A A A A A
Facebook Instagram Twitter
Ewe Bible 1913

2 Fiawo 5



1
Naeman enye Aram-fia ƒe aʋafia, exɔ ŋkɔ le eƒe aƒetɔ gbɔ, eye bubu le eŋu, elabena eya dzi Yehowa to na dziɖuɖu Aram; enye kalẽtɔ, gake edze anyi.
2
Eye Aramtɔwo ƒe adzohawo ho, eye woɖe aboyo nyɔnuvi suea ɖe tso Israel-nyigba dzi, eye wònɔ Naeman srɔ̃ gbɔ.
3
Eya gblɔ na eƒe aƒenɔ bena: Oo, ne nye aƒetɔ aɖe nyagblɔɖila, si le Samaria gbɔ la! ayɔ dɔ eƒe anyi la nɛ.
4
Eye wòyi ɖagblɔe na eƒe aƒetɔ bena: Ale kple ale nyɔnuvi, si tso Israel-nyigba dzi la, gblɔ esi.
5
Tete Aram-fia gblɔ bena: Yi, eye maɖo agbalẽ ɖe Israel-fia. Eye wòyi hetsɔ klosalo talento ewo kple sika sekel akpe ade kpakple atsyɔ̃ɖowu ewo de asi.
6
Eye wòtsɔ agbalẽ la vɛ na Israel-fia; eme nya enye: Ne agbalẽ sia su asiwò la, ekema nanyae be, nyee dɔ nye dɔla Naeman ɖe gbɔwò, be nayɔ dɔ eƒe anyi la nɛ.
7
Esi Israel-fia xlẽ agbalẽa la, edze eƒe awuwo gblɔ bena: Mawue menye, ne mawu ame agagbɔ agbee, hafi amesia dɔ ame ɖo ɖe gbɔnye, be mayɔ dɔ anyi na ŋutsu sia? Midze sii kokoko be, mɔnu dim wòle le ŋunye.
8
Ke esi Elisa, Mawu ƒe ame la se be, Israel-fia dze eƒe awuwo la, edo ame ɖo ɖe fia la gbɔ, ne woagblɔ nɛ bena: Nukaŋuti nèdze wò awuwo? Ɖoe ɖe gbɔnye, ne wòadze sii be, nyagblɔɖilaa ɖe le Israel.
9
Ale Naeman kple eƒe sɔwo kple eƒe tasiaɖam va tɔ ɖe Elisa ƒe aƒe nu.
10
Eye Elisa do ame ɖo ɖee, ne woagblɔ nɛ be: Yi ɖale tsi zi adre le Yordan me, ekema wò ŋutigbalẽ aɖɔ ɖo, eye wò ŋuti aka.
11
Tete Naeman bi dzi hedzo gblɔ bena: Kpɔ ɖa, nyea mebu be, ɖe wòle dodo ge ava gbɔnye, eye wòate ɖe ŋunye ayɔ Yehowa, eƒe Mawu ƒe ŋkɔ, eye woatso eƒe asi alili de teƒeawo, eye wòayɔ dɔ anyia hĩ!
12
Ɖe Damasko-tɔsisiwo, Amana kple Farfar, menyo wu Israel-tosisiwo katã oa? Ɖe nyemale tsi le wo me, eye ŋunye nakɔ oa? Eye wòdo dzo kple dziku.
13
Tete eƒe dɔlawo va egbɔ ƒo nu kplii gblɔ bena: Mía fofo, ne nyagblɔɖila gblɔ nu sesẽa ɖe na wò la, màwɔe oa? Kakaka wògblɔ na wò be: Ɖale tsi, ne ŋuwò nakɔ!
14
Tete wòɖi abu yi ɖado ɖi ɖe Yordan me zi adre le Mawu ƒe ame ƒe nya la nu, eye eƒe ŋutigbalẽ zu abe ŋutsuvi dzaa ɖe ƒe ŋutigbalẽ ene, eye eŋuti kɔ.
15
Tete eya kple eƒe ameha blibo la wogbugbɔ va Mawu ƒe ame la gbɔ, eye wòva egbɔ gblɔ bena: Kpɔ ɖa, azɔ medze sii bena, mawu ɖeke mele anyigba blibo la dzi o, negbe le Israel ko. Eyata xɔ nunanaa ɖe tso wò dɔla si!
16
Ke egblɔ be Meta Yehowa, amesi ŋku me mele tsitre ɖo la ƒe agbe: Ne maxɔ nane fĩ! Eye wòƒoe ɖe enu, be wòaxɔe, ke egbe.
17
Naeman gblɔ bena: Ne ele alea la, ekema na woaku anyi tedzisɔ eve ƒe tsɔtsɔ nu na wò dɔla, elabena wò dɔla magasa numevɔ kple akpedavɔ na mawu bubuwo azɔ o, negbe Yehowa ko.
18
Negbe esia ko Yehowa natsɔ ake eƒe dɔla: Nenye be, nye aƒetɔ yi Rimon ƒe me, be wòaɖe ta agu le afima, eye wòziɔ ɖe nye alo ŋu la, ekema nye hã made ta agu le Rimon ƒe me; Yehowa natsɔ gbe, siwo mado ɖa le Rimon ƒe me la, ake eƒe dɔla.
19
Egblɔ nɛ bena: Heyi le ŋutifafa me! Eye esi wòdzo le egbɔ eyome bu vie la,
20
Mawu ƒe ame Elisa ƒe ɖekakpui Gexazi gblɔ bena: Kpɔ ɖa, nye aƒetɔ gbe nusi Aramtɔ Naeman tso vɛ la, xoxo le esi. Meta Yehowa ƒe agbe: Ne nyemaƒu ɖu adze eyome aɖaxo nane le esi o fi!
21
Tete Gexazi dze Naeman yome. Esi Naeman kpɔ be, amea ɖe ƒu du kplɔe ɖo la, eɖi go le eƒe tasiaɖam la meyi ɖakpee gblɔ bena: Wo katã doa?
22
Eɖo ŋu bena: Wodɔ! Nye aƒetɔe ɖom ɖa be, magblɔ be: Kpɔ ɖa, fifi laa ɖekakpui eve tso Efrayim-to dzi le nyagblɔɖilawo ƒe nusrɔ̃viwo dome va dze gbɔnye; taflatse, tso klosalo talento ɖeka kple atsyɔ̃ɖowu eve na wo.
23
Naeman ɖo ŋu be: Ne enyo ŋuwò la, xa talento eve. Eye wòƒoe ɖe enu, eye wòbia klosalo talento eve ɖe kotoku eve me hekpe ɖe atsyɔ̃ɖowu eve ŋu, eye wòtsɔ wo de eƒe ɖekakpui eve si wotsɔ dze eŋgɔe.
24
Esi wova ɖo togbɛa gbɔ la, exɔ wo le wo si hetsɔ dzra ɖo ɖe eƒe me, eye wòɖo mɔ ŋutsuawo wodzo.
25
Ke eya va tsi tre ɖe eƒe aƒetɔ gbɔ. Tete Elisa biae bena: Afika netso, Gexazi? Eɖo ŋu bena: Wò dɔla medo de afi alo afime o!
26
Eye wògblɔ nɛ bena: Nye dzi de kpli wò tso, esime ŋutsua ɖe tre heɖi go le eƒe tasiaɖam me va kpe wò. Alo klosalo kple awuwo, amitiwo kple weingblewo, alẽwo kple nyiwo, dɔlaŋutsuwo kple dɔlanyɔnuwo xɔɣienye esia?
27
Eyata Naeman ƒe anyi la ade ɖe mia kple wò dzidzimeviwo ŋu tegbee! Tete wodzo le eŋku me, eye anyi ƒo ɖe eŋu fu kpii.











2 Fiawo 5:1
2 Fiawo 5:2
2 Fiawo 5:3
2 Fiawo 5:4
2 Fiawo 5:5
2 Fiawo 5:6
2 Fiawo 5:7
2 Fiawo 5:8
2 Fiawo 5:9
2 Fiawo 5:10
2 Fiawo 5:11
2 Fiawo 5:12
2 Fiawo 5:13
2 Fiawo 5:14
2 Fiawo 5:15
2 Fiawo 5:16
2 Fiawo 5:17
2 Fiawo 5:18
2 Fiawo 5:19
2 Fiawo 5:20
2 Fiawo 5:21
2 Fiawo 5:22
2 Fiawo 5:23
2 Fiawo 5:24
2 Fiawo 5:25
2 Fiawo 5:26
2 Fiawo 5:27






2 Fiawo 1 / 2Fi 1
2 Fiawo 2 / 2Fi 2
2 Fiawo 3 / 2Fi 3
2 Fiawo 4 / 2Fi 4
2 Fiawo 5 / 2Fi 5
2 Fiawo 6 / 2Fi 6
2 Fiawo 7 / 2Fi 7
2 Fiawo 8 / 2Fi 8
2 Fiawo 9 / 2Fi 9
2 Fiawo 10 / 2Fi 10
2 Fiawo 11 / 2Fi 11
2 Fiawo 12 / 2Fi 12
2 Fiawo 13 / 2Fi 13
2 Fiawo 14 / 2Fi 14
2 Fiawo 15 / 2Fi 15
2 Fiawo 16 / 2Fi 16
2 Fiawo 17 / 2Fi 17
2 Fiawo 18 / 2Fi 18
2 Fiawo 19 / 2Fi 19
2 Fiawo 20 / 2Fi 20
2 Fiawo 21 / 2Fi 21
2 Fiawo 22 / 2Fi 22
2 Fiawo 23 / 2Fi 23
2 Fiawo 24 / 2Fi 24
2 Fiawo 25 / 2Fi 25