A A A A A
Facebook Instagram Twitter
Ewe Bible 1913

Lododowo 1



1
Israel-fia Salomo, Dawid vi la, ƒe lododowo nye esia
2
ne woadze nunya kple amehehe, eye woase nuƒoƒo nunyatɔwo gome,
3
ne woaxɔ amehehe, si fiaa gɔmesese ame, dzɔdzɔenyenye, nu dzɔdzɔe wɔwɔ kple nuteƒewɔwɔ na ame ɖokui;
4
ne gegemewo nadze aɖaŋu, eye ɖekakpulwo nadze si nu, eye woabu tame;
5
ne nunyala nasee, eye wòadzi eƒe nunya ɖe dzi, eye mɔ sɔsɔe nasu nugɔmesela si;
6
ne woase lododowo, abebubuwo, nunyalawo ƒe nyawo kple adzowo gɔme.
7
Yehowa-vɔvɔ̃ enye sidzedze ƒe gɔmetoto; ke bometsilawo doa vlo nunya kple amehehe.
8
Vinye, se fofowò ƒe amehehe, eye megagblẽ ɖawò ƒe nufiame ɖi o;
9
elabena seƒoƒotsihe nyui wonye na wò la kple kɔgɛ na wò kɔ.
10
Vinye, ne nuvɔ̃wɔlawo le nuwò blem la, megalɔ̃ edzi o!
11
Ne wogblɔ be: Yi kpli mi, míade xa ɖe ʋukɔkɔɖi ŋu, eye míanɔ adeklo dzi ɖe ame maɖifɔ ŋu naneke mawɔmawɔe,
12
míami wo agbagbe abe tsiẽƒe ene,
13
míaƒe asi asu nu vevi vovovowo dzi, eye míatsɔ aboyonu ayɔ míaƒe xɔwoe,
14
nana tasɔsɔ ɖeka me kpli mi, eye akplo ɖeka nana mí katã mía si la,
15
ekema vinye, megazɔ ma ɖeka dzi kpli wo o, eye nahe wo afɔ ɖe megbe tso wo toƒe wo.
16
Elabena woƒe afɔwo le tsɔtsɔm ɖe vɔ̃ɖiwɔwɔ ŋu, eye wole abla ɖem, be woakɔ ʋu ɖi.
17
Elabena dzodzroe woɖoa mɔ̃ ɖi le xewo katã ŋku me.
18
Woawo la woawo ŋutɔ ƒe ʋu ŋue wole xa ɖem ɖo, eye woawo ŋutɔ ƒe agbe ŋue wole adeklo dzi ɖo.
19
Alea wòanɔ na amesiwo katã le viɖe madzɔmadzɔ yome tim lae; aɖe ekpɔlawo ƒe agbe ɖa.
20
Nunya le ɣli dom le kpɔdomee, eye wòkɔ eƒe gbe dzi le ablɔwo me,
21
ele ɣli dom le kpɔdomeewo ƒe dzogoe, siwo dzi zi le, kple agbowo nu, du blibo la katã me wòle eƒe nyawo gblɔm le be:
22
Ɣekaɣi mi gegemewo míalɔ̃ bometsitsi, mi fewuɖulawo miakpɔ dzidzɔ le fewuɖuɖu ŋu, eye mi bometsilawo mialé fu sidzedze ase do?
23
Mitrɔ kɔ ɖe nye mokaname ŋuti. Kpa ɖa, mana nye gbɔgbɔ nado bɔbɔbɔ, eye mana miadze si nye nyawo.
24
Esi mele ame yɔm, eye miegbe, meke nye abɔwo, eye amea ɖeke melé ŋku ɖe eŋu o,
25
míedo toku nye aɖaŋuɖoɖowo katã, eye miegbe nye mokaname la,
26
eyata nye hã mako nu le miaƒe dzɔgbevɔ̃e ŋu, eye maɖe alɔme, ne ŋɔdzi xa aƒe na mi,
27
ne ŋɔdzi xa aƒe na mi abe dziya ene, eye miaƒe dzɔgbevɔ̃e do abe ahom ene; ne hiã kple xaxa va mia dzi.
28
Ekema woayɔm, eya nyematɔ o; woadim, ke womakpɔm o.
29
Le esi wolé fu sidzedze, eye womedo Yehowa-vɔvɔ̃ o,
30
le esi womelɔ̃ ɖe nye aɖaŋuɖoɖo dzi o, eye woɖo vlo nye mokanamewo katã ŋuti la,
31
eyata woaɖu woƒe zɔzɔme ƒe kutsetsewo, eye woƒe aɖaŋuɖeɖewo neɖi ƒo na wo.
32
Elabena gegemewo ƒe godzedze wua woawo ŋutɔwo, eye bometsilawo ƒe anyinɔnɔ bɔkɔɔ tsrɔ̃a wo.
33
Ke amesi ɖoa tom la, anɔ anyi bɔkɔɔ, eye dzɔgbevɔ̃e ƒe ŋɔdzidoname maɖe dzi le eƒo o.











Lododowo 1:1
Lododowo 1:2
Lododowo 1:3
Lododowo 1:4
Lododowo 1:5
Lododowo 1:6
Lododowo 1:7
Lododowo 1:8
Lododowo 1:9
Lododowo 1:10
Lododowo 1:11
Lododowo 1:12
Lododowo 1:13
Lododowo 1:14
Lododowo 1:15
Lododowo 1:16
Lododowo 1:17
Lododowo 1:18
Lododowo 1:19
Lododowo 1:20
Lododowo 1:21
Lododowo 1:22
Lododowo 1:23
Lododowo 1:24
Lododowo 1:25
Lododowo 1:26
Lododowo 1:27
Lododowo 1:28
Lododowo 1:29
Lododowo 1:30
Lododowo 1:31
Lododowo 1:32
Lododowo 1:33






Lododowo 1 / Lod 1
Lododowo 2 / Lod 2
Lododowo 3 / Lod 3
Lododowo 4 / Lod 4
Lododowo 5 / Lod 5
Lododowo 6 / Lod 6
Lododowo 7 / Lod 7
Lododowo 8 / Lod 8
Lododowo 9 / Lod 9
Lododowo 10 / Lod 10
Lododowo 11 / Lod 11
Lododowo 12 / Lod 12
Lododowo 13 / Lod 13
Lododowo 14 / Lod 14
Lododowo 15 / Lod 15
Lododowo 16 / Lod 16
Lododowo 17 / Lod 17
Lododowo 18 / Lod 18
Lododowo 19 / Lod 19
Lododowo 20 / Lod 20
Lododowo 21 / Lod 21
Lododowo 22 / Lod 22
Lododowo 23 / Lod 23
Lododowo 24 / Lod 24
Lododowo 25 / Lod 25
Lododowo 26 / Lod 26
Lododowo 27 / Lod 27
Lododowo 28 / Lod 28
Lododowo 29 / Lod 29
Lododowo 30 / Lod 30
Lododowo 31 / Lod 31