A A A A A
Ewe Bible 1913

Hiob 31



1
Mebla nu kple nye ŋku, eye aleke lawɔ malé ŋku ɖe ɖetugbi ŋu?
2
Nuka ahanye nye gome mo Mawu gbɔ le dzi me, kpakple nye domenyinu tso ŋusẽkatãtɔ gbɔ le dziƒo ʋi ma?
3
Ɖe gbegblẽ mevaa ame vɔ̃ɖi dzi, eye dzɔgbevɔ̃e vaa nu vɔ̃ɖi wɔlawo dzi oa?
4
Ɖe mele nye mɔwo kpɔm, eye wòxlẽa nye afɔɖeɖewo katã oa?
5
Nenye ɖe metsɔ aʋatsokaka ɖo dɔe, eye nye afɔ tsona ɖe alakpadada ŋu la,
6
ekema nedam le nudanu nyuitɔ dzi, eye Mawu nadze si nye fɔmaɖimaɖi.
7
Ne nye afɔ da le mɔ dzi, nye dzi dze nye ŋku yome, eye ɖinuwɔwɔa ɖe le ɖe asi ŋu nam la,
8
ekema maƒã nu, eye ame bubu naɖui, eye woaho nye nu miemiewo kple ke.
9
Ne woflu nye dzi ɖe nyɔnu ŋu, eye mede xa ɖe hanyevi ƒe ʋɔtru nu la,
10
ekema srɔ̃nye netu wɔ na ame bubu, eye ame tutɔ nedɔ egbɔ.
11
Elabena ŋukpenanu enye esia, eye se me dzedze wònye le ʋɔnudrɔ̃lawo ŋku me.
12
E, dzo wònye, si abi nu vaseɖe tsiẽƒe ke, eye wòafiã nye agblemenuwo katã kple ke.
13
Ne nye dɔlaŋutsu kple nye dɔlanyɔnu do nya me kplim, eye megbe woƒe nya dzɔdzɔe la,
14
nuka mawɔ, nenye be, Mawu tso? Eye ne edzro eme kpɔ la, aleke made eŋu nɛ?
15
Ɖe menye amesi mem ɖe vidzidɔ me la, me eya hã, eye ame ɖekae wɔ mí ɖe dɔme oa?
16
Ɖe mete ame dahewo ƒe nudidi wo, eye mene nu ti kɔ na ahosiwo ƒe ŋkuwoa?
17
Ɖe nye ɖeɖe meɖu nu, eye nyemena tsyɔ̃evi ɖul kplim oa?
18
Kpao, ke boŋ enɔ gbɔnye tsi tso nye ɖevime abe fofoa gbɔ ene, eye tso keke danye ƒe dome ke mefia mɔnui.
19
Ne mekpɔ ame ɖoko avɔ mele eŋu o, eye nutsyɔtsyɔ mele ame dahe si o la,
20
ɖe eƒe alime meyram, eye nye alẽwo ƒe tu de dzo lãme nɛ oa?
21
Ne menye nye asi de tsyɔ̃evi ŋu, le esi xɔnamelɔ le asinye le dua me ta la,
22
ekema nye abɔta nege le abɔgba ŋu, eye nye abɔ netu ɖa le ekpeƒe!
23
Elabena gbegblẽ, si tso Mawu gbɔ la, do ŋɔdzi nam, eye nyemate ŋu anɔ te de eƒe gãnyenye nu o.
24
Ne meɖo dzi ɖe sika ŋu, eye megblɔ na sika nyuitɔ be: wò ŋue mele ŋu ɖom ɖo;
25
ne mekpɔ dzidzɔ be, nye kesinɔnuwo sɔ gbɔ, eye nye alɔ wɔ dɔ kpɔ nu geɖe;
26
ne mekpɔ alesi ɣe le keklẽmi, kple alesi dzinu le yiyim le atsyɔ̃ mee,
27
eye woflu nye dzi le adzame megbugbɔ nye asi ŋu na wo la,
28
ekema esia hã anye se me dzedze le ʋɔnudrɔ̃lawo ŋku me; elabena meda alakpa na Mawu le dzi.
29
Ɖe mekpɔ dzidzɔ le nye ketɔ ƒe dzɔgbevɔ̃e ŋu, eye meti kpo, esime vɔ dzɔ ɖe edzia?
30
Kpao, nyemena nye nu wɔ nuvɔ̃ o, eye nyemedi eƒe ku to ɖiŋudodo nɛ me o.
31
Ɖe aƒenye me tɔwo menɔa gbɔgblɔm bena: Amekae meɖu eƒe lã ɖi ƒo oa?
32
Amedzro metsia xexe dɔna o, ke boŋ meʋua nye ʋɔ na mɔzɔla.
33
Ɖe metsyɔ nu nye dzidadawo dzi abe amegbetɔ ene, eye meɣla nye fɔɖiɖi ɖe akɔnua?
34
Ɖe menɔa ame geɖewo vɔ̃m, eye ƒomewo ƒe vlododo nɔa ŋɔ dzim nam, eyata ɖoɖoe zina le ŋunye, eye nyemedona ɖe ʋɔtru nu oa?
35
Oo, ɖe amea ɖe naɖo tom! Kpɔ ɖa, nye nuŋɔŋlɔ enye si, ŋusẽkatãtɔ neɖo eŋu nam! Nye adikãtɔ ƒe nuŋɔŋlɔ ɖe?
36
Vavã, malée ɖe abe, eye maxatsae ɖe ta abe atsyɔ̃ɖonu ene.
37
Mato nye afɔɖeɖewo ƒe xexlẽme nɛ, eye mate ɖe eŋu abe amegã ene.
38
Ne nye agble nɔa ɣli dom ɖe ŋunye, eye eƒe boliƒowo kalã nɔa avi fam,
39
ne meɖu eme nu femaxemaxe, eye mene gbɔgbɔ ɖo le agbletɔ me la,
40
ekema ŋu nemie ɖe lu teƒe, eye gbe vɔe nemie ɖe ƒo teƒe! Hiob gblɔ eƒe nya vɔ.











Hiob 31:1

Hiob 31:2

Hiob 31:3

Hiob 31:4

Hiob 31:5

Hiob 31:6

Hiob 31:7

Hiob 31:8

Hiob 31:9

Hiob 31:10

Hiob 31:11

Hiob 31:12

Hiob 31:13

Hiob 31:14

Hiob 31:15

Hiob 31:16

Hiob 31:17

Hiob 31:18

Hiob 31:19

Hiob 31:20

Hiob 31:21

Hiob 31:22

Hiob 31:23

Hiob 31:24

Hiob 31:25

Hiob 31:26

Hiob 31:27

Hiob 31:28

Hiob 31:29

Hiob 31:30

Hiob 31:31

Hiob 31:32

Hiob 31:33

Hiob 31:34

Hiob 31:35

Hiob 31:36

Hiob 31:37

Hiob 31:38

Hiob 31:39

Hiob 31:40







Hiob 1 / Job 1

Hiob 2 / Job 2

Hiob 3 / Job 3

Hiob 4 / Job 4

Hiob 5 / Job 5

Hiob 6 / Job 6

Hiob 7 / Job 7

Hiob 8 / Job 8

Hiob 9 / Job 9

Hiob 10 / Job 10

Hiob 11 / Job 11

Hiob 12 / Job 12

Hiob 13 / Job 13

Hiob 14 / Job 14

Hiob 15 / Job 15

Hiob 16 / Job 16

Hiob 17 / Job 17

Hiob 18 / Job 18

Hiob 19 / Job 19

Hiob 20 / Job 20

Hiob 21 / Job 21

Hiob 22 / Job 22

Hiob 23 / Job 23

Hiob 24 / Job 24

Hiob 25 / Job 25

Hiob 26 / Job 26

Hiob 27 / Job 27

Hiob 28 / Job 28

Hiob 29 / Job 29

Hiob 30 / Job 30

Hiob 31 / Job 31

Hiob 32 / Job 32

Hiob 33 / Job 33

Hiob 34 / Job 34

Hiob 35 / Job 35

Hiob 36 / Job 36

Hiob 37 / Job 37

Hiob 38 / Job 38

Hiob 39 / Job 39

Hiob 40 / Job 40

Hiob 41 / Job 41

Hiob 42 / Job 42