A A A A A
Facebook Instagram Twitter
Ewe Bible 1913

Lododowo 24



1
Megaʋã ŋu ame vɔ̃ɖiwo o, eye megadzro wò, be naɖe ha kpli wo o;
2
elabena wole gbegblẽ bum le dzi me, eye woƒe nuyiwo gblɔa dzɔgbevɔ̃e.
3
Nunya wotsɔna tua xɔe, gɔmesese wotsɔna lia kee,
4
eye sidzedze wotɔna dea kesinɔnu nyui vovovowo woƒe xɔwo me taŋtaŋ.
5
Ŋutsu nyanu sesẽna, eye ŋutsu nugɔmesela ɖea ŋusẽ fiana.
6
Elabena tamebubu natsɔ awɔ aʋae, eye adaŋudela geɖewo hea dziɖuɖu vanɛ.
7
Nunya enye gbloti xɔasi na bometsila, eyata mekea nu le ʋɔnu o.
8
Amesi ɖoa vɔ̃ be, yeawɔ la, eya woyɔna be ame vɔ.
9
Bometsila ƒe tameɖoɖo enye nuvɔ̃, eye fewuɖula enye ŋunyɔ na amegbetɔwo.
10
Ne ègbɔdzɔ le xaxaɣi la, ekema ŋusẽ boo mele ŋuwò o.
11
Xɔ na amesiwo wokplɔ yina wuwu ge, eye ɖe amesiwo woyina nu ɖa gee la.
12
Ne ègblɔ be: „Míenyae o“ la, kpɔ ɖa, amesi da dziwo kpɔna la, adze sii, eye amesi ɖea ŋku ɖe wò luʋɔ la, anyae, eye wòaɖo eteƒe na amegbetɔ le eƒe nuwɔwɔ nu.
13
Vinye, no anyitsi, elabena enye, eye anyixe avivi le wò ve me.
14
Nenema ke srɔ̃ nunya na wò luʋɔ, eye ne wò asi tui la, ekema ŋkeke li gbɔna na wò, eye wò mɔkpɔkpɔ mazu dzodzro o.
15
Wò ame vɔ̃ɖi, megade xa ɖe ame dzɔdzɔe ƒe nɔƒe ŋu o; megagblẽ eɖɔƒe o.
16
Elabena ame dzɔdzɔe dzea enyi zi adre, eye wògafɔna; ke ame vɔ̃ɖiwo dzea dzɔgbevɔ̃e me.
17
Ne wò futɔ dze enyi la, dzi megadzɔ wò o, eye ne ekli nu la, wò dzi megatso aseye o,
18
bena ne Yehowa nakpɔe, medze eŋu o, eye wòaklo eƒe dɔmedzoe ɖa le eŋu o.
19
Dzi megaku wò ɖe eme vlowo ŋu o, eye megaʋã ŋu ame vɔ̃ɖiwo o,
20
elabena ŋu nyui kegbe meli na ame vlowo o, eye ame vɔ̃ɖiwo ƒe akaɖi atsi.
21
Vinye, vɔ Yehowa kple fia la, eye megado ka kple godzelawo o;
22
elabena woƒe gbegblẽ aƒo ɖi kpo yi, eye ameka nya woa kple eve la ƒe dzɔgbevɔ̃e?
23
Nya siawo hã tso nunyalawo gbɔ. Ame dzi dede le ʋɔnudɔdrɔ̃ me menyo o.
24
Amesi gblɔna na fɔɖila be: „Tɔwò dzɔ“ la, dukɔwo aƒo fi adee, eye anyigbadzitɔwo ado ɖiŋu nɛ.
25
Ke amesiwo hea to la, yayra ava wo dzi fu.
26
Amesi doa nya ŋu tututu la ƒe nuyi wiogbugbɔna.
27
Wɔ wò dɔwo le xexe, eye nade wò agble, emegbe hafi natu xɔ.
28
Meganye ɖasefo de nɔviwò ŋu dzodzro o, eye megatsɔ wò nuyiwo da alakpae o.
29
Megagblɔ be; „Alesi wòwɔm la, nenema mawɔe, eye made eteƒe na ame le eƒe nuwɔwɔ nu“ o!
30
Mele kuviatɔ ƒe agble kple ame manyanu ƒe weingble ŋu yi.
31
Eye kpɔ ɖa aŋɔka yɔ eme taŋ, gbe to ɖe eme, eye eƒe kpegliwo mũ.
32
Tete meɖe ŋku ɖee, eye wòde dzi gbɔ nam, mekpɔe, eye wòzu nuxaxlɔ̃ nam:
33
„Madɔ alɔ̃ vie, madɔ akɔlɔ̃e vie, made asi asitɛ me, ne magbɔ ɖe eme“ la,
34
ahedada ɖe wòƒona ɖe ame dzi abe mɔzɔla ene, eye hiã abe ŋutsu, si bla akpa ene.











Lododowo 24:1
Lododowo 24:2
Lododowo 24:3
Lododowo 24:4
Lododowo 24:5
Lododowo 24:6
Lododowo 24:7
Lododowo 24:8
Lododowo 24:9
Lododowo 24:10
Lododowo 24:11
Lododowo 24:12
Lododowo 24:13
Lododowo 24:14
Lododowo 24:15
Lododowo 24:16
Lododowo 24:17
Lododowo 24:18
Lododowo 24:19
Lododowo 24:20
Lododowo 24:21
Lododowo 24:22
Lododowo 24:23
Lododowo 24:24
Lododowo 24:25
Lododowo 24:26
Lododowo 24:27
Lododowo 24:28
Lododowo 24:29
Lododowo 24:30
Lododowo 24:31
Lododowo 24:32
Lododowo 24:33
Lododowo 24:34






Lododowo 1 / Lod 1
Lododowo 2 / Lod 2
Lododowo 3 / Lod 3
Lododowo 4 / Lod 4
Lododowo 5 / Lod 5
Lododowo 6 / Lod 6
Lododowo 7 / Lod 7
Lododowo 8 / Lod 8
Lododowo 9 / Lod 9
Lododowo 10 / Lod 10
Lododowo 11 / Lod 11
Lododowo 12 / Lod 12
Lododowo 13 / Lod 13
Lododowo 14 / Lod 14
Lododowo 15 / Lod 15
Lododowo 16 / Lod 16
Lododowo 17 / Lod 17
Lododowo 18 / Lod 18
Lododowo 19 / Lod 19
Lododowo 20 / Lod 20
Lododowo 21 / Lod 21
Lododowo 22 / Lod 22
Lododowo 23 / Lod 23
Lododowo 24 / Lod 24
Lododowo 25 / Lod 25
Lododowo 26 / Lod 26
Lododowo 27 / Lod 27
Lododowo 28 / Lod 28
Lododowo 29 / Lod 29
Lododowo 30 / Lod 30
Lododowo 31 / Lod 31