A A A A A
Facebook Instagram Twitter
Ewe Bible 1913

2 Mose 6



1
Yehowa gblɔ na Mose bena: Azɔ akpɔ nusi mele Farao wɔ ge. Alɔ sesẽ ana wòaɖe asi le wo ŋu, eye alɔ sesẽ ana wòanya wo atso eƒe anyigba dzi.
2
Eye Mawu ƒo nu kple Mose gblɔ nɛ bena: Nyee nye Yehowa!
3
Nyee ɖe ɖokuinye fia Abraham, Isak kple Yakob abe Mawu ŋusẽkatãtɔ ene, ke nyemeɖe nye ŋkɔ Yehowa fia wo o.
4
Mebia nu kpli wo be, matsɔ Kanaan-nyigba, si dzi wonye amedzrowo le la, ana wo wòanye wo tɔ.
5
Eye azɔ mese Israel-viwo ƒe konyi, si wòta le Egiptetɔwo ƒe wo teteɖanyi la ŋuti, eye meɖo ŋku nye nubabla la dzi.
6
Eyata gblɔ na Israel-viwo bena: Nyee nye Yehowa! Makplɔ mí le dɔ sesẽ, si wɔm miele na Egiptetɔwo la nu, eye mana miavo atso miaƒe kluvidɔ la me, eye mado nye alɔ ɖa atsɔ ŋusẽ gã aɖe mi.
7
Mawɔ mi mianye nye dukɔ, eye manye miaƒe Mawu, eye miadze sii be, nyee nye Yehowa, miaƒe Mawu, amesi kplɔ mi le dɔ sesẽ la nu tso Egipte.
8
Eye makplɔ mi ayi anyigba, si ŋu meka atam ɖo be, matsɔ na Abraham, Isak kple Yakob la dzi. Nye Yehowa matsɔe na mi wòanye mia tɔ.
9
Eye Mose va gblɔ nyawo na Israel-viwo, ke woawo meɖo to Mose o, elabena womegale dzi ɖom ɖe amea ɖeke ŋu o, le dɔ sesẽ la ta.
10
Emegbe Yehowa gblɔ na Mose bena:
11
Yi ɖaƒo nu kple Farao, Egipte-fia bena: Ɖe asi le Israel-viwo ŋuti woadzo le wo anyigba dzi.
12
Eye Mose ɖo ŋu na Yehowa bena: Esi Israel-viwo mele to ɖomem o la, aleke Farao aɖo to nye amesi nu menya ƒona na o la!
13
Tete Yehowa ƒo nu kple Mose kple Aron, eye wòdo wo de Israel-viwo kple Farao, Egipte-fia gbɔ, bena woakplɔ Israel-viwo atso Egipte-nyigba dzi.
14
Esiawo nye aƒehanuawo le woƒe ƒome la me. Ruben, Israel ƒe ŋgɔgbevi, ƒe viwo nye: Henox, Palu, Xezron kple Karmi; esiawo nye Ruben-hawo.
15
Simeon viwo nye: Yemuel, Yamin, Ohad, Yaxin kple Zoxar kpakple Saul, si nye Kanaan-nyɔnu ƒe vi; esiawo nye Simeon-hawo.
16
Esiawo nye Lewi viwo ƒe ŋkɔwo le woƒe dzidzime nu: Gerson, Kahat kple Merari; eye Lewi tsi xɔ ƒe alafa ɖeka kple blaetɔ̃ vɔ adre.
17
Gerson viwo nye Libni kple Simei le woƒe dzidzime nu.
18
Kahat viwo nye: Amram, Yizhar, Xebron kple Uziel; eye Kahat tsi xa ƒe alafa ɖeka kple blaetɔ̃ vɔ etɔ̃.
19
Merari viwo nye: Maxeli kple Musi; esiawo nye Lewi-hawo le woƒe dzidzime nu.
20
Eye, Amram ɖe tsa Yoxebet, amesi dzi Aron kple Mose nɛ. Eye Amram tsi xɔ ƒe alafa ɖeka kple blaetɔ̃ vɔ adre.
21
Yizhar viwo nye: Korax, Nefeg kple Sixri.
22
Uziel viwo nye: Misael, Elzafan kple Sitri.
23
Eye Aron ɖe Eliseba, Aminadab vinyɔnu, amesi nye Naxason nɔvinyɔnu, eye wòdzi Nadab, Abihu, Eleazar kple Itamar nɛ.
24
Korax viwo nye: Asir, Elkana kple Abiasaf; esiawo nye Korax-hawo.
25
Eye Eleazar, Aron vi ɖe Putiel vinyɔnuwo dometɔ ɖeka, amesi dzi Pinexas nɛ. Ame siawo nye Lewi viwo ƒe aƒehánuawo le woƒe ƒome la nu.
26
Esiawo nye Aron kple Mose, amesiwo Yehowa gblɔ na bena: Mikplɔ Israel-viwo ƒe hawo dzo tso Egipte-nyigba dzi!
27
Amesiwo yi ɖagblɔ na Farao, Egipte-fia bena, yewoakplɔ Israel-viwo atso Egipte, wonye Mose kple Aron.
28
Esi Yehowa ƒo nu kple Mose le Egipte la,
29
Yehowa gblɔ na Mose bena: Nyee nye Yehowa! Yi ɖagblɔ nya, siwo katã magblɔ na wò la, na Farao, Egipte-fia.
30
Ke Mose gblɔ na Yehowa bena: Nu menya ƒona nam o; aleke awɔ Farao aɖo to nye gbe?











2 Mose 6:1
2 Mose 6:2
2 Mose 6:3
2 Mose 6:4
2 Mose 6:5
2 Mose 6:6
2 Mose 6:7
2 Mose 6:8
2 Mose 6:9
2 Mose 6:10
2 Mose 6:11
2 Mose 6:12
2 Mose 6:13
2 Mose 6:14
2 Mose 6:15
2 Mose 6:16
2 Mose 6:17
2 Mose 6:18
2 Mose 6:19
2 Mose 6:20
2 Mose 6:21
2 Mose 6:22
2 Mose 6:23
2 Mose 6:24
2 Mose 6:25
2 Mose 6:26
2 Mose 6:27
2 Mose 6:28
2 Mose 6:29
2 Mose 6:30






2 Mose 1 / 2Mo 1
2 Mose 2 / 2Mo 2
2 Mose 3 / 2Mo 3
2 Mose 4 / 2Mo 4
2 Mose 5 / 2Mo 5
2 Mose 6 / 2Mo 6
2 Mose 7 / 2Mo 7
2 Mose 8 / 2Mo 8
2 Mose 9 / 2Mo 9
2 Mose 10 / 2Mo 10
2 Mose 11 / 2Mo 11
2 Mose 12 / 2Mo 12
2 Mose 13 / 2Mo 13
2 Mose 14 / 2Mo 14
2 Mose 15 / 2Mo 15
2 Mose 16 / 2Mo 16
2 Mose 17 / 2Mo 17
2 Mose 18 / 2Mo 18
2 Mose 19 / 2Mo 19
2 Mose 20 / 2Mo 20
2 Mose 21 / 2Mo 21
2 Mose 22 / 2Mo 22
2 Mose 23 / 2Mo 23
2 Mose 24 / 2Mo 24
2 Mose 25 / 2Mo 25
2 Mose 26 / 2Mo 26
2 Mose 27 / 2Mo 27
2 Mose 28 / 2Mo 28
2 Mose 29 / 2Mo 29
2 Mose 30 / 2Mo 30
2 Mose 31 / 2Mo 31
2 Mose 32 / 2Mo 32
2 Mose 33 / 2Mo 33
2 Mose 34 / 2Mo 34
2 Mose 35 / 2Mo 35
2 Mose 36 / 2Mo 36
2 Mose 37 / 2Mo 37
2 Mose 38 / 2Mo 38
2 Mose 39 / 2Mo 39
2 Mose 40 / 2Mo 40