A A A A A
Ewe Bible 1913

Hiob 20



1
Tete Naamalɔ Zofar do ŋu gblɔ bena:
2
Esi metsi dzi le ɖokuinye me la, eyata nye susuwo ɖo eŋu nam.
3
Manɔ nya heɖeameŋu, si nye nye dzu la sem, eye wòatsɔ nya toflokowo anɔ eŋu ɖom nam.
4
Ɖe menya nusi li tso tititi ke, esime woɖo amegbetɔwo anyigba dzi la o be:
5
Ame vlowo ƒe aseyetsotso nu mesena yina o, eye ame vɔ̃ɖi ƒe dzidzɔ nɔa anyi aɖabaƒoƒo ɖeka koa?
6
Ne eƒe gãnyenye de dziƒo, eye eƒe ta ɖatɔ alilikpo la,
7
aɖo agu ɖikaa abe eƒe mi ene; eye amesiwo kpee la, abia be: Afika eyama le?
8
Enu ayi abe drɔ̃ekuku ene, eye womagakpɔe o, eye wòabu abe zã me ŋutega ene.
9
Ŋku, si kpɔe la, magakpɔe akpɔ o; eye enɔƒe hã magakpɔe o.
10
Viawo anyo dɔme na ame dahewo, eye woƒe asi agbugbɔ eƒe kesinɔnuwo ana.
11
Ŋusẽ dzodzo nɔ eƒe ƒuwo ŋu, ke woa kplii womlɔ ke me.
12
Ne nu vɔ̃ɖi vivi le nu me nɛ, eye wòɣlae ɖe eƒe aɖe te,
13
eɖo nuxi, meɖe asi le eŋu o, eye wògblẽe ɖe eƒe veme la,
14
ekema eƒe nuɖuɖu atrɔ le eƒe dɔkaviwo me azu da kpui ƒe veve ɖe dɔme nɛ.
15
Emi kesinɔnu, eye ele nɛ be, wòadzɔe; Mawu aɖee atso eƒe ɖɔ me.
16
Eno da kpui ƒe aɖi, eye ƒli ƒe aɖi wui,
17
Makpɔ dzidzɔ le tɔʋuwo kple tɔsisiwo, esiwo me anyitsi kple notsi kpekẽ le sisim la la ŋu o.
18
Egbugbɔ nusi wòwɔ ɖɔ kpɔ la na, eye memii o; eye mekpɔ dzidzɔ le nusi wòɖɔ li la ŋu o.
19
Elabena ete ame dahe ɖe anyi, eye wògblẽe ɖi; exɔ xɔ, si metu o la sesẽe.
20
Elabena atsi dzodzodzoe le eɖokui me, ke matsɔ eƒe nu veviwo aɖe eɖokuii o.
21
Naneke mekpɔtɔ o le eƒe nutsuɖuɖu la, eyata eƒe dzɔgbenyuie matɔ ɖi o.
22
Ne nu bɔ ɖe esi kpaŋ la, ŋɔdzi alée be, hiãtɔwo ƒe asiwo katã le ye dzi va ge.
23
Esime wòle eƒe ƒoɖo yɔm kple nuɖuɖu la, eɖe ga eƒe dɔmedzoe heliheli la ɖe eŋu, eye wòna wòdza ɖe edzi le nuaɖuƒe.
24
Ne esi le ga yibɔ lãnu nu la, ekema akɔblida aƒo ɖee.
25
Ehoe wòdo le eƒe lã me, eye esi ga dadzo la ɖo tso eƒe vevegoe me la, ŋɔdzi lée.
26
Wodzra vivitiwo katã ɖo ɖi ɖe eƒe kesinɔnuwo ŋu; dzo, si womeƒlɔ ɖo o la, fiãe, eye wòɖuɖɔ nusi kpɔtɔ ɖe eƒe agbaɖɔ me la ƒiaƒiaƒia!
27
Dziƒo aklo nu le eƒe vodada dzi, eye anyigba atso ɖe eŋu.
28
Wòalɔ eƒe me gblemenuwo adzoe, eye wòado dzodzo yayaya le Mawu ƒe dɔmedzoe ŋkeke la dzi.
29
Esia nye ame vlo ƒe gome tso Mawu gbɔ kpakple domenyinu, si woɖo ɖi nɛ tso Mawu gbɔ.











Hiob 20:1

Hiob 20:2

Hiob 20:3

Hiob 20:4

Hiob 20:5

Hiob 20:6

Hiob 20:7

Hiob 20:8

Hiob 20:9

Hiob 20:10

Hiob 20:11

Hiob 20:12

Hiob 20:13

Hiob 20:14

Hiob 20:15

Hiob 20:16

Hiob 20:17

Hiob 20:18

Hiob 20:19

Hiob 20:20

Hiob 20:21

Hiob 20:22

Hiob 20:23

Hiob 20:24

Hiob 20:25

Hiob 20:26

Hiob 20:27

Hiob 20:28

Hiob 20:29







Hiob 1 / Hio 1

Hiob 2 / Hio 2

Hiob 3 / Hio 3

Hiob 4 / Hio 4

Hiob 5 / Hio 5

Hiob 6 / Hio 6

Hiob 7 / Hio 7

Hiob 8 / Hio 8

Hiob 9 / Hio 9

Hiob 10 / Hio 10

Hiob 11 / Hio 11

Hiob 12 / Hio 12

Hiob 13 / Hio 13

Hiob 14 / Hio 14

Hiob 15 / Hio 15

Hiob 16 / Hio 16

Hiob 17 / Hio 17

Hiob 18 / Hio 18

Hiob 19 / Hio 19

Hiob 20 / Hio 20

Hiob 21 / Hio 21

Hiob 22 / Hio 22

Hiob 23 / Hio 23

Hiob 24 / Hio 24

Hiob 25 / Hio 25

Hiob 26 / Hio 26

Hiob 27 / Hio 27

Hiob 28 / Hio 28

Hiob 29 / Hio 29

Hiob 30 / Hio 30

Hiob 31 / Hio 31

Hiob 32 / Hio 32

Hiob 33 / Hio 33

Hiob 34 / Hio 34

Hiob 35 / Hio 35

Hiob 36 / Hio 36

Hiob 37 / Hio 37

Hiob 38 / Hio 38

Hiob 39 / Hio 39

Hiob 40 / Hio 40

Hiob 41 / Hio 41

Hiob 42 / Hio 42