A A A A A
Facebook Instagram Twitter
Ewe Bible 1913

Yeremia 25



1
Esia nye gbe, si va na Yeremya ɖe Yuda-dukɔ blibo la ŋu le Yuda-fia Yoyakim, Yosiya vi ƒe ƒe enelia, si nye Babel-fia Nebukadnezar ƒe ƒe gbãtɔ me,
2
gbe, si nyagblɔɖila Yeremya to na Yuda-dukɔ blibo la kple Yerusalemtɔwo katã;
3
Yehowa ƒe gbe va nam tso Yuda-fia Yosiya, Amon vi ƒe ƒe wuietɔ̃lia dzi vaseɖe egbe, ƒe blave vo etɔ̃ sɔŋ nye esi, eye meƒo nu kpli mi ɖaa atraɖi; ke mieɖo to o.
4
Eye Yehowa ɖo eƒe dɔlawo katã, siwo nye nyagblɔɖilawo ɖe mi, eɖo wo ɖe mi ɖaa atraɖi: ke mieɖo to o, eye mieƒu to anyi, be miase nu o.
5
Egblɔ bena. Amesiame netrɔ tso eƒe mɔ vɔ̃wo dzi kple eƒe nuwɔna vɔ̃ɖiwo me, ne miano anyigba, si Yehowa tsa na mia kple mia fofowo tso mavɔ me yi mavɔ me la dzi.
6
Migadze mawu fufuwo yome, ne miasubɔ wo ahade ta agu na wo o, eye migatsɔ miaƒe asinudɔwɔwɔwo do dziku nam o, ekema nyemawɔ vɔ̃a ɖeke mi o.
7
Yehowa be: Ke miegbe toɖoɖom, ne miatsɔ miaƒe asinudɔwɔwɔwo ado dziku nam hena miaƒe gbegblẽ.
8
Eyata ale Yehowa Zebaot gblɔ esi: Esi miegbe toɖoɖo nye nyawo la,
9
eyata, kpɔ ɖa, makplɔ anyiehe ƒomeawo katã kple nye dɔla Babel-fia Nebukaɖnezar vɛ, eye mana woava ƒo ɖe anyigba sia kple edzinɔlawo kple dukɔ sia katã dzi godoo, matsrɔ̃ wo gbidigbidi, eye matsɔ wo awɔ bibi, alɔmeɖenu kple aƒedoe tegbee; Yehowa ye gblɔe!
10
Eye matsi aseyetsotso ƒe ɖiɖi kple dzidzɔ ƒe ɖiɖi, ŋugbetɔsrɔ̃ ƒe gbe kple ŋugbetɔ ƒe gbe, tetutu ƒe ɖiɖi kple akaɖi ƒe keklẽ nu le wo dome.
11
Anyigba sia azu aƒedo kple gbegbe, eye dukɔ sia asubɔ Babel-fia ƒe blaadre sɔŋ.
12
Yehowa be: Ne ƒe blaadre la de vɔ la, ekema mahe to na Babel-fia kple dukɔ ma kpakple Kaldea-nyigba le woƒe vodada ta, eye matsɔe awɔ gbegbee ɖikaa.
13
Eye mana nye nya, siwo katã megblɔ ɖe anyigba ma ŋu la, nava edzi; nya, siwo katã Yeremya gblɔ ɖi ɖe dukɔwo katã ŋu woŋlɔ ɖe agbalẽ sia me la.
14
Elabena woawo hã asubɔ dukɔ geɖewo kple fia gãwo, eye maɖo eteƒe na wo le woƒe nu wona kple woƒe asinudɔwɔwɔwo nu.
15
Elabena ale Yehowa, Israel ƒe Mawu la, gblɔ nam enye si: Xɔ dɔmedzoe ƒe weinkplu sia le asinye, eye natsɔe na dukɔ, siwo katã gbɔ maɖo wò ɖo la, woano.
16
Eye ne wonoe la, woanɔ mumũm sagãsagã, eye wòadze aɖaʋa le yi, si maɖo ɖe wo dome la ta.
17
Tete mexɔ kplu la le Yehowa si, eye mekpee na dukɔ, siwo katã gbɔ Yehowa ɖom ɖo;
18
na Yerusalem kple Yuda-duwo, woƒe fiawo kple woƒe amegãwo, ne mawɔ wo woazu aƒedo, bibi, alɔmeɖenu kple ɖiŋudonu, abe alesi wòle egbe sia wo ene;
19
na Egipte-fia Farao kple eƒe dɔlawo, eƒe amegãwo kple eƒe dukɔ blibo la;
20
na dukɔ tsakatsaka blibo la, Uz-nyigba dzi fiawo katã, Filistitɔwo ƒe anyigba dzi fiawo katã, Askalon, Gaza, Ekron kple Asdod ƒe ame mamleawo;
21
na Edom, Moab kple Amon-viwo;
22
na Tiro-fiawo katã, Zidon-fiawo katã kple ƒukpowo dzi fia, siwo le atsiaƒu ƒe go keme;
23
na Dedan, Tema, Buz kple akotsolawo katã;
24
na Arabia-fiawo katã kple dukɔ tsakatsaka, siwo le gbegbe ƒe fiawo katã;
25
na Zimri-fiawo katã, Elam-fiawo katã kple Media-fiawo katã;
26
na anyiehe fiawo katã, esiwo le kpuiƒe kple adzɔge tso wo nɔewo gbɔ, kple xexeme fiaɖuƒe, siwo katã le anyigba dzi; eye Sesax-fia anoe ɖe wo yome.
27
Eye nagblɔ na wo bena: Ale Yehowa Zebaot, Israel ƒe Mawu la, gblɔ esi: Mino aha miamu, eye miɖe xe, midze anyi, eye migafɔ o, le yi, si maɖo ɖe mia dome la ta.
28
Eye ne wogbe be, yewomaxɔ kplu la le asiwò o la, ekema gblɔ na wo be: Ale Yehowa Zebaot gblɔ esi: Mianoe kokoko!
29
Elabena keke ɖu, si ŋu woyɔ nye ŋkɔ ɖo ke hã ŋue medze vɔ̃wɔwɔ gɔme ɖo, eye miawo miato le emea? Womagbe tohehe na mi o! Elabena meyɔ yi ɖe anyigbadzitɔwo katã ŋu, Yehowa Zebaot ye gblɔe.
30
Eye wò la nagblɔ nya siawo katã ɖi ɖe wo ŋu agblɔ na wo bena: Yehowa le gbe ɖem tso dzi me, eye wòna eƒe gbe ɖi tso eƒe nɔƒe kɔkɔe la me; ele gbe ɖem ɖe eƒe lãnyiƒe ŋu, eye wòtso ayiboopɛɛ abe weinfiãlawo ene ɖe anyigbadzitɔwo katã ŋu.
31
Howɔwɔ de anyigba ƒe mlɔenu; elabena Yehowa le avu wɔm kple dukɔwo, ele ʋɔnu drɔ̃m ŋutilãwo katã, eye wòatsɔ ame vɔ̃ɖiwo ade asi na yi, Yehowa ye gblɔe.
32
Ale Yehowa Zebaot gblɔ esi: Kpɔ ɖa, dzɔgbevɔ̃e tso dukɔ gbɔ yi dukɔ gbɔ, eye wode zi ahom gã me le anyigba ƒe mlɔenu.
33
Yehowa ƒe amesiwo wowu le ŋkeke ma me la, woanɔ anyi tso anyigba ƒe mlɔenu ɖaseɖe anyigba ƒe mlɔenu; womafa na wo o, womaƒo wo nu ƒu o, eye womaɖi wo o, eye woazu aɖuɖɔ le agble me.
34
Mifa avi, mi lãkplɔviwo, mido aƒa, eye miƒo togotogoe, mi lãha ƒe bubumewo, elabena miaƒe azã de, ne woawu mi, eye makaka mi ahlẽ, ne mianɔ abe agba xɔasi, si ge dze anyi ene!
35
Sitsoƒe abu ɖe lãkplɔviwo, eye sisi abu ɖe lãha ƒe bubumewo.
36
Lãkplɔviwo ƒe ɣli kple lãha ƒe bubumewo ƒe avi le ɖiɖim; elabena Yehowa gblẽ woƒe lãnyiƒe,
37
eye gbeɖuƒe, si wovona ɖo la nu yi le Yehowa ƒe dɔmedzoe nu.
38
Egblẽ eƒe avegoe ɖi abe dzata ene; elabena woƒe anyigba zu gbegbe le yi gblẽnu kple eƒe dɔmedzoe heliheli nu.











Yeremia 25:1
Yeremia 25:2
Yeremia 25:3
Yeremia 25:4
Yeremia 25:5
Yeremia 25:6
Yeremia 25:7
Yeremia 25:8
Yeremia 25:9
Yeremia 25:10
Yeremia 25:11
Yeremia 25:12
Yeremia 25:13
Yeremia 25:14
Yeremia 25:15
Yeremia 25:16
Yeremia 25:17
Yeremia 25:18
Yeremia 25:19
Yeremia 25:20
Yeremia 25:21
Yeremia 25:22
Yeremia 25:23
Yeremia 25:24
Yeremia 25:25
Yeremia 25:26
Yeremia 25:27
Yeremia 25:28
Yeremia 25:29
Yeremia 25:30
Yeremia 25:31
Yeremia 25:32
Yeremia 25:33
Yeremia 25:34
Yeremia 25:35
Yeremia 25:36
Yeremia 25:37
Yeremia 25:38






Yeremia 1 / Yer 1
Yeremia 2 / Yer 2
Yeremia 3 / Yer 3
Yeremia 4 / Yer 4
Yeremia 5 / Yer 5
Yeremia 6 / Yer 6
Yeremia 7 / Yer 7
Yeremia 8 / Yer 8
Yeremia 9 / Yer 9
Yeremia 10 / Yer 10
Yeremia 11 / Yer 11
Yeremia 12 / Yer 12
Yeremia 13 / Yer 13
Yeremia 14 / Yer 14
Yeremia 15 / Yer 15
Yeremia 16 / Yer 16
Yeremia 17 / Yer 17
Yeremia 18 / Yer 18
Yeremia 19 / Yer 19
Yeremia 20 / Yer 20
Yeremia 21 / Yer 21
Yeremia 22 / Yer 22
Yeremia 23 / Yer 23
Yeremia 24 / Yer 24
Yeremia 25 / Yer 25
Yeremia 26 / Yer 26
Yeremia 27 / Yer 27
Yeremia 28 / Yer 28
Yeremia 29 / Yer 29
Yeremia 30 / Yer 30
Yeremia 31 / Yer 31
Yeremia 32 / Yer 32
Yeremia 33 / Yer 33
Yeremia 34 / Yer 34
Yeremia 35 / Yer 35
Yeremia 36 / Yer 36
Yeremia 37 / Yer 37
Yeremia 38 / Yer 38
Yeremia 39 / Yer 39
Yeremia 40 / Yer 40
Yeremia 41 / Yer 41
Yeremia 42 / Yer 42
Yeremia 43 / Yer 43
Yeremia 44 / Yer 44
Yeremia 45 / Yer 45
Yeremia 46 / Yer 46
Yeremia 47 / Yer 47
Yeremia 48 / Yer 48
Yeremia 49 / Yer 49
Yeremia 50 / Yer 50
Yeremia 51 / Yer 51
Yeremia 52 / Yer 52