A A A A A
Facebook Instagram Twitter
Ewe Bible 1913

Yeremia 32



1
Yehowa ƒe gbe, si va na Yeremya le Yuda-fia Zedekiya ƒe ƒe ewolia, si nye Nebukadnezar ƒe ƒe wuienyilia me la, enye si:
2
Ɣemaɣi Babel-fia ƒe aʋakɔ ɖe to ɖe Yerusalem, eye wode nyagblɔɖila Yeremya gaxɔ ɖe dzɔlawo ƒe xɔxɔnu, si le Yuda-fia ƒe me.
3
Elabena Yuda-fia Zedekiya ye dee gaxɔ me gblɔ bena: Nukaŋuti nègblɔ nya ɖi be: „Ale Yehowa gblɔ esi: Kpɔ ɖa, matsɔ du sia ade asi na Babel-fia, eye wòaxɔe;
4
Yuda-fia Zedekiya mage le Kaldeatɔwo si me o, ke boŋ woatsɔe ade asi na Babel-fia kokoko, eye wo kpakplii woaƒo nu kple wo nɔewo, eye woakpɔ wo nɔewo ŋku me;
5
akplɔ Zedekiya ayi Babel, eye wòatsi afima, vaseɖe esime maɖo ŋku edzi, Yehowa ye gblɔe; ne miewɔ aʋa kple Kaldeatɔwo la, madze edzi na mi o.“
6
Eye Yeremya gblɔ be: Yehowa ƒe gbe va gbɔnye bena:
7
Kpɔ ɖa, tɔwòɖia Salum vi Xanameel le gbɔwò va ge agblɔ na wò bena: Xɔ nye agble, si le Anatot la ƒle, elabena wò nya wònye, be naxɔe aƒle.
8
Tete tɔnyeɖia vi Xanameel va gbɔnye le dzɔlawo ƒe xɔxɔnu, abe alesi Yehowa gblɔ ene, eye wògblɔ nam bena: Xɔ nye agble, si le Anatot le Benyamin-nyigba dzi la ƒle, elabena tɔwòe nye domenyinyi la, eye exɔxɔ la, wò nya wònye; xɔe ƒle. Eye medze sii bena, Yehowa ƒe nya wònye.
9
Ale meƒle agble, si le Anatot la le tɔnyeɖia vi Xanameel si, eye meda klosalo sekel wuiadre nɛ.
10
Meŋlɔe ɖe agbalẽ me, eye metre enu, meɖe ɖasefowo, eye meda ga la le nudanu me.
11
Eye metsɔ asinyigbalẽ, si nu wotre, kple esi le ʋuʋu, seawo kple ɖoɖoawo
12
de asi na Maxseya vi Neriya ƒe vi Barux le nye tɔɖia-yɔvi Xanameel kple ɖasefoawo, amesiwo ŋlɔ ŋkɔ ɖe asinyigbalẽa te la ŋku me kpakple le Yudatɔ, siwo katã le dzɔlawo ƒe xɔxɔnua la ŋku me,
13
eye mede se na Barux le wo ŋku me bena;
14
Ale Yehowa Zebaot, Israel ƒe Mawu la, gblɔ esi: Tsɔ agbalẽ siawo, asinyigbalẽ, si nu wotre kple esi le ʋuʋu la siaa de ze me, ne woanɔ anyi eteƒe nadidi.
15
Elabena ale Yehowa Zebaot, Israel ƒe Mawu la, gblɔ esi: Woagaƒle xɔwo, agblewo kple weingblewo le anyigbã sia dzi.
16
Eye esi metsɔ asinyigbalẽ la na Barux, Neriya vi la megbe la, medo gbe ɖa na Yehowa gblɔ bena:
17
Oo, Aƒetɔ Yehowa, ètsɔ wò ŋusẽ gã kple wò alɔ, si le dzi la, wo dziƒo kple anyigba, naneke mekpe na wò akpa o,
18
wò amesi ve ame akpe nanewo nu, eye neɖo fofowo ƒe yodadawo teƒe ɖe akɔ me na wo viwo le wo megbe, wò Mawu gã ŋusẽtɔ, si ŋkɔ nye Yehowa Zebaot;
19
amesi ƒe aɖaŋudede kpe, eye eƒe nuwɔwɔ sɔ gbɔ, wò amesi ƒe ŋkuwo le te ɖe amegbetɔviwo ƒe mɔwo katã ŋu, ne nawɔ na amesiame le eƒe mɔwo kple eƒe nuwɔnawo ƒe kutsetse nu;
20
wò amesi wɔ dzesiwo kple nukunuwo le Egipte-nyigba dzi ɖe Israel kple amegbetɔwo siaa nu vaseɖe egbe, eye nède ŋkɔ ɖokuiwò ŋu, abe alesi wòle egbe siawo ene,
21
etso dzesiwo kple nukunuwo, asi sesẽ kple alɔ, si le dzi, kpakple ŋɔdzi gã kplɔ wò dukɔ tso Egipte-nyigba dzi,
22
eye nètsɔ anyigba sia na wo, si ŋu nèka atam ɖo na wo fofowo be, yeatsɔ anyigba, si dzi notsi kple anyitsi ba ɖo la, na wo.
23
Eye wova hexɔe wònye wo tɔ, ke wogbe toɖoɖo wò gbe, womezɔ ɖe wò seawo nu o, eye womewɔ nusiwo katã ŋu nèɖe se le na wo la o; eyata nèna dzɔgbevɔ̃e siawo katã va wo dzi ɖo.
24
Kpɔ ɖa, kpoƒuƒu va keke dua ŋu ke, ne woaxɔe, eye woatsɔ du la ade asi na Kaldeatɔ, siwo le aʋa wum kplii, le yi, dɔwuame kple dɔvɔ̃ ta; nya, si nègblɔ la, va me, eye nèle ekpɔm tso,
25
hafi wò, Aƒetɔ Yehowa, nègagblɔ nam be: Tsɔ klosalo naƒle agblee, eye naɖo ɖasefowo eŋu, evɔ wònye wole du la tsɔ ge ade asi na Keldeatɔwo hafi!
26
Tete Yehowa fe gbe va na Yeremya bena:
27
Kpɔ ɖa, nyee nye Yehowa, ŋutilãwo katã ƒe Mawu; ɖe mado kpo nanea?
28
Eyata ale Yehowa gblɔ esi: Kpɔ ɖa, matsɔ du sia ade asi na Kaldeatɔwo kple Babel-fia Nebukadnezar, ne wòaxɔe.
29
Eye Kaldeatɔ, siwo le aʋa wɔm kple du sia la, age ɖe eme, woatɔ dzo du sia, eye eya kple xɔ, siwo ta me wodo dzudzɔ na Baal, eye woƒo tsi ɖe anyi na mawu tutɔwo le, ne woatsɔ ado dzikui nam la, afiã.
30
Elabena Israel-viwo kple Yuda-viwo le nu vɔ̃ɖi ɖeɖe sɔŋ wɔwɔ dzi le ŋkunye me tso woƒe ɖevime ke, elabena Israel-viwo tso woƒe asinudɔwɔwɔwo do dziku nam, Yehowa ye gblɔe.
31
Elabena du sia do dɔmedzoe kple dziku nam tso gbesigbe wotsoe vaseɖe egbe, ale be mele eɖe ge ɖa le ŋkunye me kokoko,
32
le Israel-viwo kple Yuda-viwo, woƒe fiawo kple woƒe amegãwo, woƒe nunɔlawo kple woƒe nyagblɔɖilawo, Yuda-ŋutsuwo kple Yerusalemtɔwo ƒe nu vɔ̃ɖi, siwo katã wowɔ, ne woatsɔ ado dzikui nam la ta.
33
Wotrɔ ʋume dem, eye menye ŋku me o, womeɖo to o, eye wodo toku ameɖeɖe, evɔ wònye wòfiã nu wo ɖaa atraɖi hafi.
34
Wotsɔ woƒe ŋunyɔnuwo ɖo aƒe, si ŋu woyɔ nye ŋkɔ ɖo la me, ne woagblẽ kɔ ɖo nɛ.
35
Wowɔ nuxeƒewo na Baal ɖe Ben-Hinom-bali la me, ne wòakɔ woƒe ŋutsuviwo kple woƒe nyɔnuviwo ŋu na Molox, nusi nyemeɖo na wo alo wòayi nye ta me va ge, be woawo ŋunyɔnu sia ahatsɔ ble Yuda ade nuvɔ̃ me o.
36
Eyata ale Yehowa, Israel ƒe Mawu la, gblɔ ɖe ɖu, si ŋu miawo miele gbɔgblɔm le be, woatsɔe ade asi na Babel-fia to yi dɔwuame kple dɔvɔ̃ dzi la ŋuti enye si:
37
Kpɔ ɖa, maƒo wo nu ƒu atso anyigbawo katã dzi, afisi menyã wo ɖo ɖo le nye dɔmedzoe kple nye dziku kpakple nye nyanyrã gã me, magakplɔ wo ava teƒe sia, eye woanɔ anyi bɔkɔɔ,
38
woanye dukɔ nam, eye manye Mawu na wo.
39
Mana dzi ɖeka kple mɔ ɖeka wo, ne woavɔ̃m ɣeawo katã ɣi hena woawo ŋutɔ kple wo megbeviwo ƒe nyuie.
40
Mabla nu mavɔ kpli wo, ale be nyemadzudzɔ nyuiwɔwɔ na wo o. Made ŋunye vɔvɔ̃ woƒe dzi me, be womagate ɖa le ŋunye o.
41
Makpɔ dzidzɔ le nyuiwɔwɔ na wo ŋu, eye made woƒe agunu to ɖe anyigba sia dzi le nyateƒe me tso nye dzi blibo kple nye luʋɔ blibo me.
42
Elabena ale Yehowa gblɔ esi: Alesi mehe dzɔgbevɔ̃e gã siawo katã va dukɔ sia dzii la, nenema ke mahe nyui, siwo katã ŋu meƒo nu le la, ava wo dzii.
43
Eye woagaƒle agble le anyigba sia, si ŋu miawo miele gbɔgblɔm le be, ezu gbegbe, elabena amegbetɔ kple lãwo megali o, eye wotsɔe de asi na Kaldeatɔwo la dzi.
44
Woagatsɔ ga aƒle agblewoe le Benyamin-nyigba dzi kple Yerusalem-nutowo me le Yuda-duwo kple to dzi duwo me, le bali me duwo kple dzieheduwo me, woade wo agbalẽ me, eye woatre enu ahaɖo ɖasefowo wo ŋu; elabena magaɖo wo te, Yehowa ye gblɔe.











Yeremia 32:1
Yeremia 32:2
Yeremia 32:3
Yeremia 32:4
Yeremia 32:5
Yeremia 32:6
Yeremia 32:7
Yeremia 32:8
Yeremia 32:9
Yeremia 32:10
Yeremia 32:11
Yeremia 32:12
Yeremia 32:13
Yeremia 32:14
Yeremia 32:15
Yeremia 32:16
Yeremia 32:17
Yeremia 32:18
Yeremia 32:19
Yeremia 32:20
Yeremia 32:21
Yeremia 32:22
Yeremia 32:23
Yeremia 32:24
Yeremia 32:25
Yeremia 32:26
Yeremia 32:27
Yeremia 32:28
Yeremia 32:29
Yeremia 32:30
Yeremia 32:31
Yeremia 32:32
Yeremia 32:33
Yeremia 32:34
Yeremia 32:35
Yeremia 32:36
Yeremia 32:37
Yeremia 32:38
Yeremia 32:39
Yeremia 32:40
Yeremia 32:41
Yeremia 32:42
Yeremia 32:43
Yeremia 32:44






Yeremia 1 / Yer 1
Yeremia 2 / Yer 2
Yeremia 3 / Yer 3
Yeremia 4 / Yer 4
Yeremia 5 / Yer 5
Yeremia 6 / Yer 6
Yeremia 7 / Yer 7
Yeremia 8 / Yer 8
Yeremia 9 / Yer 9
Yeremia 10 / Yer 10
Yeremia 11 / Yer 11
Yeremia 12 / Yer 12
Yeremia 13 / Yer 13
Yeremia 14 / Yer 14
Yeremia 15 / Yer 15
Yeremia 16 / Yer 16
Yeremia 17 / Yer 17
Yeremia 18 / Yer 18
Yeremia 19 / Yer 19
Yeremia 20 / Yer 20
Yeremia 21 / Yer 21
Yeremia 22 / Yer 22
Yeremia 23 / Yer 23
Yeremia 24 / Yer 24
Yeremia 25 / Yer 25
Yeremia 26 / Yer 26
Yeremia 27 / Yer 27
Yeremia 28 / Yer 28
Yeremia 29 / Yer 29
Yeremia 30 / Yer 30
Yeremia 31 / Yer 31
Yeremia 32 / Yer 32
Yeremia 33 / Yer 33
Yeremia 34 / Yer 34
Yeremia 35 / Yer 35
Yeremia 36 / Yer 36
Yeremia 37 / Yer 37
Yeremia 38 / Yer 38
Yeremia 39 / Yer 39
Yeremia 40 / Yer 40
Yeremia 41 / Yer 41
Yeremia 42 / Yer 42
Yeremia 43 / Yer 43
Yeremia 44 / Yer 44
Yeremia 45 / Yer 45
Yeremia 46 / Yer 46
Yeremia 47 / Yer 47
Yeremia 48 / Yer 48
Yeremia 49 / Yer 49
Yeremia 50 / Yer 50
Yeremia 51 / Yer 51
Yeremia 52 / Yer 52