A A A A A
Facebook Instagram Twitter
Ewe Bible 1913

1 Fiawo 2



1
Esi Dawid ƒe kuɣi le aƒe tum la, ede se na via Salomo gblɔ bena:
2
Mele demagbɔnugbe yim, eyata sẽ ŋu, eye wɔ ŋutsu.
3
Lé ŋku ɖe Yehowa, wò Mawu, ƒe nudidiwo ŋu, eye nazɔ eƒe mɔwo dzi, ne nalé eƒe ɖoɖowo, sewo, kɔnuwo kple ɖaseɖiɖiwo me ɖe asi, abe alesi woŋlɔe ɖe Mose ƒe se la me ene, ne nusiwo katã nawɔ kple afisiafi, si nayi la, nadze edzi na wò;
4
ne Yehowa ƒe nya, si wògblɔ ɖe ŋunye la, nava me be: Ne viwòŋutsuwo lé ŋku ɖe woƒe mɔwo ŋu, eye wozɔ anukwaretɔe le ŋkunye me kple woƒe dzi blibo kple luʋɔ blibo la, ekema wò amesiwo anɔ Israel-fiazikpuia dzi la, nu matso akpɔ o.
5
Enya nusi Yoab, Zeruya vi la wɔm, nusi wòwɔ Israel ƒe aʋafia eveawo Abner, Ner vi, kple Amasa, Yeter vi la, amesiwo wowu, eye wòbia hlɔ̃ ɖe ʋu, si wokɔ ɖe anyi le aʋa me la nu le ŋutifafaɣi, eye wòna aʋaʋu ƒo eƒe alidziblanu, si le eƒe ali, kple afɔkpa, si le eƒe afɔ.
6
Wɔ ɖe wò nunya la nu, be eƒe ta ɣi magayi tsie le ŋutifafa me o.
7
Ke ve Gileadtɔ Barsilai ƒe viŋutsuwo nu, eye woanɔ wò kplɔ̃ ŋu amewo dome, elabena alea wowɔ nam, esime mesi le nɔviwò Absalom nu.
8
Kpɔ ɖa, Benyamintɔ Simei tso Baxurim le gbɔwò; eyae ɖi gbɔm vevie le gbesigbe meyina ɖe Maxanayim, ke eva kpem le Yordan nu, eye mefa Yehowa nɛ gblɔ bena: Nyemawu wò kple yi o.
9
Eyata megagbe tohehe ne o, elabena ame nyanu nènye, eye ànya nusi nawɔe, be eƒe ta ɣi nayi tsie kple ʋu.
10
Eye Dawid mlɔ fofoawo gbɔ, eye woɖii ɖe Dawid ƒe du la me.
11
Ɣeyiɣi, siwo Dawid ɖu fia ɖe Israel dzi la, le ƒe blane; eɖu fia ƒe adre le Xebron, eye wòɖu fia ƒe blaetɔ̃ vɔ etɔ le Yerusalem.
12
Eye Salomo bɔbɔ nɔ fofoa Dawid ƒe fiazikpui la dzi, eye eƒe fiaɖuƒe la li ke ŋutɔ.
13
Eye Adoniya. Xagit vi la, yi Salomo dada Bat-Seba gbɔ. Ebiae bena: Ŋutifafa me nèva lea? Eɖo ŋu bena: Ŋutifafa mee!
14
Eye wògblɔ bena: Nyaa ɖe le asinye, be magblɔ na wò. Eɖo ŋu be: Ƒo nu!
15
Eye wògblɔ be: Wò ŋutɔ ènyae be, fiaɖuƒe la nye tɔnye, eye Israel blibo la ƒe ŋku le ŋunye, be nyee le fia nye ge; ke fiaɖuƒe la trɔ yi ɖe nɔvinye si, elabena Yehowae ɖoe nɛ.
16
Azɔ mabia nu ɖeka tso asiwò, eye megatem o. Eɖo ŋu nɛ bena: Ƒo nu!
17
Eye wògblɔ bena: Taflatse, ƒo nu kple fia Salomo, elabena magbe wò gbe o, ne wòatsɔ Sunami-nyɔnu Abisag nam maɖe.
18
Bat-Seba ɖo ŋu be: Enyo, maɖaƒo nu kple fia la ɖe tawo.
19
Eye Bat-Seba va fia Salomo gbɔ, be yeaƒo nu kplii le Adoniya ta; tete fia la tsi tre yi ɖakpee, eye wòbɔbɔ ɖe eŋku me; ebɔbɔ nɔ eƒe fiazikpui la dzi, eye wòna nunɔdzi fia la dada wòbɔbɔ nɔ eƒe nuɖusi me.
20
Eye wògblɔ bena: Mabia nu via ɖe tso asiwò, eye megatem o. Fia la ɖo ŋu nɛ bena: Danye bia, elabena nyemele tewò ge o.
21
Eye wògblɔ bena: Woatsɔ Abisag, Sunami-nyɔnu, na nɔviwò Adoniya, ne wòaɖe.
22
Tete fia Salomo ɖo ŋu gblɔ na dadaa bena: Nukaŋuti nele Abisag, Sunami-nyɔnu la, ko biam na Adoniya? Bia fiaɖuƒe la hã na eya kple nunɔla Abyatar kpakple Yoab, Zeruya vi la, elabena tonye wonye.
23
Eye fia Salomo ta Yehowa bena: Mawu nafiam agadiam ɖe dzi, ne menye Adoniya ɖe wògblɔ nya sia ɖe eƒe agbe ŋuti o ti!
24
Eyata meta Yehowa ƒe agbe, amesi li kem, eye wona mebɔbɔ no fofonye Dawid ƒo fiazikpui dzi, eye wòtso aƒe nam, abe alesi wògblɔ ene la be: Adoniya aku egbea!
25
Eye fia Salomo dɔ Benaya, Yehoyada vi ɖa woɖada nui ƒu anyi woku.
26
Eye ha la gblɔ na nunɔla Abyatar bena: Yi wò agble le Anatot, elabena edze ku Ke nyemele wuwo ge egbe sia o, elabena wòe tso Aƒetɔ Yehowa ƒe aɖaka la nɔ fofonye Dawid ŋgɔ, eye nèkpe tu dzẽa fu yia, si fofonye kpe.
27
Ale Salomo nyã Abyatar, be maganye Yehowa ƒe nunɔla azɔ o, ne Yehowa ƒe nya, si wògblɔ ɖe Eli ƒe aƒe ŋu le Silo la, nava me.
28
Eye nya la ɖi Yoab se, elabena Yoab ku ɖe Adoniya ŋu, ke meku ɖe Absalom ŋu o; tete Yoab si yi Yehowa ƒe agbadɔ la me ɖalé vɔsamlekpui la ƒe dzowo.
29
Eye wova gblɔ na Ha Salomo bena, Yoab si yi Yehowa ƒe agbadɔ la me, eye kpɔ ɖa, ele vɔsamlekpui la xa. Tete Salomo do Benaya, Yehoyada vi la ɖa bena: Yi ɖada nui ƒu anyi!
30
Eye Benaya yi Yehowa ƒe agbadɔ la me hegblɔ nɛ bena: Ale fia la gblɔ esi: Do go! Eɖo ŋu bena: Gbeɖe, ke boŋ afisia maku ɖo. Tete Benaya he gbe la vɛ na fia la gblɔ bena: Ale Yoab gblɔ, eye ale wòɖo ŋu nam enye si.
31
Fia la gblɔ nɛ bena: Wo abe alesi wògblɔ ene; da nui ƒu anyi, eye natsɔe aɖi, ne naɖe ʋu maɖifɔ, si Yoab kɔ ɖe anyi la ɖa le mía kple fofonye ƒe aƒe la ŋu.
32
Yehowa agbugbɔ eƒe nu ava eƒe ta dzi, elabena eda nu ŋutsu eve, siwo nye ame dzɔdzɔewo, eye wonyo wui, amesiwo nye Israel ƒe aʋafia Abner, Ner vi, kple Yuda ƒe aʋafia Amasa, Yeter vi, eye wowu wo kple yi fofonye Dawid ƒe manyamanyae.
33
Eye woƒe ʋu agbugbɔ ava Yoab kple eƒe dzidzimeviwo ƒe ta dzi tegbee; ke ŋutifafa atso Yehowa gbɔ ava Dawid kple eƒe dzidzimeviwo kple eƒe aƒe kpakple eƒe fiazikpui la dzi tegbee.
34
Tete Benaya, Yehoyada vi la, yi ɖada nui ƒu anyi hewui, eye wòɖu ɖe eƒe xɔ me le gbedzi.
35
Eye fia la tso Benaya, Yehoyada vi, ɖo aʋakɔ la nu ɖe eteƒe; eye fia la tsɔ nunɔla Zadok ɖo Abyatar teƒe.
36
Eye fia la do ame ɖo da, be woayɔ Simei vɛ, eye wògblɔ nɛ bena: Tu xɔ na ɖokuiwò ɖe Yerusalem nanɔ afima, ke megado tso afima yi afi alo afime o.
37
Gbesigbe nado atso Kidron-toʋua la nyae be, àku; wò ʋu ava wò ta dzi
38
Simei ɖo ŋu na fia la bena: Enyo, alesi nye aƒetɔ fia la gblɔ la, nenema eƒe ɖɔla awɔ. Eye Simei nɔ Yerusalem eteƒe didi
39
Ke eva me le ƒe elɔ̃ megbe bena, dɔlaŋutsu eve si le Simei gbɔ yi Gat-fia Axis, Maaxa vi gbɔ. Eye wova gblɔ na Simei bena: Kpɔ ɖa, wò dɔlawo le Gat.
40
Tete Simei tso, bia akpa na eƒe tedzi, eye wòyi Axis gbɔ le Gat, be yeadi yeƒe dɔlawo. Eye Simei yi ɖakplɔ eƒe dɔlawo tso Gat gbɔe.
41
Eye wova gblɔ na Salomo bena: Simei dzo tso Yerusalem yi Gat, eye wògatrɔ gbɔ.
42
Tete fia la dɔ woɖayɔ Simei ve, eye wògblɔ nɛ bena: Ɖe nyemena wota Yehowa na wò, eye mexlɔ̃ nu wò gblɔ bena, gbesigbe nado ayi afi alo afime la, nyae be, àku, eye nèɖo ŋu nam be, enyo yesee oa?
43
Nukaŋuti mèwɔ Yehowa ƒe atam kple se, si mede na wò la dzi oa?
44
Eye fia la gblɔ na Simei be: Wò ŋutɔ ènya vɔ, siwo katã nèwɔ ɖe fofonye Dawid ŋu, eye wò dzi nyae. Yehowa agbugbɔ wò vɔ̃ɖivɔ̃ɖi la ava wò ta dzi.
45
Ke woayra Salomo va, eye Dawid ƒe fiazikpui la ali ke le Yehowa ŋku me tegbee.
46
Tete fia la de se na Benaya, Yehoyada vi la, wòɖada nui ƒu anyi woku.











1 Fiawo 2:1
1 Fiawo 2:2
1 Fiawo 2:3
1 Fiawo 2:4
1 Fiawo 2:5
1 Fiawo 2:6
1 Fiawo 2:7
1 Fiawo 2:8
1 Fiawo 2:9
1 Fiawo 2:10
1 Fiawo 2:11
1 Fiawo 2:12
1 Fiawo 2:13
1 Fiawo 2:14
1 Fiawo 2:15
1 Fiawo 2:16
1 Fiawo 2:17
1 Fiawo 2:18
1 Fiawo 2:19
1 Fiawo 2:20
1 Fiawo 2:21
1 Fiawo 2:22
1 Fiawo 2:23
1 Fiawo 2:24
1 Fiawo 2:25
1 Fiawo 2:26
1 Fiawo 2:27
1 Fiawo 2:28
1 Fiawo 2:29
1 Fiawo 2:30
1 Fiawo 2:31
1 Fiawo 2:32
1 Fiawo 2:33
1 Fiawo 2:34
1 Fiawo 2:35
1 Fiawo 2:36
1 Fiawo 2:37
1 Fiawo 2:38
1 Fiawo 2:39
1 Fiawo 2:40
1 Fiawo 2:41
1 Fiawo 2:42
1 Fiawo 2:43
1 Fiawo 2:44
1 Fiawo 2:45
1 Fiawo 2:46






1 Fiawo 1 / 1Fi 1
1 Fiawo 2 / 1Fi 2
1 Fiawo 3 / 1Fi 3
1 Fiawo 4 / 1Fi 4
1 Fiawo 5 / 1Fi 5
1 Fiawo 6 / 1Fi 6
1 Fiawo 7 / 1Fi 7
1 Fiawo 8 / 1Fi 8
1 Fiawo 9 / 1Fi 9
1 Fiawo 10 / 1Fi 10
1 Fiawo 11 / 1Fi 11
1 Fiawo 12 / 1Fi 12
1 Fiawo 13 / 1Fi 13
1 Fiawo 14 / 1Fi 14
1 Fiawo 15 / 1Fi 15
1 Fiawo 16 / 1Fi 16
1 Fiawo 17 / 1Fi 17
1 Fiawo 18 / 1Fi 18
1 Fiawo 19 / 1Fi 19
1 Fiawo 20 / 1Fi 20
1 Fiawo 21 / 1Fi 21
1 Fiawo 22 / 1Fi 22