A A A A A
Ewe Bible 1913

Hiob 39



1
Ènya agamegbɔ̃ewo ƒe vidziɣia? eye ɖe nèdze si ɣeyiɣi, si fu ɖua zinɔwoa?
2
Exlẽ dzinu, alesi fu nɔa wo ƒom eye ènya ɣeyiɣi, si wodzia via?
3
Wodzea klo heda wo viawo ɖi, eye wovona tso woƒe vevesesewo me.
4
Ŋusẽ ɖoa wo viawo ŋu, eye wotsina le gbe me, wodzona, eye womegagbɔna vaa wo gbɔ o.
5
Ameka na ablɔɖe gbetedzi? Eye ameka tu ka gbetedzi,
6
si metsɔ gbegbe wɔ aƒe na, eye metsɔ dzeƒe wɔ eƒe nɔƒee?
7
Du me howɔwɔ le kokoe ɖim nɛ, eye mele kplɔla ƒe ɣlidodo sem o.
8
Ele ŋu tsam na gbeɖuƒe le towo dzi, eye wòle gbe mumu ɖesiaɖe yome mɔ dim.
9
Ɖe tò alɔ̃ asubɔ wò kpoo, eye wòatsi wò lãto gbɔ adɔa?
10
Ɖe àte ŋu ade ka tò ɖe agbleŋlɔnu ŋu, alo wòagudu bali me le yowòmea?
11
Ɖe naɖo ŋu ɖe eŋu, le esi ŋusẽ kako le esi ta, eye natsɔ wò dɔ agblẽ ɖe esi mea?
12
Ɖe naɖo dzi ɖe eŋu be, atsɔ wò agblemenuwo ava aƒee, eye wòaƒo wo nu ƒu ɖe wò ava mea?
13
Golonɔ ƒoa aʋala kpakpakpa, ke damixe ƒe aʋala kple fu ye wònyea?
14
Kpao, hafi boŋ eɖaa eƒe azi ɖe anyigba, eye wònana ke dzodzoe ƒoa wo;
15
ke eŋlɔnɛ be, be woaɖo afɔ edzi, eye gbemelãwo agbãe.
16
Esẽa ŋuta le viawo ŋu, abe menye eto wonye o ene; eye ne eƒe agbagbadzedze zu dzodzro ha la, ŋɔ medzinɛ o.
17
Elabena Mawu na nunya bu ɖee, eye mena gɔmesesea ɖekee o.
18
Ne edzo ʋanana la, ekoa sɔ kple edola.
19
Wòe na ŋusẽ sɔa, eye wòe tsa kɔdza tsyɔ kɔ ŋu nɛa?
20
Wòe na wòdzoa kpo abe ʋetsuvi enea? Eƒe gbagba fuxefuxe enye ŋɔdzi.
21
Ele anyigba kam, ekpɔa dzidzɔ le eƒe ŋusẽ ŋu, eye wòyina ɖakpea akpablalawo.
22
Vɔvɔ̃ ɖoa nukokoe ne, ŋɔ medzinɛ o, eye metrɔa megbe dea yi o.
23
Daku, akplɔ kple tunuhlo le zi dom ɖe eŋu.
24
Enyrã, eye wòdze agbo heka anyigba le dadam, eye ne kpẽ di hã la, metɔna o.
25
Ne kpẽ ɖi la, exlɔ̃na be: Eɖo dzi loo! Aʋa kple aʋafia ƒe gbedeɖe kpakple aʋaɣli ƒe ya le edzi dzem tso adzɔge ke!
26
Wò nunya nue aʋako dzona, eye wòkekea eƒe aʋala ɖoa ta dziehe lena?
27
Ɖe hɔ̃ dzona le wò nya nu, eye wòwɔa eƒe atɔ de kɔkɔƒea?
28
Enɔa agakpewo dzi, eye wòwɔa atɔ ɖe agakpewo to kple towo ƒe tsutsuèaƒe.
29
Afima wòtsaa ŋu nuɖuɖu tsona, eye eƒe ŋku kpɔa keke didiƒe ke.
30
Viawo noa ʋu, eye afisi ame tsiaʋawo le la, afima wònɔna.











Hiob 39:1

Hiob 39:2

Hiob 39:3

Hiob 39:4

Hiob 39:5

Hiob 39:6

Hiob 39:7

Hiob 39:8

Hiob 39:9

Hiob 39:10

Hiob 39:11

Hiob 39:12

Hiob 39:13

Hiob 39:14

Hiob 39:15

Hiob 39:16

Hiob 39:17

Hiob 39:18

Hiob 39:19

Hiob 39:20

Hiob 39:21

Hiob 39:22

Hiob 39:23

Hiob 39:24

Hiob 39:25

Hiob 39:26

Hiob 39:27

Hiob 39:28

Hiob 39:29

Hiob 39:30







Hiob 1 / Hio 1

Hiob 2 / Hio 2

Hiob 3 / Hio 3

Hiob 4 / Hio 4

Hiob 5 / Hio 5

Hiob 6 / Hio 6

Hiob 7 / Hio 7

Hiob 8 / Hio 8

Hiob 9 / Hio 9

Hiob 10 / Hio 10

Hiob 11 / Hio 11

Hiob 12 / Hio 12

Hiob 13 / Hio 13

Hiob 14 / Hio 14

Hiob 15 / Hio 15

Hiob 16 / Hio 16

Hiob 17 / Hio 17

Hiob 18 / Hio 18

Hiob 19 / Hio 19

Hiob 20 / Hio 20

Hiob 21 / Hio 21

Hiob 22 / Hio 22

Hiob 23 / Hio 23

Hiob 24 / Hio 24

Hiob 25 / Hio 25

Hiob 26 / Hio 26

Hiob 27 / Hio 27

Hiob 28 / Hio 28

Hiob 29 / Hio 29

Hiob 30 / Hio 30

Hiob 31 / Hio 31

Hiob 32 / Hio 32

Hiob 33 / Hio 33

Hiob 34 / Hio 34

Hiob 35 / Hio 35

Hiob 36 / Hio 36

Hiob 37 / Hio 37

Hiob 38 / Hio 38

Hiob 39 / Hio 39

Hiob 40 / Hio 40

Hiob 41 / Hio 41

Hiob 42 / Hio 42