A A A A A
Facebook Instagram Twitter
Ewe Bible 1913

Yesaya 43



1
Azɔ ale Yehowa, amesi wo wò Yakob, eye wòme wò Israel la, gblɔ esi: Megavɔ̃ o, elabena meɖe wò, metsɔ wò ŋkɔ yɔ wò be: Tɔnye nènye.
2
Ne èto to me la, meli kpli wò, eye ne èto tɔsisiwo me la, womalé wò o. Ne èto dzo me, mamè wò o, eye dzo ƒe adewo mafiã wò o.
3
Elabena nye Yehowa enye wò Mawu, nye Israel ƒe kɔkɔetɔ la enye wò xɔnametɔ. Matso Egipte aƒle tawo, eye Kus kple Seba axɔ de tewòƒe.
4
Esi nèxɔ asi le ŋkunye me, bubu le ŋuwò, eye melɔ̃ wò ta la, matso amegbetɔwo ana ɖe tewòƒe kple dukɔwo de wò agbe ta,
5
Megavɔ̃ o, elabena meli kpli wò; makplɔ viwòwo tso ɣedzeƒe vɛ, eye maƒo nuwo ƒu tso ɣetoɖoƒe!
6
Magblɔ na anyiehe be; Tsɔe ve! eye na dziehe be: Megasika ame di o! Kplɔ vinyeŋutsuwo tso didiƒe vɛ kple vinyenyɔnuwo tso anyigba ƒe mlɔenu,
7
amesiwo katã ŋu woyɔ nye ŋkɔ do, amesiwo mewɔ hena nye bubu, memè wo, eye mewo wo.
8
Kplɔ dukɔ, si ta ŋku le, hafi wònye ŋkunɔ, to le eta, hafi wònye tokunɔ la doe!
9
Dukɔwo katã neƒo ƒu, anyigba dzi dukɔwo katã neƒo ta kpli: Ameka le wo dome agblɔ esia, alo ana míase nya, siwo dzɔ va yi? Woƒe ɖasefowo neva, ne woatso na wo, eye woasee ahagblɔ bena: Ele eme.
10
Yehowa be: Miawoe nye nye ɖasetɔwo kple nye dɔla, si metia, ne mianyae, miaxɔ dzinye ase, eye miadze sii be, nyee. Womewɔ mawua ɖeke do ŋgɔ nam o, eye ɖeke mado megbe nam o.
11
Nyee nye Yehowa, eye xɔnametɔa ɖeke meli kpe ɖe ŋunye o.
12
Medo ŋugbe, eye mexɔ na ame; mena miesee, eye mawu tutɔa ɖeke mena mia dome o; Yehowa be, míawoe nye nye ɖasefowo, eye nyee nye Mawu.
13
Nyee li tso tititi ke, eye amea ɖeke maxɔ ame le asinye o; ne mewo nu la, ameka atrɔe?
14
Ale Yehowa, miaƒe xɔnametɔ, Israel ƒe kɔkɔetɔ la, gblɔ esi: Le mia tae medɔ ame ɖo ɖe Babel, eye mena wonyã amewo ɖe nu, eye wonyã Kaldeatɔwo ɖo ɖe woƒe ʋu, siwo me wokpɔ dzidzɔ le tsã la me.
15
Nye Yehowa enye miaƒe kɔkɔetɔ, nye Israel ƒe wɔla enye miaƒe fia.
16
Ale Yehowa, amesi ta mo ɖe atsiaƒu me, eye wòɖe toƒe ɖe to sesẽwo me la, gblɔ esi:
17
eya, amesi na tasiaɖamwo, sɔwo, aʋakɔwo kple kalẽtɔwo siaa ho; woɖo baba ɖe anyigba, eye womegafɔ o, wo nu tsi, abe alesi akaɖi me ɖovu tsina ene:
18
Migaɖu ŋu gbaɖegbe nuwo o, eye migalé ŋku ɖe nusiwo dza va yi la ŋu o.
19
Kpɔ ɖa, mele nu yeye wo ge; ele nu dom ɖa xoxo, miedze sii oa? Mana mo tata naɖo gbe dzi, eye tɔsisiwo nado gbegbe.
20
Gbemelãwo, amegãxiwo kple golowo akafum, elabena mena tsi ɖo gbe dzi, eye tɔsisiwo ɖo gbegbe, ne mana tsi nye dukɔ, nye ame tiatiawo, ne woano.
21
Dukɔ, si mewɔ na ɖokuinye la, axlẽ nya afia le nye kafukafu ŋu.
22
Yakob, menye wòe yɔm o, eye Israel, mèdze agbagba le ŋunye o.
23
Mètsɔ wò alẽviwo sa numevɔ nam o, eye mètsɔ wò akpedavɔsawo de bubu ŋunye o. Nyemetsɔ wò nuɖuvɔsawo do agba na wò o, alo tsa dzudzɔ ʋeʋẽe dodo ɖe fu na wò o.
24
Mètsɔ ga ƒle gbekee nam o, eye metsɔ wò akpedavɔsawo ƒe ami ɖi ƒoe nam o; ke boŋ etso wò nuvɔ̃wo ɖo agba nam, eye nèɖe fu nam kple wò vodadawo.
25
Nyee, nyee atutu wò dzidadawo ɖa le nye ŋutɔ ɖokuinye ta, eye nyemaɖo ŋu wò nuvɔ̃wo o.
26
Do ŋku edzi nam, na míahe nya kple mia nɔewo; to wò nyawo, ne towo nadzɔ.
27
Fofowò gbãtɔ wɔ nuvɔ̃, eye amesiwo nɔ nuwò la, to vo ɖe ŋunye.
28
Eyata medo gu amegã kɔkɔeawo, metsɔ Yakob de asi na tsɔtsrɔ̃ gbidigbidi, eye Israel na fewuɖuɖu.











Yesaya 43:1
Yesaya 43:2
Yesaya 43:3
Yesaya 43:4
Yesaya 43:5
Yesaya 43:6
Yesaya 43:7
Yesaya 43:8
Yesaya 43:9
Yesaya 43:10
Yesaya 43:11
Yesaya 43:12
Yesaya 43:13
Yesaya 43:14
Yesaya 43:15
Yesaya 43:16
Yesaya 43:17
Yesaya 43:18
Yesaya 43:19
Yesaya 43:20
Yesaya 43:21
Yesaya 43:22
Yesaya 43:23
Yesaya 43:24
Yesaya 43:25
Yesaya 43:26
Yesaya 43:27
Yesaya 43:28






Yesaya 1 / Yes 1
Yesaya 2 / Yes 2
Yesaya 3 / Yes 3
Yesaya 4 / Yes 4
Yesaya 5 / Yes 5
Yesaya 6 / Yes 6
Yesaya 7 / Yes 7
Yesaya 8 / Yes 8
Yesaya 9 / Yes 9
Yesaya 10 / Yes 10
Yesaya 11 / Yes 11
Yesaya 12 / Yes 12
Yesaya 13 / Yes 13
Yesaya 14 / Yes 14
Yesaya 15 / Yes 15
Yesaya 16 / Yes 16
Yesaya 17 / Yes 17
Yesaya 18 / Yes 18
Yesaya 19 / Yes 19
Yesaya 20 / Yes 20
Yesaya 21 / Yes 21
Yesaya 22 / Yes 22
Yesaya 23 / Yes 23
Yesaya 24 / Yes 24
Yesaya 25 / Yes 25
Yesaya 26 / Yes 26
Yesaya 27 / Yes 27
Yesaya 28 / Yes 28
Yesaya 29 / Yes 29
Yesaya 30 / Yes 30
Yesaya 31 / Yes 31
Yesaya 32 / Yes 32
Yesaya 33 / Yes 33
Yesaya 34 / Yes 34
Yesaya 35 / Yes 35
Yesaya 36 / Yes 36
Yesaya 37 / Yes 37
Yesaya 38 / Yes 38
Yesaya 39 / Yes 39
Yesaya 40 / Yes 40
Yesaya 41 / Yes 41
Yesaya 42 / Yes 42
Yesaya 43 / Yes 43
Yesaya 44 / Yes 44
Yesaya 45 / Yes 45
Yesaya 46 / Yes 46
Yesaya 47 / Yes 47
Yesaya 48 / Yes 48
Yesaya 49 / Yes 49
Yesaya 50 / Yes 50
Yesaya 51 / Yes 51
Yesaya 52 / Yes 52
Yesaya 53 / Yes 53
Yesaya 54 / Yes 54
Yesaya 55 / Yes 55
Yesaya 56 / Yes 56
Yesaya 57 / Yes 57
Yesaya 58 / Yes 58
Yesaya 59 / Yes 59
Yesaya 60 / Yes 60
Yesaya 61 / Yes 61
Yesaya 62 / Yes 62
Yesaya 63 / Yes 63
Yesaya 64 / Yes 64
Yesaya 65 / Yes 65
Yesaya 66 / Yes 66