / Yer 9
Yeremia 10 / Yer 10
Yeremia 11 / Yer 11
Yeremia 12 / Yer 12
Yeremia 13 / Yer 13
Yeremia 14 / Yer 14
Yeremia 15 / Yer 15
Yeremia 16 / Yer 16
Yeremia 17 / Yer 17
Yeremia 18 / Yer 18
Yeremia 19 / Yer 19
Yeremia 20 / Yer 20
Yeremia 21 / Yer 21
Yeremia 22 / Yer 22
Yeremia 23 / Yer 23
Yeremia 24 / Yer 24
Yeremia 25 / Yer 25
Yeremia 26 / Yer 26
Yeremia 27 / Yer 27
Yeremia 28 / Yer 28
Yeremia 29 / Yer 29
Yeremia 30 / Yer 30
Yeremia 31 / Yer 31
Yeremia 32 / Yer 32
Yeremia 33 / Yer 33
Yeremia 34 / Yer 34
Yeremia 35 / Yer 35
Yeremia 36 / Yer 36
Yeremia 37 / Yer 37
Yeremia 38 / Yer 38
Yeremia 39 / Yer 39
Yeremia 40 / Yer 40
Yeremia 41 / Yer 41
Yeremia 42 / Yer 42
Yeremia 43 / Yer 43
Yeremia 44 / Yer 44
Yeremia 45 / Yer 45
Yeremia 46 / Yer 46
Yeremia 47 / Yer 47
Yeremia 48 / Yer 48
Yeremia 49 / Yer 49
Yeremia 50 / Yer 50
Yeremia 51 / Yer 51
Yeremia 52 / Yer 52