A A A A A
Facebook Instagram Twitter
Ewe Bible 1913

Hiob 38



1
Eye Yehowa ɖo ŋu na Hiob le dziya me gblɔ bena:
2
Amekae tsɔ nuƒoƒo, si nunyaa ɖeke mele eme o la, blu aɖaŋuɖoɖo mee?
3
Tso, nasa avɔ ɖe ali abe ŋutsu ene; mabia nya wò, eye nafia num!
4
Afika nènɔ, esime meɖo anyigba gɔme anyi? Ne nunya le tagbɔ na wò la, ekema gblɔe!
5
Ameka ɖo eƒe dzidzeme? Enyae tso! Alo ameka da dzidzeka nɛ?
6
Nuka dzi wodo egɔme anyi do, eye ameka ɖo eƒe dzogoedzikpe,
7
esime ŋukeɣletiviwo katã le aseye tsom, eye Mawu ƒe viwo katã gli kple dzidzɔa?
8
Ameka tso ʋɔtruwo xe mɔ na atsiaƒu, esime wòdo tso vidzidɔ me?
9
Esime metsyɔ alilikpo nɛ, eye medzii goŋgoŋ ɖe blukɔ me;
10
meɖo liƒo nɛ, eye mede gameti kple agbo enu
11
hegblɔ bena: Afii nava se ɖo, eye mayi ŋgɔ o; eye afii wò tsotsoe kpakawo aƒo ɖoa?
12
Le wò agbe me ŋkekewo me la, ɖe nèɖe se na ŋɖi kpɔ, eye néfia agudzedze ƒe nɔƒee,
13
ne wòalé anyigbatoga aʋuʋu ame vɔ̃ɖiwo ɖa le eŋua?
14
Etrɔna abe tsu, si wonyã ene, eye nɔnɔmewo tsia anyi abe avɔ ene.
15
Woaxɔ kekeli le ame vɔ̃ɖi si, eye woaŋe abɔ, si woɖo ɖe dzi la.
16
Ɖe nede atsiaƒu dzɔƒe, eye nèzɔ egɔme kpɔa?
17
De woʋu ku ƒe agbo na wò, eye nekpɔ blukɔ tsiɖitsiɖi ƒe agbo kpɔa?
18
Ekpɔ anyigba ƒe kekemea? Ne enya nusiawo katã la, gblɔe!
19
Kekeli gbɔ mɔ ɖe, eye afika nye viviti ƒe nɔƒe,
20
ne nakplɔ wo ayi woƒe liƒo dzii, eye nanya woƒe aƒe gbɔ mɔa?
21
Enyae tso, elabena ɣemaɣi wodzi wò, eye wò ŋkekewo ƒe xexlẽme sɔ gbɔ!
22
Ɖe nède afisi wodzra sno ɖo, eye nèkpɔ afisi woƒo dzikpewo nu ƒu do,
23
esiwo metu do ɖe xaxaɣi, avuwɔgbe kple aʋakpegbe ŋua?
24
Mɔ ka kekeli mãna tona, eye afika ɣedzeƒeya tona kakana ɖe anyigba dzi?
25
Ameka ɖo toƒe na tsidzadza gãwo kple mɔ na dziɖegbe kple dzikedzo,
26
ne tsi nadze ɖe anyigba, si dzi amegbetɔ mele o, kple gbedadaƒo, afisi amea ɖeke mele o,
27
ne woana tagba kple gbegbe naɖi kɔ, eye gbe mumu namie?
28
Ɖe fofo li na tsidzadza, eye zãmũ ƒe tagegewo la, ameka dzi wo?
29
Ameka ƒe dɔ mee tsi babla tso, eye ameka dzi dziƒo ƒe miãtsi bablawo?
30
Tsiwo lía abe kpe ene, eye tɔwo ŋgɔ bla ɖekae.
31
Wòe saa atifieŋuwo ƒe ka, alo wòe ɖea ka avũ kple avũtɔa?
32
Wòe kplɔa ŋukeɣletivi doa goe, eye wòe kplɔa koklovinɔ kple viawoa?
33
Enya dziƒo ƒe sewoa, alo wòe ɖoa eƒe dziɖuɖu ɖe anyigba dzia?
34
A le ŋu aɖe gbe na alilikpo be, tsi geɖe nanyẽ atsyɔ dziwòa?
35
Ate ŋu ada dzikedzowo, eye woayi ava gblɔ na wò be: Míawoe nye esia?
36
Ameka tsɔ nunya ɖo alilikpo tsiɖitsiɖi me, eye ameka na gɔmesese yamenuwo?
37
Ameka tsɔ nunya xlẽ alilikpowoe, eye ameka trɔ dziƒotsigoewo ƒo ɖe anyi,
38
ale be anyigba wɔ agbi heƒuna, eye anyikɔwo léna ɖe wo nɔewo ŋu?
39
Wòe kaa ade na dzatanɔ, eye nèfaa dɔwuame nu na dzataviwo,
40
ne wotsyɔ akɔ anyi ɖe dowo me, eye wode xa ɖe avedodoewo mea?
41
Ameka ɖaa nuɖuɖu na akpaviã, ne viawo le ɣli dom na Mawu, eye wole tsa glãla tsam nuɖuɖu makpɔmakpɔe?











Hiob 38:1
Hiob 38:2
Hiob 38:3
Hiob 38:4
Hiob 38:5
Hiob 38:6
Hiob 38:7
Hiob 38:8
Hiob 38:9
Hiob 38:10
Hiob 38:11
Hiob 38:12
Hiob 38:13
Hiob 38:14
Hiob 38:15
Hiob 38:16
Hiob 38:17
Hiob 38:18
Hiob 38:19
Hiob 38:20
Hiob 38:21
Hiob 38:22
Hiob 38:23
Hiob 38:24
Hiob 38:25
Hiob 38:26
Hiob 38:27
Hiob 38:28
Hiob 38:29
Hiob 38:30
Hiob 38:31
Hiob 38:32
Hiob 38:33
Hiob 38:34
Hiob 38:35
Hiob 38:36
Hiob 38:37
Hiob 38:38
Hiob 38:39
Hiob 38:40
Hiob 38:41






Hiob 1 / Hio 1
Hiob 2 / Hio 2
Hiob 3 / Hio 3
Hiob 4 / Hio 4
Hiob 5 / Hio 5
Hiob 6 / Hio 6
Hiob 7 / Hio 7
Hiob 8 / Hio 8
Hiob 9 / Hio 9
Hiob 10 / Hio 10
Hiob 11 / Hio 11
Hiob 12 / Hio 12
Hiob 13 / Hio 13
Hiob 14 / Hio 14
Hiob 15 / Hio 15
Hiob 16 / Hio 16
Hiob 17 / Hio 17
Hiob 18 / Hio 18
Hiob 19 / Hio 19
Hiob 20 / Hio 20
Hiob 21 / Hio 21
Hiob 22 / Hio 22
Hiob 23 / Hio 23
Hiob 24 / Hio 24
Hiob 25 / Hio 25
Hiob 26 / Hio 26
Hiob 27 / Hio 27
Hiob 28 / Hio 28
Hiob 29 / Hio 29
Hiob 30 / Hio 30
Hiob 31 / Hio 31
Hiob 32 / Hio 32
Hiob 33 / Hio 33
Hiob 34 / Hio 34
Hiob 35 / Hio 35
Hiob 36 / Hio 36
Hiob 37 / Hio 37
Hiob 38 / Hio 38
Hiob 39 / Hio 39
Hiob 40 / Hio 40
Hiob 41 / Hio 41
Hiob 42 / Hio 42