A A A A A
Ewe Bible 1913

Hiob 13



1
Mikpɔ ɖa, nusiawo katã mekpɔ kple nye ŋkuwo, nye to see, eye wòdzrae ɖo.
2
Nu alesi nu mienya la, nye hã menyae; míe kple miawo la kpo ɖeka dzi míele.
3
Ke medi be, maƒo nu kple ŋusẽkatãtɔ, eye wòle dzroyem be, mía kple Mawu míahe nya akpa.
4
Ke miawo la, ami ɖem miele ɖe aʋatso, eye gbedala dzodzrowo mienye.
5
Oo, ne miazi ɖoɖoe dzro de; ekema woabu esia nunyae na mi.
6
Mise ɖokuinye nuɖeɖe dzro, eye milé to ɖe nye nuyiwo ƒe nyaʋiʋli ŋu!
7
Ɖa miebe, yewoagblɔ nu madzɔmadzɔ ahatsɔ di Mawu ƒe nyonyo, eye miaka aʋatso ahatsɔ ɖi eƒe nyonyoa?
8
Ɖe miebe, yewoade edzia? Alo ɖe miebe, yewoawɔ dzre ɖe Mawu nua?
9
Ne edzro mia me kpɔ la, ɖe eteƒe akɔa? Alo ɖe miebe, yewoaflui, abe alesi woflua amegbetɔ enea?
10
Ahe to na mi kokoko, ne miele ame dzi dem le adze me.
11
Ɖe eƒe gãnyenye mado ŋɔdzi na mi, eye eƒe vɔvɔ̃ malé mi oa?
12
Miaƒe nye tsitsiwo nye tofloko, eye miaƒe aʋakpoƒuƒuwo nye anyi ɖeɖe.
13
Miɖe nu ɖa le ŋunye, ne maƒo nu, eye nusi be, yeava dzinye la, neva!
14
Malé nye ŋutilã ɖe aɖu nu, eye matsɔ nye luʋɔ aɖo nye asi me.
15
Kpɔ ɖa, ele wu ye ge tsã, eya ko sinu kpɔm mele; ke ɖeko mebe, maʋu go nye zɔzɔme ɖe ŋku me nɛ,
16
eye esia nye nye dziɖuɖu xoxo, elabena ame vloa ɖeke medona ɖe eŋku me o.
17
Mise nye nyawo dzro, eye nye nyameɖeɖe nede to me na mi!
18
Kpɔ ɖa, medzra ɖo ɖe dzrenya la ŋu, eye menyae be, tɔnyee le dzɔdzɔ ge.
19
Ameka ate ŋu akpe kplim? Eya ko hafi mazi ɖoɖoe, eye maku.
20
Negbe nu eve ko megawɔm o, ekema nyemaɣla ɖokuinye ɖe ŋkuwò me o:
21
Te wò asi ɖa le ŋunye, eye wò ŋɔdzi megade dzikatsoƒoe nam o!
22
Ekema yɔm, eye matɔ, alo nyea maƒo nu, eye nado eŋu nam!
23
Vodada kple nuvɔ̃ nenie le ŋunye? Na manya nye dzidadawo kple nye nuvɔ̃wo!
24
Nukaŋuti nèɣla wò ŋku me dem, eye nèle buyem wò futɔe?
25
Ɖe nèbe yeado vodi na aŋgba, si nu ya, alo nayɔ ahɔ̃liti ƒuƒu ɖe nua?
26
Hafi nètsɔ vevesesewo ɖo dzinye, eye nèna mele nye ɖevime vodadawo ƒe dome nyim;
27
ède ga nye afɔwo ɖe atiboli ŋu, èle ŋudzɔ hã na nye mɔwo katã, eye nèɖo liƒo na nye afɔƒome;
28
evɔ wònye menyunyɔ abe nu ŋɔɖua kple avɔ, si agbagblaʋui du la, ene hafi.











Hiob 13:1

Hiob 13:2

Hiob 13:3

Hiob 13:4

Hiob 13:5

Hiob 13:6

Hiob 13:7

Hiob 13:8

Hiob 13:9

Hiob 13:10

Hiob 13:11

Hiob 13:12

Hiob 13:13

Hiob 13:14

Hiob 13:15

Hiob 13:16

Hiob 13:17

Hiob 13:18

Hiob 13:19

Hiob 13:20

Hiob 13:21

Hiob 13:22

Hiob 13:23

Hiob 13:24

Hiob 13:25

Hiob 13:26

Hiob 13:27

Hiob 13:28







Hiob 1 / Hio 1

Hiob 2 / Hio 2

Hiob 3 / Hio 3

Hiob 4 / Hio 4

Hiob 5 / Hio 5

Hiob 6 / Hio 6

Hiob 7 / Hio 7

Hiob 8 / Hio 8

Hiob 9 / Hio 9

Hiob 10 / Hio 10

Hiob 11 / Hio 11

Hiob 12 / Hio 12

Hiob 13 / Hio 13

Hiob 14 / Hio 14

Hiob 15 / Hio 15

Hiob 16 / Hio 16

Hiob 17 / Hio 17

Hiob 18 / Hio 18

Hiob 19 / Hio 19

Hiob 20 / Hio 20

Hiob 21 / Hio 21

Hiob 22 / Hio 22

Hiob 23 / Hio 23

Hiob 24 / Hio 24

Hiob 25 / Hio 25

Hiob 26 / Hio 26

Hiob 27 / Hio 27

Hiob 28 / Hio 28

Hiob 29 / Hio 29

Hiob 30 / Hio 30

Hiob 31 / Hio 31

Hiob 32 / Hio 32

Hiob 33 / Hio 33

Hiob 34 / Hio 34

Hiob 35 / Hio 35

Hiob 36 / Hio 36

Hiob 37 / Hio 37

Hiob 38 / Hio 38

Hiob 39 / Hio 39

Hiob 40 / Hio 40

Hiob 41 / Hio 41

Hiob 42 / Hio 42