A A A A A
Facebook Instagram Twitter
Ewe Bible 1913

Esther 1



1
Eva me le Axasweros ŋɔli — eya nye Axasweros, si ɖu anyigba alafa ɖeka kple blave vo adre dzi, tso India vaseɖe Kus —
2
le ɣemaɣi, esime Axasweros bɔbɔ nɔ eƒe fiazikpui dzi le Susa-mɔ̃ me la,
3
etu aglo na eƒe amegãwo katã kple eƒe dɔlawo le eƒe ftaɖuɖu ƒe ƒe etɔ̃lia me, eye Persia-ʋakɔwo kple Media-ʋakɔwo, bubumewo kple anyigbawo ɖzikpɔlawo le eŋku me;
4
eye wòna wokpɔ eƒe fiaɖuƒe ƒe kesinɔnu veviwo kple eƒe gãnyenye ƒe atsyɔ̃ɖoɖo nyuiawo ŋkeke geɖe, ŋkeke alafa ɖeka kple blanyi sɔŋ.
5
Esi ŋkekeawo de vɔ la, fia la tu aglo na dukɔ blibo, si va Susa-mɔ̃ la me, tso tsitsiwo dzi vaseɖe ɖeviwo dzi ɖe fiasã la ƒe abɔ nu ŋkeke adre sɔŋ.
6
Wotsi avɔ ɣito, dzĩtɔ kple blɔtɔ, siwo ŋu wosa aklala kple aɖabɛ dzĩtɔ ƒe ka ɖo la, ɖe klosalosigɛwo ŋu le kpe xɔasi sɔtiawo ŋu. Wotsɔ sika kple klosalo lɔ̃ kuntrunuwo, ɖo ɖe anyigba, si wotsɔ kpe xɔasi dama, ɣito, hẽtɔ kple yibɔtɔ ɖo la.
7
Woku aha ɖe sikakpluwo me, eye kplu ɖesiaɖe le vovo, eye fia ƒe wein so gbɔ taŋ, abe alesi dze fia ene.
8
Wono aha la le ɖoɖo la nu dzizizi manɔme, elabena fia la ɖo na eƒe me amegãwo katã be, amesiame nawɔ, alesi dze eŋu.
9
Eye fiasrɔ̃ Wasti hã tu aglo na nyɔnuwo ɖe fiasã, si nye fia Axasweros tɔ la me.
10
Le ŋkeke adreliagbe, esime wein na fia la, ƒe dzi gbɔ ɖe me la, ede se na aƒe dzikpɔla aɖreawo, siwo nye Mehuman, Bizta, Xarbona, Bigta, Abagta, Zetar kple Xarkas, amesiwo subɔna le fia Axasweros ŋku me la be,
11
woaɖakplɔ fiasrɔ̃ Wasti va fia ŋku me, eye fiakuku nanɔ eta, ne wòafia eƒe tugbedzedze dukɔwo kple fiawo, elabena edze tugbe.
12
Ke fiasrɔ̃ Wasti gbe fia ƒe nya, si wòde aƒe dzikpɔlawo si la, eye meva o. Tete fia la nyrã ŋutɔ, eye dzi bi ɖe dɔ me nɛ.
13
Eye fia la bia gbe, amesiwo nya ɣeyiɣi me la se be: — elabena alea fia la tsɔa eƒe nyawo ɖoa amesiwo nya seawo katã kple ʋɔnudɔdrɔ̃ me la ŋku mee.
14
Amesiwo te ɖe ŋu la, wonye Karsena, Zetar, Admata, Tarsis, Meres, Marsena kple Memuxan; woawoe nye amegã adreawo le Persia kple Media, amesiwo kpɔa fia la ŋku me, eye wonɔa nɔƒe gbãtɔ le fiaɖuƒe la me —
15
Nuka woawɔ fiasrɔ̃ Wasti le se la nu? Elabena mewo fia Axasweros ƒe nya, si wòde aƒe dzikpɔlawo si la dzi o.
16
Tete Memuxan ɖo ŋu le fia kple amegãwo ŋku me bena. Menye fia la ɖeɖeko ŋu fiasrɔ̃ Wasti da vo ɖo o, ke boŋ ɖe amegãwo katã kple dukɔ, siwo katã le fia Axasweros ƒe anyigbawo katã dzi la hã ŋutie.
17
Elabena fiasrɔ̃ ƒe nuwɔwɔ la aɖo nyɔnuwo katã dome, eye woava wo srɔ̃wo kpɔ ge ɖe ƒomevi ahanɔ gbɔgblɔm be: Fia Axasweros be, woakplɔ fiasrɔ̃ Wasti va egbɔe, ke meyi o!
18
Eye egbe sia ke Persia-amegãwo kple Meɖia-amegãwo ƒe srɔ̃wo hã agblɔ alea ɖe fia ƒe amegãwo katã ŋu, ne wose fiasrɔ̃ ƒe nuwɔwɔ la, eye woahe vlododo kple dziku geɖe vɛ.
19
Ne edze fia ŋu la, ekema woade fia ƒe se, eye woaŋlɔe ɖe Persiatɔwo kple Mediatɔwo ƒe se la me, eye womada edzi o be: Wasti mekpɔ mɔ agava fia Axasweros ŋku me o, eye fia la natsɔ eƒe fianyenye ana nyɔnu bubu, si nyo wui.
20
Ne wose fia ƒe se, si wòde le eƒe fiaɖuƒe blibo, si nyadri la me la, ekema nyɔnuwo katã abu wo srɔ̃wo tso tsitsiawo dzi vaseɖe ɖeviawo dzi,
21
Tete nya la dze fia kple amegãwo ŋu, eye fia la wo Memuxan ƒe nya la dzi,
22
eye wòɖo agbalẽ ɖe fia ƒe anyigbawo katã dzi le anyigba sia anyigba kple eƒe nuŋɔŋlɔ kple dukɔ sia dukɔ kple eƒe gbegbɔgblɔ nu be: Ŋutsu sia ŋutsu enye aƒetɔ ɖe eƒe me eye eƒemetɔwo nabui.











Esther 1:1
Esther 1:2
Esther 1:3
Esther 1:4
Esther 1:5
Esther 1:6
Esther 1:7
Esther 1:8
Esther 1:9
Esther 1:10
Esther 1:11
Esther 1:12
Esther 1:13
Esther 1:14
Esther 1:15
Esther 1:16
Esther 1:17
Esther 1:18
Esther 1:19
Esther 1:20
Esther 1:21
Esther 1:22






Esther 1 / Est 1
Esther 2 / Est 2
Esther 3 / Est 3
Esther 4 / Est 4
Esther 5 / Est 5
Esther 6 / Est 6
Esther 7 / Est 7
Esther 8 / Est 8
Esther 9 / Est 9
Esther 10 / Est 10