A A A A A
Facebook Instagram Twitter
Ewe Bible 1913

Yeremia 30



1
Yehowa ƒe gbe, si va na Yeremya, enye si;
2
Ale Yehowa, Israel ƒe Mawu la, gblɔ esi: Ŋlɔ nya, siwo katã megblɔ na wò la, ɖe agbalẽ me.
3
Yehowa be: Elabena kpɔ ɖa, ŋkeke li gbɔna, eye maɖo nye dukɔ Israel kple Yuda te, mana woagbɔ va anyigba, si metsɔ na wo fofowo la dzi, eye woaxɔe wòanye wo tɔ, Yehowa ye gblɔe.
4
Nya, siwo Yehowa gblɔ ɖe Israel kple Yuda ŋu la, wonye si:
5
Ale Yehowa gblɔ esi: Míese ŋɔdziɣli, vɔvɔ̃ ɖeɖe sɔŋ, eye ŋutifafaa ɖeke meli o.
6
Mibia se, eye miɖo ŋku anyi be, ɖe ŋutsu dzia vi loo? Nukaŋuti mele ŋutsu sia ŋutsu kpɔm wotsɔ asi ɖo ali abe nyɔnu léku ene, eye woƒe ŋku me wo katã fu tititi?
7
Alele, ŋkeke ma enye ŋkeke gã, eye eteƒe mekɔ o; xaxaɣi li na Yakob, ke woaɖee le eme.
8
Yehowa Zebaot be: Ava me le ŋkeke ma dzi be, maŋe eƒe kɔkuti ɖa le wò kɔ, eye matso wò kawo, eye màgasubɔ ame tutɔwo azɔ o;
9
ke boŋ woasubɔ Yehowa, woƒe Mawu la, kple woƒe fia Dawid, amesi ɖo ge mala na wo.
10
Yehowa be: Eyata nye ɖɔla Yakob, megavɔ̃ o, Israel, dzi megaɖe le ƒowò o; elabena maɖe wò tso didiƒe kple wò ƒome tso anyigba, si dzi woɖe aboyoe yi la dzi; Yakob agatrɔ agbɔ, eye wòagbɔ ɖe eme bɔkɔɔ, amea ɖeke mado voɖi nɛ o.
11
Yehowa be: Meli kpli wò, ne maɖe wò; matsrɔ̃ dukɔ, siwo katã dome mekaka wò ɖo la, ke nyematsrɔ̃ wò ya o; nyemagblẽ wò ɖi tomahemahee o, ke boŋ mahe to na wò ɖe ɖoɖo nu.
12
Ale Yehowa gblɔ esi: Woƒo wò vevie ŋutɔ, eye abi vɔ̃e le ŋuwò.
13
Wò nya meɖi amea ɖeke o, hayahaya mele wò abiawo ŋu o, eye atikea ɖeke meli na wò o.
14
Wò ahiãviwo katã ŋlɔ wò be, eye womebia ta wò se o; elabena metsɔ tohehe, si teƒe mekɔ o la, ƒo wòe abe futɔ ƒe ameƒoƒo ene le wò vodada gbogboawo kple wò nuvɔ̃ geɖeawo ta.
15
Nukaŋuti nèle ɣli dom le wò ƒoƒo ta be, wò vevesese teƒe mekɔ o? Le wò vodada gbogboawo kple wò nuvɔ̃ geɖeawo tae mewɔ nusia wò ɖo.
16
Eyata woaɖu amesiwo katã ɖu wò, eye wò ketɔwo katã ayi aboyo me; woaha amesiwo ha wò, eye woada adzo amesiwo katã da adzo wò.
17
Yehowa be: Mahaya wò, eye mayɔ dɔ wò ahiãwo; elabena wole yɔwòm be „amenyãdegbea“, Zion, „si ta womebiana sena o.“
18
Ale Yehowa gblɔ esi: Kpɔ ɖa, maɖo Yakob ƒe agbadɔ te, eye makpɔ nublanui na eƒe nɔƒewo, woagatso du la ɖe eƒe togbɛ dzi, eye fiasã anɔ eteƒe xoxoa.
19
Kafukafuha kple dzidzɔkpɔlawo ƒe gbe aɖi le wo dome; mana woadzi ɖe dzi, eye womazu ʋee o, made bubu wo ŋu, eye womaɖi gbɔ o.
20
Viawo anɔ abe tsã ene, eƒe amehawo ali ke le ŋkunye me, eye mahe to na amesiwo katã te wo ɖe anyi la.
21
Woƒe amegã ado tso wo dome, eye wo dziɖula ado tso wo titina; mana woate va agogom, elabena amekae ado dzi, be yeate ɖe ŋunye ma? Yehowa ye gblɔe.
22
Mianya dukɔ nam, eye ma nye Mawu na mi.
23
Kpɔ ɖa, Yehowa ƒe ahom le tutum le dɔmedzoe me, eye ya ʋuduʋudu le ƒoƒom ɖe ame vɔ̃ɖiwo ƒe ta dzi.
24
Yehowa ƒe dɔmedzoe nu mafa o, vaseɖe esime woawo eƒe dzimesusuwo dzi ade goe hafi; miava dze sii le ŋkeke mlɔeawo me xoxo.











Yeremia 30:1
Yeremia 30:2
Yeremia 30:3
Yeremia 30:4
Yeremia 30:5
Yeremia 30:6
Yeremia 30:7
Yeremia 30:8
Yeremia 30:9
Yeremia 30:10
Yeremia 30:11
Yeremia 30:12
Yeremia 30:13
Yeremia 30:14
Yeremia 30:15
Yeremia 30:16
Yeremia 30:17
Yeremia 30:18
Yeremia 30:19
Yeremia 30:20
Yeremia 30:21
Yeremia 30:22
Yeremia 30:23
Yeremia 30:24






Yeremia 1 / Yer 1
Yeremia 2 / Yer 2
Yeremia 3 / Yer 3
Yeremia 4 / Yer 4
Yeremia 5 / Yer 5
Yeremia 6 / Yer 6
Yeremia 7 / Yer 7
Yeremia 8 / Yer 8
Yeremia 9 / Yer 9
Yeremia 10 / Yer 10
Yeremia 11 / Yer 11
Yeremia 12 / Yer 12
Yeremia 13 / Yer 13
Yeremia 14 / Yer 14
Yeremia 15 / Yer 15
Yeremia 16 / Yer 16
Yeremia 17 / Yer 17
Yeremia 18 / Yer 18
Yeremia 19 / Yer 19
Yeremia 20 / Yer 20
Yeremia 21 / Yer 21
Yeremia 22 / Yer 22
Yeremia 23 / Yer 23
Yeremia 24 / Yer 24
Yeremia 25 / Yer 25
Yeremia 26 / Yer 26
Yeremia 27 / Yer 27
Yeremia 28 / Yer 28
Yeremia 29 / Yer 29
Yeremia 30 / Yer 30
Yeremia 31 / Yer 31
Yeremia 32 / Yer 32
Yeremia 33 / Yer 33
Yeremia 34 / Yer 34
Yeremia 35 / Yer 35
Yeremia 36 / Yer 36
Yeremia 37 / Yer 37
Yeremia 38 / Yer 38
Yeremia 39 / Yer 39
Yeremia 40 / Yer 40
Yeremia 41 / Yer 41
Yeremia 42 / Yer 42
Yeremia 43 / Yer 43
Yeremia 44 / Yer 44
Yeremia 45 / Yer 45
Yeremia 46 / Yer 46
Yeremia 47 / Yer 47
Yeremia 48 / Yer 48
Yeremia 49 / Yer 49
Yeremia 50 / Yer 50
Yeremia 51 / Yer 51
Yeremia 52 / Yer 52