A A A A A
Facebook Instagram Twitter
Ewe Bible 1913

Yesaya 36



1
Eye wòva me le fia Xizkiya ƒe ƒe wuienelia me be, Asur-fia Sanxerib ho ɖe Yuda-du sesẽwo katã ŋu, eye wòxɔ wo.
2
Eye Asur-fia ɖo Rabsake kple aʋakɔ gãa ɖe tso Laxis ɖe fia Xizkiya le Yerusalem, eye wòdze aʋa ɖe dzigbeta ƒe tɔʋu to le avɔnyãla ƒe agblemɔ to.
3
Tete aƒenunɔla Elyakim, Xilkiya vi, kple agbalẽŋlɔla Sebna kpakple Yoax, Asaf vi, fia ƒe tsiami, wodo yi egbɔ.
4
Eye Rabsake gblɔ na wo bena: Miɖagblɔ na Xizkiya be: Ale fia gã Asur-fia gblɔ esi: Nuka ŋu gɔglɔ̃gɔe nele dzi ɖom ɖo?
5
Ɖe nèle bubum be, nu me nya ƒuƒlu enye aɖaŋuɖoɖo kple ŋusẽ hena aʋawɔwɔa? Ameka ŋu gɔ̃e nèle ŋu ɖom ɖo, be nèdze aglã ɖe ŋunye?
6
Azã èle dzi ɖom ɖe aƒla ŋeŋe sia, si nye Egipte la ŋu, esi ne amea ɖe ziɔ ɖe eŋu la, wòŋɔa asi nɛ flo la; alea Egipte-fia Farao le na amesiwo katã le dzi ɖom ɖe eŋu la!
7
Ke ne agblɔ nam be: Yehowa, mía Mawu la ŋue míele dzi ɖom ɖo la, ɖe menye eya ƒe nuxeƒewo kple vɔsamlekpuiwo Xizkiya ɖe ɖa hegblɔ na Yuda kple Yerusalem bena: Mido gbe ɖa le vɔsamlekpui sia ŋgɔ oa?
8
Azɔ mia kple nye aƒetɔ Asur-fia mitso gbe, eye matsɔ so akpe eve na wò, be ate ŋu akpɔ sɔɖolawo ado wo dzi hã?
9
Màte ŋu asi aʋafia ɖeka, si nye nye aƒetɔ ƒe dɔlawo dometɔ suetɔ hã o, hafi nèle dzi dom ɖe Egipte ŋu le tasiaɖamwo kple sɔɖolawo taa?
10
Azɔ ɖe Yehowa megbee meto ho ɖe anyigba sia ŋu, be magblẽe loo? Yehowa ye gblɔ nam be: Ho ɖe anyigba sia ŋu nagblẽe!
11
Tete Elyakim, Sebna kple Yoax wogblɔ na Rabsake bena: Ƒo nu kple wò dɔlawo ɖe Aram-gbe me, elabena míesenɛ; ke megaƒo nu kpli mí le Yuda-gbe me ɖe dukɔ, si le glia dzi la ƒe to me o.
12
Rabsake ɖo ŋu bena: Mia kple wò aƒetɔ gbɔe nye aƒetɔ dɔm ɖo, be magblɔ nya siawoa? Ɖe menye ŋutsu, siwo bɔbɔ no glia dzi, be woaɖu woawo ŋutɔwo ƒe mi, eye woano woƒe aɖuɖɔ kpli mi la gbɔe oa?
13
Tete Rabsake te va ɖo ɣli sesĩe le Yuda-gbe me gblɔ bena: Mise fia gã, Asur-fia ƒe nya!
14
Ale fia la gblɔ esi: Migana Xizkiya nanɔ mia flum o, elabena mate ŋu aɖe mi o!
15
Migana Xizkiya natsɔ Yehowa anɔ dzi ɖem ƒo na mi ahanɔ gbɔgblɔm be: Yehowa aɖe mí vavã, eye womatsɔ du sia ade asi na Asur-fia o.
16
Miganɔ to ɖom Xizkiya o; elabena ale Asur-fia gblɔ esi: Mibla nu kplim, eye miɖo va gbɔnye, eye mia dome amesiame naɖu eƒe weintsetse, amesiame naɖu eƒe gbotitsetse, eye amesiame nano eƒe vudo me tsi,
17
vaseɖe esime mava akplɔ mi ayi anyigba, si le abe mia to ene la dzi, anyigba, si dzi bli kple wein le, anyigba, si dzi abolo kple atibɔwo te.
18
Migana Xizkiya nano mia blem anɔ gbɔgblɔm be: Yehowa aɖe mi o! De dukɔwo ƒe mawuwo dometɔa ɖe te ŋu ɖe eƒe anyigba tso Asur-fia si mea?
19
Afika Xamat kple Arpad ƒe mawuwo le? Afika Sefarwayim ƒe mawuwo le? Ɖe wote ŋu ɖe Samaria tso asinye mea?
20
Anyigba siawo ƒe mawuwo katã dometɔ kae ɖe eƒe anyigba tso asinye me, ne Yehowa naɖe Yerusalem atso asinye me?
21
Ke wozi kpi, womeɖo nyaa ɖeke ŋu nɛ o.
22
Tete aƒenunɔla Elyakim, Xilkiya vi, kple agbalẽŋlɔla Sebna kpakple Yoax, Asaf vi, fia ƒe tsiami, wole awu vuvuwo me va Xizkiya gbɔ, eye wogblɔ Rabsake ƒe nyaawo nɛ.











Yesaya 36:1

Yesaya 36:2

Yesaya 36:3

Yesaya 36:4

Yesaya 36:5

Yesaya 36:6

Yesaya 36:7

Yesaya 36:8

Yesaya 36:9

Yesaya 36:10

Yesaya 36:11

Yesaya 36:12

Yesaya 36:13

Yesaya 36:14

Yesaya 36:15

Yesaya 36:16

Yesaya 36:17

Yesaya 36:18

Yesaya 36:19

Yesaya 36:20

Yesaya 36:21

Yesaya 36:22







Yesaya 1 / Yes 1

Yesaya 2 / Yes 2

Yesaya 3 / Yes 3

Yesaya 4 / Yes 4

Yesaya 5 / Yes 5

Yesaya 6 / Yes 6

Yesaya 7 / Yes 7

Yesaya 8 / Yes 8

Yesaya 9 / Yes 9

Yesaya 10 / Yes 10

Yesaya 11 / Yes 11

Yesaya 12 / Yes 12

Yesaya 13 / Yes 13

Yesaya 14 / Yes 14

Yesaya 15 / Yes 15

Yesaya 16 / Yes 16

Yesaya 17 / Yes 17

Yesaya 18 / Yes 18

Yesaya 19 / Yes 19

Yesaya 20 / Yes 20

Yesaya 21 / Yes 21

Yesaya 22 / Yes 22

Yesaya 23 / Yes 23

Yesaya 24 / Yes 24

Yesaya 25 / Yes 25

Yesaya 26 / Yes 26

Yesaya 27 / Yes 27

Yesaya 28 / Yes 28

Yesaya 29 / Yes 29

Yesaya 30 / Yes 30

Yesaya 31 / Yes 31

Yesaya 32 / Yes 32

Yesaya 33 / Yes 33

Yesaya 34 / Yes 34

Yesaya 35 / Yes 35

Yesaya 36 / Yes 36

Yesaya 37 / Yes 37

Yesaya 38 / Yes 38

Yesaya 39 / Yes 39

Yesaya 40 / Yes 40

Yesaya 41 / Yes 41

Yesaya 42 / Yes 42

Yesaya 43 / Yes 43

Yesaya 44 / Yes 44

Yesaya 45 / Yes 45

Yesaya 46 / Yes 46

Yesaya 47 / Yes 47

Yesaya 48 / Yes 48

Yesaya 49 / Yes 49

Yesaya 50 / Yes 50

Yesaya 51 / Yes 51

Yesaya 52 / Yes 52

Yesaya 53 / Yes 53

Yesaya 54 / Yes 54

Yesaya 55 / Yes 55

Yesaya 56 / Yes 56

Yesaya 57 / Yes 57

Yesaya 58 / Yes 58

Yesaya 59 / Yes 59

Yesaya 60 / Yes 60

Yesaya 61 / Yes 61

Yesaya 62 / Yes 62

Yesaya 63 / Yes 63

Yesaya 64 / Yes 64

Yesaya 65 / Yes 65

Yesaya 66 / Yes 66