A A A A A

Nahum 3

17
Jou wagte is soos sprinkane, jou beamptes soos treksprinkane. Hulle drom saam op die klipmure om die koue te oorleef. Maar as die son opkom, vlieg hulle weg en niemand weet waarheen nie.
Afrikaanse Bybel NLV 2011

17
Die mense wat die stad moes oppas, en die amptenare, is soos sprinkane wat na 'n ander plek vlieg. Die swerms sprinkane sit op die klipmure wanneer dit koud is, maar wanneer dit warm word, dan vlieg hulle weg, en niemand weet waarnatoe hulle gaan nie.
Afrikaanse Bybel ABA 2007

17
Jou offisiere en jou amptenare is mooiweersvriende. Wanneer hulle iets uit ander mense kan kry wat vir hulle goed is, werk hulle so mooi saam. ’n Mens dink nogal jy kan hulle vertrou. Maar hulle is gou om te verdwyn as hulle dink hulle gaan êrens anders iets beters kry.
Afrikaanse Bybel DB 2006

17
en jou wagte is soos treksprinkane, jou bevelhebbers is soos 'n swerm sprinkane wat op die klipmure sit solank dit koud is, maar as die son opkom, vlieg hulle weg en niemand weet waarheen nie!
Afrikaanse Bybel 1983

17
Jou wagters is soos treksprinkane, en jou amptenare is soos swerms sprinkane wat op 'n koue dag op die heining sit -- die son breek deur, en hulle vlieg weg, en niemand weet waar hulle beland het nie.
Afrikaanse Bybel 1933/1953