A A A A A
Facebook Instagram Twitter
Ewe Bible 1913

Yeremia 31



1
Yehowa be: Le ɣemaɣi la manye Mawu na Israel ƒe ƒomeawo katã, eye woawo anye dukɔ nam.
2
Ale Yehowa gblɔ esi: Dukɔ, si susɔ tso yi nu la, kpɔ amenuveve le gbea dzi. Tso nakplɔ Israel ayi gbɔɖemeƒee!
3
Yehowa ɖe eɖokui fiãm le didiƒe. Metsɔ lɔlɔ̃ mava lɔ̃ wò, eyata meɖo amenuveve ɖi na wò didie alea.
4
Ɖetugbi Israel, magatso wò, eye natsi tsotso; àgakpla wò asiʋuiwo, eye aɖo dzidzɔkpɔlawo ƒe to me;
5
woagade weingble ɖe Samaria-towo dzi; amesi wo de wo la, woaɖu wo me kutsetse.
6
Elabena ŋkeke li gbɔna, eye dzɔlawo ado ɣli le Efrayim-towo dzi bena: Mitso, ne míayi Yehowa, mía Mawu la gbɔ le Zion.
7
Elabena ale Yehowa gblɔ esi: Mido dzidzɔɣli ɖe Yakob ŋu, eye mitso aseye ɖe dukɔwo ƒe ta ŋu! Mina kafukafuha naɖi, eye migblɔ be: Yehowa, xɔ na wò dukɔ, na Israel mamlea!
8
Kpɔ ɖa, makplɔ wo tso anyiehe-nyigba dzi, eye maƒo wo nu ƒu tso anyigba ƒe dzogoewo dzi, ŋkunɔwo, xɔdrɔ̃wo, funɔwo kple vinɔwo siaa anɔ wo dome, woanɔ ha gãwo me agbɔ va afisia.
9
Woanɔ avi dzi ava, eye woanɔ koko ƒom makplɔ wo vɛ; makplɔ wo alo ma dzɔdzɔe, si dzi womakli nu le o la dzi ayi toʋuwo toe; elabena fofo menye na Israel, eye Efrayim la, vinye ŋgɔgbea ye.
10
Mi dukɔwo, mise Yehowa ƒe nya, mitoe le ƒukpowo dzi le didiƒe gblɔ bena: Eya, amesi kaka Israel hlẽ la, agaƒo enu ƒu, eye wòanyii, abe alesi lãkplɔvi nyia lãhae ene.
11
Elabena Yehowa xa Yakob ƒle, eye wòɖee tso ŋusẽtɔ si me.
12
Woava atso aseye le Zion ƒe togbɛ dzi, eye woanye zi ɖe Yehowa ƒe nu nyuiwo dzi, ɖe lu, wein kple ami, alẽviwo kple nyiwo dzi, woƒe luʋɔ anɔ abe abɔ, si wode tsii ene, eye nu magati kɔ na wo azɔ o.
13
Emegbe la ɖetugbiwo, ɖekakpuiwo kple ame tsitsiwo siaa aɖu ɣe akpɔ dzidzɔ; matrɔ woƒe nuxaxa wòazu dzidzɔ, mafa akɔ na wo, eye mado dzidzɔ na wo le woƒe konyifafa megbe;
14
matsɔ ami aɖi ƒo na nunɔlawo, eye maɖi ƒo na nye dukɔ la kple nye nu nyuiwo, Yehowa ye gblɔe.
15
Ale Yehowa gblɔ esi: Wose konyifagbe le Rama kple avifafa vevie, Raxel le fafam na viawo, eye wogbe be, womegafa akɔ na ye le ye viwo ŋuti o, le esi womegali o la ta.
16
Ale Yehowa gblɔ esi: Tsri avifafa na wò gbe kple aɖatsi na wò ŋkuwo; elabena fetu li na wò dɔwɔwɔ, eye woagatrɔ agbɔ tso futɔwo ƒe anyigba dzi, Yehowa ye gblɔe.
17
Yehowa be: Mɔkpɔkpɔ le wò ŋkeke, siwo gbɔna la ŋu, eye ɖeviawo agatrɔ va woƒe anyigba dzi,
18
Mese Efrayim le nu xam xoxo be: „Ehe to nam, eye mena nèhe to nam abe nyivi, si womemlã o la ene; gakplɔm gbɔe, ekema matrɔ la me; elabena wòe nye Yehowa, nye Mawu.
19
Elabena esi metrɔ ta me la, evem, eye esi medze si nu la, meƒo aklito; ŋu kpem, eye nye mo tsi dã, elabena nye ɖevime ŋukpe le ŋunye.“
20
Efrayim la, vi vevi kple vi malɔ̃nugbɔa wònye nama? Elabena ne menya ƒo nu le eŋu ko la, nye ŋku nɔa eyama dzi ɖaa; eyata nye dɔme le tɔtrɔm ɖe eŋu, makpɔ nublanui nɛ kokoko, Yehowa ye gblɔe.
21
Ɖo ŋkuɖodzikpewo, tu dzesidonuwo, tsɔ wò tame ɖo mɔ, si nèto la ŋu. Trɔ gbɔ, ɖetugbi Israel, trɔ gbɔ, va wò du siawo me!
22
Ɣekaɣi nanɔ tsa glãla tsam ase ɖo, wò nyɔnu dzego? Elabena Yehowa le nu yeye wɔ ge le anyigba dzi: Nyɔnu aɖe to ɖe ŋutsu.
23
Ale Yehowa Zebaot, Israel ƒe Mawu la, gblɔ esi: Ne megaɖo wò te la, ekema woagblɔ nya sia le Yuda-nyigba dzi kple eƒe duwo me bena: Yehowa ayra wò, wò dzɔdzɔenyenye nɔƒe, wò to kɔkɔe!
24
Eye Yuda kple eƒe duwo katã anɔ edzi hekpe ɖe agbledelawo kpakple amesiwo hona kple lãhawo la ŋu.
25
Elabena mafa dzi na luʋɔ, siwo ŋu nu te, eye maɖi ƒo na luʋɔ, siwo nu ti kɔ na.
26
Esia ta menvɔ ɖo, eye mekpɔ be, nye alɔ̃ la vivi nam.
27
Yehowa be: Kpɔ ɖa, ŋkeke li gbɔna, eye maƒã amegbetɔwo kple lãwo ƒe nuku ɖe Israel ƒe aƒe kple Yuda ƒe aƒe lã me.
28
Eye alesi menɔ ŋute ɖe wo ŋu, be mala wo, maho wo, magbã wo, magblẽ wo, eye matsrɔ̃ wo la, nenema manɔ ŋudzɔ ɖe wo ŋu, be matso wo, eye made woƒe agunu to, Yehowa ye gblɔe.
29
Le ŋkeke mawo me la womagagblɔ azɔ be: „Fofowo ɖu weintsetse hɔhlɔ̃e, eye aɖu nyɔ viwo“ o;
30
ke boŋ amesiame aku ɖe eya ŋutɔ ƒe vodada ta, eye amesi ɖu weintsetse hɔhlɔ̃e la, eyae aɖu anyɔ.
31
Yehowa be: Kpɔ ɖa, ŋkeke li gbɔna, eye mabia nu yeye kple Israel ƒe aƒe kpakple Yuda ƒe aƒe.
32
Manɔ abe nusi mebia kple wo fofowo le gbesigbe melé woƒe alɔnu, be makplɔ wo tso Egipte-nyigba dzi, nubabla, si wotu, eye nye hã megbe wo la ene o, Yehowa ye gblɔe;
33
ke boŋ nusi mele babla ge kple Israel ƒe aƒe la le ŋkeke siawo megbe la, enye esi: Matsɔ nye se la ade woƒe dɔ me, eye maŋlɔe ɖe woƒe dzi ŋu, manye Mawu na wo, eye woawo nanye nye dukɔ, Yehowa ye gblɔe.
34
Amea ɖeke magafia nu xɔlɔ̃via kple nɔvia agblɔ be: „Dze si Yehowa“ o, elabena wo katã wòadze sim tso ɖeviwo dzi vaseɖe tsitsiawo dzi, Yehowa ye gblɔe; elabena matsɔ woƒe vodadawo ake wo, eye nyemagaɖo ŋu woƒe nuvɔ̃wo azɔ o.
35
Ale Yehowa gblɔ esi; eya amesi wɔ ɣe, ne wòaklẽ le ŋkeke me, eye wòɖo na ɣleti kple ɣletiviwo be, woaklẽ le zã me, eya amesi de adã ta me na atsiaƒu, be eƒe tsotsoewo nadze agbo la, eŋkɔ enye Yehowa Zebaot:
36
Ne ɖoɖo siawo te ɖa le ŋkunye me la, ekema Israel-ƒome la hã nu atsi, maganye dukɔ le ŋkunye me akpɔ gbeɖe o. Yehowa ye gblɔe.
37
Yehowa be: Ne woate ŋu adzidze dziƒowo le dzi me, eye woate ŋu adzro anyigba ƒe agunu me akpɔ le anyi me la, ekema nye hã matsɔ Israel ƒe ƒome blibo la aƒu gbe le nusiwo katã wowɔ la ta, Yehowa ye gblɔe,
38
Yehowa be: Kpɔ ɖa, ŋkeke li gbɔna, eye woatso du la na Yehowa tso Xananeel ƒe xɔ tsrala gbɔ vaseɖe dzogoe gbo la nu.
39
Eye dzidzeka agato Gareb ƒe togbɛ dzi tẽ ahanyẽ kpo aɖo ta Goa.
40
Eye ame kuku balime, dzowɔ balime blibo la kpakple agblewo katã ɖake ɖe Kidron-tɔʋu la nu vaseɖe sɔgbo la ƒe dzogoe dzi anɔ kɔkɔe na Yehowa; womagagblẽe azɔ o, eye womagagbãe aƒu anyi akpɔ gbeɖe o.











Yeremia 31:1
Yeremia 31:2
Yeremia 31:3
Yeremia 31:4
Yeremia 31:5
Yeremia 31:6
Yeremia 31:7
Yeremia 31:8
Yeremia 31:9
Yeremia 31:10
Yeremia 31:11
Yeremia 31:12
Yeremia 31:13
Yeremia 31:14
Yeremia 31:15
Yeremia 31:16
Yeremia 31:17
Yeremia 31:18
Yeremia 31:19
Yeremia 31:20
Yeremia 31:21
Yeremia 31:22
Yeremia 31:23
Yeremia 31:24
Yeremia 31:25
Yeremia 31:26
Yeremia 31:27
Yeremia 31:28
Yeremia 31:29
Yeremia 31:30
Yeremia 31:31
Yeremia 31:32
Yeremia 31:33
Yeremia 31:34
Yeremia 31:35
Yeremia 31:36
Yeremia 31:37
Yeremia 31:38
Yeremia 31:39
Yeremia 31:40






Yeremia 1 / Yer 1
Yeremia 2 / Yer 2
Yeremia 3 / Yer 3
Yeremia 4 / Yer 4
Yeremia 5 / Yer 5
Yeremia 6 / Yer 6
Yeremia 7 / Yer 7
Yeremia 8 / Yer 8
Yeremia 9 / Yer 9
Yeremia 10 / Yer 10
Yeremia 11 / Yer 11
Yeremia 12 / Yer 12
Yeremia 13 / Yer 13
Yeremia 14 / Yer 14
Yeremia 15 / Yer 15
Yeremia 16 / Yer 16
Yeremia 17 / Yer 17
Yeremia 18 / Yer 18
Yeremia 19 / Yer 19
Yeremia 20 / Yer 20
Yeremia 21 / Yer 21
Yeremia 22 / Yer 22
Yeremia 23 / Yer 23
Yeremia 24 / Yer 24
Yeremia 25 / Yer 25
Yeremia 26 / Yer 26
Yeremia 27 / Yer 27
Yeremia 28 / Yer 28
Yeremia 29 / Yer 29
Yeremia 30 / Yer 30
Yeremia 31 / Yer 31
Yeremia 32 / Yer 32
Yeremia 33 / Yer 33
Yeremia 34 / Yer 34
Yeremia 35 / Yer 35
Yeremia 36 / Yer 36
Yeremia 37 / Yer 37
Yeremia 38 / Yer 38
Yeremia 39 / Yer 39
Yeremia 40 / Yer 40
Yeremia 41 / Yer 41
Yeremia 42 / Yer 42
Yeremia 43 / Yer 43
Yeremia 44 / Yer 44
Yeremia 45 / Yer 45
Yeremia 46 / Yer 46
Yeremia 47 / Yer 47
Yeremia 48 / Yer 48
Yeremia 49 / Yer 49
Yeremia 50 / Yer 50
Yeremia 51 / Yer 51
Yeremia 52 / Yer 52