A A A A A
Facebook Instagram Twitter
Ewe Bible 1913

Lododowo 16



1
Amegbetɔ tɔ enye dzi ƒe tãmeɖoɖowo; ke Yehowa gbɔ aɖe ƒe ŋuɖoɖo tsona.
2
Ame ƒe zɔzɔmewo katã dzana le eya ŋutɔ ŋku me; ke Yehowa ye daa gbɔgbɔwo kpɔna.
3
Tsɔ wò dɔwo de asi na Yehowa; ekema wò tameɖoɖowo adze dzi.
4
Nusianu, si Yehowa wɔ la, kple etɔe li, eya ame vɔɖiwo hã hena dzɔgbevɔ̃egbe.
5
Dadalawo katã nye ŋunyɔ na Yehowa. Mine mítso gbe; ne woahagbe tohehe na wo fi!
6
Lɔlɔ̃ kple nyateƒe wotsɔna léa avu vodada, eye Yehowa-vɔvɔ̃ wotsɔna tsria vɔ̃e.
7
Ne amea ɖe ƒe zɔzɔme dze Yehowa ŋu la, enana be, eƒe futɔwo ke hã nɔa ŋutifafa me kplii.
8
Nu ʋee, si ŋu dzɔdzɔenyenye kpe ɖo, nyo wu nukpɔkpɔ geɖe, si ŋu nu madzɔmadzɔ wɔwɔ kpe ɖo.
9
Amegbetɔ ƒe dzi susua eƒe mɔ ŋu; ke Yehowa ye fiaa mɔ eƒe afɔɖeɖe.
10
Afiatsotso le fia ƒe nuyiwo me; eƒe nu mada le ʋɔnudɔdrɔ me o.
11
Nudanu nyui kple nudada nyui tso Yehowa gbɔ, eƒe nuwɔwɔ enye nudakpewo le akplo me?
12
Nu vɔɖi wɔwɔ enye ŋunyɔ na fiawo; elabena dzɔdzɔenyenye nana fiazikpui lia ke.
13
Nuyi dzɔdzɔe dzea fiawo ŋu; eye amesi ƒe nyawo le eteƒe la, wolɔ̃na.
14
Fia ƒe dziku enye ku ƒe dɔla; ke nunyala faa dzi nɛ.
15
Ne fia ƒe mo kɔ la, agbee wònye, eye eƒe ŋudzedzekpɔkpɔ le abe adametsiɖoɖo ene.
16
Aleke gbegbe nunyakpɔkpɔ mehenyo wu sikae, ete gɔmesesekpɔkpɔ meheƒo klosalo tae o!
17
Vɔ̃tsitsri enye nuteƒewɔlawo ƒe mɔtata; amesi léa ŋku de eƒe zɔzɔme ŋu la, kpɔa eƒe agbe ta.
18
Dada doa ŋgɔ na gbegblẽ, eye ɖokuidodoɖedzi na anyidzedze.
19
Ɖokuibɔbɔɖeanyi la hiãtɔwo dome nyo wu ne woamã aboyonu kple dadalawo.
20
Amesi léa to de nya ŋu la, eƒe esi sua nyui dzi; amesi ɖoa dzi ɖe Yehowa ŋu la, woayrae!
21
Amesi si dzi nyanu le la, woyɔna be nugɔmesela; nya vivi dzia nufiame ɖe dzi.
22
Gɔmesese enye agbevudo na amesi si wòle; ke bometsitsi enye tohenu na bometsilawo.
23
Nugɔmesela ƒe dzi nana eƒe nù dzea nunya, eye eƒe nuyiwo dzia nufiame ɖe dzi.
24
Nya dzeto la anyitsi wonye, evivina na luʋɔ, eye wòyɔa dɔ ƒuwo.
25
Amea ɖewo ƒe mɔ dzɔna le wo ŋku me; ke eƒe nuwuwu nyea ku ƒe mɔ.
26
Dɔwɔla ƒe ɖɔwuamee wɔa ɖɔ nɛ; elabena eƒe nùe le ɖu ƒom ɖe ete.
27
Yakame tia dzɔgbevɔ̃e yome, eye dzo binu le eƒe nuyiwo me.
28
Alakpatɔ dea dzre aƒe, eye sakplitɔ mãa xɔlɔ̃wo dome.
29
Ŋutasẽla blea ehavi nu, eye wòkplɔnɛ ma mɔ manyomanyo dzi.
30
Amesi ŋku la, eɖo vɔ̃ ɖe ta me, amesi va nuyi ɖe nu me goŋgoŋ la, ewɔ vɔ̃ ɖe goe xoxo.
31
Atsyɔ̃fiakuku enye ta ƒowɔ, dzɔdzɔenyenye ƒe mɔ dzi wokpɔnɛ lena.
32
Dzi gbɔɖitɔ nyo wu kalẽtɔ, eye amesi ɖua eɖokui dzi la, nyo wu duwo xɔla.
33
Woda dzidzenu ɖe akɔme, ke Yehowa me nye emetsotso katã.











Lododowo 16:1
Lododowo 16:2
Lododowo 16:3
Lododowo 16:4
Lododowo 16:5
Lododowo 16:6
Lododowo 16:7
Lododowo 16:8
Lododowo 16:9
Lododowo 16:10
Lododowo 16:11
Lododowo 16:12
Lododowo 16:13
Lododowo 16:14
Lododowo 16:15
Lododowo 16:16
Lododowo 16:17
Lododowo 16:18
Lododowo 16:19
Lododowo 16:20
Lododowo 16:21
Lododowo 16:22
Lododowo 16:23
Lododowo 16:24
Lododowo 16:25
Lododowo 16:26
Lododowo 16:27
Lododowo 16:28
Lododowo 16:29
Lododowo 16:30
Lododowo 16:31
Lododowo 16:32
Lododowo 16:33






Lododowo 1 / Lod 1
Lododowo 2 / Lod 2
Lododowo 3 / Lod 3
Lododowo 4 / Lod 4
Lododowo 5 / Lod 5
Lododowo 6 / Lod 6
Lododowo 7 / Lod 7
Lododowo 8 / Lod 8
Lododowo 9 / Lod 9
Lododowo 10 / Lod 10
Lododowo 11 / Lod 11
Lododowo 12 / Lod 12
Lododowo 13 / Lod 13
Lododowo 14 / Lod 14
Lododowo 15 / Lod 15
Lododowo 16 / Lod 16
Lododowo 17 / Lod 17
Lododowo 18 / Lod 18
Lododowo 19 / Lod 19
Lododowo 20 / Lod 20
Lododowo 21 / Lod 21
Lododowo 22 / Lod 22
Lododowo 23 / Lod 23
Lododowo 24 / Lod 24
Lododowo 25 / Lod 25
Lododowo 26 / Lod 26
Lododowo 27 / Lod 27
Lododowo 28 / Lod 28
Lododowo 29 / Lod 29
Lododowo 30 / Lod 30
Lododowo 31 / Lod 31