A A A A A
Ewe Bible 1913

Hiob 30



1
Azɔ nye tsɛwo, amesiwo fofowo medzem be, mana woade ha kple nye lãkplɔvũwo gɔ̃ hã o la, le koyem.
2
Nuka woƒe alɔkpa sesẽ nye nam? Tsitsinyenye bu ɖe wo.
3
Hiã kple dɔwuame na wolé ayi, eye wokuko gbegbe, si nye gbedzi ƒeƒle la.
4
Amesiwo ke aŋɔto le avekɔewo te, eye dɔli ƒe ke enye woƒe nuɖuɖu.
5
Wonyã wo le ha me, eye wole ɣli dom ɖe wo ta abe fiafitɔwo ene.
6
Wonɔa ne dziŋɔwo, dowo kple agadowo me.
7
Wole xɔxlɔ̃m le avekɔewo dome, eye woƒo ta kpli de aŋɔkawo te.
8
Bometsilawo kple ame ɖigbɔwo ƒe viwo wonye, amesiwo wotsɔ atam nya ɖa le anyigba dzi.
9
Azɔ metrɔ zu lodonu na wo, eye mezu alɔmeɖenu na wo.
10
Wole ŋu nyɔmem, wodea megbe le ŋunye, eye womegbea taɖeɖe ɖe mo nam o.
11
Elabena atso nye daka, eye wòbɔbɔm ɖe anyi, eye wòna woɖaa ɖadzra le ŋkunye me.
12
Ɖevi vloewo tsia tre ɖe ŋunye le ɖusi me, wotutua nye afɔ ɖa, eye wotaa mɔ ɖe ŋunye, be yewoagblẽm.
13
Wogblẽa nye toƒe, eye wo, amesiwo xɔnamelɔa ɖeke meli na o la, kpea asi ɖe nye dzɔgbevɔ̃e ŋu.
14
Wogbã gli gbawoo hegbɔna, eye wole nu gblẽm hezɔna ɖe eme.
15
Ŋɔdzidodo trɔna ɖe ŋunye; woyɔa nye bubu ɖe nu abe ya ene, eye nye dzɔgbenyuie nu yina ahe alilikpo ene.
16
Azɔ nye luʋɔ lólo gbanaa ɖe dɔme nam, eye hiãŋkekewo lém.
17
Wowlua nye ƒuwo me le zã heɖea wo ɖa le ŋunye, eye ɖunyelawo megbɔna ɖe eme o.
18
Kuɖiɖi na nye awu gblɔ ɖe ŋunye, eye wole ŋunye abe nye awutewui ƒe kɔme ene.
19
Wotsɔm ƒu gbe ɖe ba me, eye mele abe ke kple afi ene.
20
Medoa ɣli yɔa wò, ke mètɔna nam o; metsia tre ɖi, eye mèléa ŋku de ŋunye o.
21
Etrɔ zu ŋutasẽla de ŋunye, eye nètsɔa wò asi sesẽ wɔa avu kplim.
22
Ekɔam ɖe dzi mezɔa ya me, eye nènana menyina de ahom me keŋkeŋ.
23
Elabena menyae be, àkplɔm ade asi na ku, eye mayi xɔ, si me agbãgbeawo katã ƒoa ta kpli do la me.
24
Ke ne wole to yim la, ɖe wo meɖoa asi ɖe dzi oa? Eye ne woɖo dzɔgbevɔ̃e me la, ɖe womeɖoa boboe oa?
25
De nyemete avi ɖe amesi ɖo ɣeyiɣi sesẽ me la ŋu kpa oa? Eye ɖe nye luʋɔ mexa nu ɖe ame dahe ŋu kpɔ oa?
26
Elabena mekpɔ mɔ na nyui, ke vɔ̃ va; mekpɔ kekeli sinu, ke viviti do.
27
Nye dɔkaviwo le tòtom klɔklɔklɔ atraɖii, eye hiãŋkekewo ƒo ɖe dzinye.
28
Menyɔ tsiɖitsiɖi le yiyim, evɔ menye ɣee fiãm o; metso le takpekpe me hele boboe dom.
29
Mezu agbotoewo nɔvi kple hati na golowo.
30
Nye ŋutigbalẽ nyɔ tsiɖitsiɖi heflo le ŋunye, eye dzoxɔxɔ na nye ƒuwo fiã.
31
Nye gakasaŋku do konyifagbe, eye nye dze ƒe ɖiɖi zu avigbe.











Hiob 30:1

Hiob 30:2

Hiob 30:3

Hiob 30:4

Hiob 30:5

Hiob 30:6

Hiob 30:7

Hiob 30:8

Hiob 30:9

Hiob 30:10

Hiob 30:11

Hiob 30:12

Hiob 30:13

Hiob 30:14

Hiob 30:15

Hiob 30:16

Hiob 30:17

Hiob 30:18

Hiob 30:19

Hiob 30:20

Hiob 30:21

Hiob 30:22

Hiob 30:23

Hiob 30:24

Hiob 30:25

Hiob 30:26

Hiob 30:27

Hiob 30:28

Hiob 30:29

Hiob 30:30

Hiob 30:31







Hiob 1 / Hio 1

Hiob 2 / Hio 2

Hiob 3 / Hio 3

Hiob 4 / Hio 4

Hiob 5 / Hio 5

Hiob 6 / Hio 6

Hiob 7 / Hio 7

Hiob 8 / Hio 8

Hiob 9 / Hio 9

Hiob 10 / Hio 10

Hiob 11 / Hio 11

Hiob 12 / Hio 12

Hiob 13 / Hio 13

Hiob 14 / Hio 14

Hiob 15 / Hio 15

Hiob 16 / Hio 16

Hiob 17 / Hio 17

Hiob 18 / Hio 18

Hiob 19 / Hio 19

Hiob 20 / Hio 20

Hiob 21 / Hio 21

Hiob 22 / Hio 22

Hiob 23 / Hio 23

Hiob 24 / Hio 24

Hiob 25 / Hio 25

Hiob 26 / Hio 26

Hiob 27 / Hio 27

Hiob 28 / Hio 28

Hiob 29 / Hio 29

Hiob 30 / Hio 30

Hiob 31 / Hio 31

Hiob 32 / Hio 32

Hiob 33 / Hio 33

Hiob 34 / Hio 34

Hiob 35 / Hio 35

Hiob 36 / Hio 36

Hiob 37 / Hio 37

Hiob 38 / Hio 38

Hiob 39 / Hio 39

Hiob 40 / Hio 40

Hiob 41 / Hio 41

Hiob 42 / Hio 42